El Apocalipsis 13:14 - Xochapa Mixteco

¹⁴ Saa si̱ndaꞌvi ri uvi ikán ndiꞌi na ndóo ñuu ivi yóꞌó xiꞌin yatuꞌun íkan ri. Ta xiꞌin yuꞌu mií kiti núnu̱ú ikán kua íkan kiti uvi ikán yatuꞌun nuu naꞌa. Saa xa̱ꞌnda chiñu kiti uvi ikán chiñu nuu naꞌa ya sikuaꞌa na naꞌna kiti núnu̱ú, ri ìyo ni ndi̱taꞌnda xiní xiꞌin i̱chi ta ndi̱taku tuku ri.

El Apocalipsis 13:14 ပူးပေါင်းရင်းမြစ်များ

2 Tesalonicenses 2:4

Saa xáa ra kanitaꞌan ra xiꞌin Iva yo Ndioxi ta kanitaꞌan tu ra xiꞌin ndiꞌi ndioxi ya ndíi xáa kaꞌnu na ñuu ivi yóꞌó án ndá ka ya xáa kaꞌnu na. Saa kiꞌvi ra ndikunduꞌu ra nda ini veꞌe ñuꞌu kaꞌnu Iva yo Ndioxi, ta kaꞌan ra kúu ra ndioxi.

El Apocalipsis 12:9

Ta tatun ya íyo xiꞌin Ndioxi ta̱va ya kiti koó nǎꞌa xiꞌin ndiꞌi tachi nduvaꞌa ya íyo xiꞌin ri. Ta̱va ya ri ki̱ꞌin ñaꞌa ya si̱koyo ya nda nuu ñuꞌú. Ta kiti ko̱ó nǎꞌa ikán ku ko̱ó yata ni, ta inka kivi ri kua Satanás án kiti Timiaꞌan. Ta suvi mií ri ku ri síndaꞌvi ndiꞌi ni kúu na ñuu ivi.

El Apocalipsis 13:1

Ñaa ndi̱xaa i ndi̱kundichi i nuu yoti yuꞌu nduta ñûꞌu, saa xi̱ni i iin kiti chee ni, ìyo ka vi káa ri. Ke̱ta ri ini nduta ñûꞌu ta kúu mií ri uxa xiní ri, ta íyo uxi ndikin ri, saa ínuu iin corona nuu iin iin ndikin ri ikán. Ta íyo tuꞌun ya kánaꞌa kini ni xaꞌa Ndioxi xiní iin iin ri ikán.

El Apocalipsis 13:15

Ta kiti uvi ikán ndi̱niꞌi ri ichí ya taxi ri kutaku naꞌna kiti núnu̱ú ikán. Ta naꞌna kiti núnu̱ú ikán ndi̱kiꞌin ya tachi ya vaꞌa káꞌan ya, saa xa̱ꞌnda ya chiñu ya ná kuvi ndiꞌi naꞌa, na köo xíin xaa toꞌo naꞌna ri ikán.

El Apocalipsis 13:8

Saa xáa kaꞌnu ndiꞌi naꞌa, na ndóo ñuu ivi kiti ikán. Na ikán, ta köo kivi na ndóso nuu tutu i̱í kúu mií kiti Levo loꞌo nuu ndivi. Chi Levo loꞌo ikán ku ri ndi̱soko xiꞌin mií, ya ndi̱xiꞌi ri. Saa chi̱tuni Ndioxi ikan ra tá täꞌan sikuaꞌa ra ñuu ivi.

El Apocalipsis 14:11

Ta ndiꞌi saa kivi koko na ikán, ndaa iꞌma ñu̱ꞌu̱ nuu xíxi ni na kuꞌun ya. Ta ni köo ndíkundee na yáꞌa ni ndóꞌo na án nduvi kua án ñûu kua ta ndóꞌo ni na chi ya yóꞌó ku yaꞌvi na ya xáa kaꞌnu na kiti ìyo ni káa ikán, saa xáa toꞌo tu na naꞌna va ri, saa ndóꞌo ndiꞌi na ndíkunuu sello ri ndaꞌa án taan na ―káchi tatun ya uni, xi̱ni soꞌo i.

El Apocalipsis 14:9

Saa ndíkun inka tatun ya uni sata tatun ya uvi ikán, ta ndee ni ndee ndi̱kaꞌan ya, káchi ya saa: ―Ndiꞌi naꞌa, na xáa kaꞌnu kiti ìyo ni káa ta saa xáa kaꞌnu na naꞌna ri ya ndíchi, ta táxi na káꞌi sello ri ndaꞌa na án taan na,

El Apocalipsis 15:2

Saa xi̱ni i inka ñaꞌa tá káa yuyu yéꞌe̱ ni saa káa nduta ñûꞌu xi̱ni i, ta sáka ñu̱ꞌu̱ xiꞌin rá. Ta yuꞌu nduta ñûꞌu ikán ndíta kuaꞌa ni naꞌa na xa ku̱chiñu nuu kiti ìyo ni káa ikán, ta ni köo ndi̱xaa kaꞌnu na naꞌna ri ya ndíchi, saa ni köo ndi̱taxi na ndikunuu sello ri taan na án ndaꞌa na ya kúu mií número ya ndítuꞌun xaꞌa unkua náni ri. Saa ndíta na nuu nduta ñûꞌu yéꞌe̱ ni tá káa yuyu ya yeꞌe ni ikán, ñaa ta̱xi Ndioxi itun arpa ndaꞌa iin iin na.

El Apocalipsis 16:13

Saa xi̱ni i ke̱ta iin kiti yuꞌu kiti ko̱ó nǎꞌa ikán, saa ke̱ta tu iin ri yuꞌu kiti ìyo ni káa ikán va, ta ke̱ta tu iin ri yuꞌu ra profeta vata ikán va. Tá íin kiti saꞌva, saa íin uni saa ri ikán. Ta kiti ikán ku uni nuu tachi nduvaꞌa.

El Apocalipsis 16:2

Saa ke̱e tatun núnu̱ú ndi̱xaꞌan ya ndi̱so ndee ya copa ya nuu ñuꞌú. Ta ndiꞌi na ikán kúu mií sello kiti ìyo ni káa ikán, ta xa̱a kaꞌnu na naꞌna ri ya ndíchi. Ta ka̱na ni ndi̱ꞌì nǎꞌa ikin kuñu na ta ndee ni kúꞌvi ya saa kini ni káa ya.

El Apocalipsis 18:23

Ni ñu̱ꞌu̱ yéꞌe̱ ta tüun ka ya ñuu na, Ni viko tindaꞌa nuu kúsini naꞌa köo ka ya koo. Ni naꞌa na ndi̱xiyo ni ndi̱xiko ta köo ka na koo, na ndasa ndee yóꞌo̱ nuu ku̱tai ni ini un ta köo ka na koo. Chi yóꞌo̱ ñuu chee ni ya Babilonia xa̱a tasi un xiꞌin ndiꞌi na ñuu ivi, ta si̱ndaꞌvi un na.

El Apocalipsis 19:20

Ta Taa ra chee ni ra yóso kuai yaa xiꞌin nda lapa ítaꞌan xiꞌin ra, tíin nda kiti ìyo ni káa ikán saa tíin tu nda ra profeta vata. Ta ra ikán ku ra si̱ndaꞌvi naꞌa xaꞌa ya i̱kan ra kuaꞌa ni yatúꞌun nuu na, ta ta̱xi na ndi̱kunuu sello ra taan na, saa xa̱a kaꞌnu na naꞌna mií kiti ìyo ni káa ikán. Ta saa xi̱ni i tíin ra nda kíꞌin ra nda síkana táku ra ini xitun chee ni nuu ndee ni xíxi ñu̱ꞌu̱ xiꞌin ñu̱ꞌu̱ káꞌndi ya náni azufre.

El Apocalipsis 2:10

Ta ndóꞌo̱ ku ïꞌvi ndo nuu tindoꞌo ya uꞌvi ni vaxi nuu ndo. Saa chi íyo naꞌa, na kúni xaa súvi ya kúni kiti nǎꞌa án kiti Timiaꞌa, kiti Satanás. Tiin na sava ndóꞌo̱ taan na veꞌe kàà, nuu koto ndoso na ndóꞌo̱ án ya ndixa kua kándixa ndo yeꞌe. Ta ndoꞌo ni ndo uxi kivi. Ta káꞌan ni i xiꞌin ndo ya ná síndikoo ndo ichí i, ndinuꞌu ni ini ndo kandixa ndo yeꞌe, nda kivi tá ná kuvi ndo. Saa ndikiꞌin ndo ya vaꞌa taxi i ndaꞌa ndo nuu kutaku ndo xiꞌin i ndiꞌi saa kivi ya vaxi.

El Apocalipsis 20:10

Saa tiin na tatun Ndioxi kiti nǎꞌa, kiti si̱ndaꞌvi ni naꞌa, ta kiꞌin na ri sikana táku na nuu xitun nuu ndee ni xíxi ñu̱ꞌu̱ xiꞌin ñu̱ꞌú káꞌndi ya náni azufre. Ta nuu xíxi ni ñu̱ꞌu̱ ikán xa si̱kana tu na kiti ìyo ni káa xiꞌin ra profeta vata ra xa̱a chiñu nuu ri. Ikán ku nuu tíxuꞌvi ni na nduvi niuun saa tixuꞌvi na ndiꞌi saa kivi ya vaxi.

El Apocalipsis 3:10

Xaꞌa ya ndee ni vaꞌa ndi̱xaꞌa ndee ini ndo xa̱a súvi ndo tuꞌun i, ta saa tu yeꞌe va, kundaa ni i ndóꞌo̱ tá kivi ná kixi tindoꞌo ya ndee ni ndee koto ndoso ya ndiꞌi na ndóo ñuu ivi yóꞌó.