El Apocalipsis 12:7 - Xochapa Mixteco

⁷ Saa xa̱á kuachi ndee ni ndee kúu nuu ndivi. Tatun ya chee ni, ya náni Miguel xiꞌin ndiꞌi tatun ya ítaꞌan xiꞌin ya, xa̱á káni taꞌan ya xiꞌin kiti ko̱ó nǎꞌa xiꞌin ndiꞌi tachi nduvaꞌa ya ítaꞌan xiꞌin ri.

El Apocalipsis 12:7 ပူးပေါင်းရင်းမြစ်များ

San Mateo 13:41

Yeꞌe, Taa ra xa̱a ñuu ivi yóꞌó, tiꞌvi i na tatun i kaka na nuu xáꞌnda chiñu i, tava na ndiꞌi naꞌa, na táa sií naꞌa ikan na ya väꞌa xiꞌin ndiꞌi na íkan ya väꞌa.

San Mateo 16:27

Ta yeꞌe, Taa ra xa̱a ñuu ivi yóꞌó, vaxi kivi ndiko koo i ñuu ivi yóꞌó xiꞌin ndee ya vaꞌa Iva i Ndioxi, ta kixi na tatun ra xiꞌin i, ta saa chaꞌvi i iin iin na xaꞌa ya vaꞌa án ya väꞌa i̱kan na ñuu ivi yóꞌó.

San Mateo 24:31

Saa tiꞌvi i na tatun Ndioxi ta ndee ni ndaꞌi na xiꞌin trompeta tivi na kuꞌun na ndikaya na ndiꞌi na ndi̱kaxin i ya kundikun na ichí i. Ta ndiꞌi ni kúu xaꞌa ñuu ivi kana koo na, xaa na nuu i.

San Mateo 25:41

Sindiꞌi saa kaꞌan i xiꞌin naꞌa, na väꞌa, na ndóo ñaꞌñu ítín i, kachi i saa: “¡Kuátaꞌa ndo nuu i, ndóꞌo̱ ndi̱tavi chiꞌña ku ndo! Kuáꞌan ndo ndaya, nuu xíxi ñu̱ꞌu̱ ndiꞌi saa kivi ta köo ndáꞌva ya. Chi ikán ku nuu ndi̱kuaꞌa kuꞌun kiti nǎꞌa xiꞌin ndiꞌi tachi nduvaꞌa ndikun ñaꞌa.

San Mateo 26:53

¿Án köo kúndaa ini un yeꞌe ta vaꞌa kaꞌan i xiꞌin Iva i ta ndikun tiꞌvi ra nda uni xiko uxi uvi mil na tatun Ndioxi kixi na chindee na yeꞌe?

2 Corintios 12:7

Ta ya ná chïnuu vaꞌa ni i tuꞌun i, xiꞌin ya xi̱ni i tá nda̱a i nuu ndivi, xaꞌa ya ikán kua ta̱xi Ndioxi ichí ndaꞌa tachi nduvaꞌa ya sítixuꞌvi ni ya yeꞌe, ta ndee ni kúꞌvi kuñu i, tá káa iñu saa káa ya kuakiꞌvi ikin kuñu i, saa ndóꞌo i ya ná chïnuu vaꞌa ni i tuꞌun mií i.

Efesios 6:12

Ta süvi xiꞌin na taꞌan mií yo kua kánitaꞌan yo, chi xiꞌin tachi nduvaꞌa ya ndee ni naꞌnu tin ndiꞌi ni kúu ya kúu mií chiñu xáꞌnda chiñu ndiꞌi ñaꞌñu xiꞌin ka inka nuu ndiꞌi ndee kiti nǎꞌa ya íyo nuu naá ñuu ivi yóꞌó tin xiꞌin ya íyo nìnu nuu sukun ni ñuu ivi yóꞌó kua kánitaꞌan yo.

2 Tesalonicenses 1:7

Vani ndóꞌo ni ndo vitin, sundi vaxi kivi saa taxi ra ndikundee ndo nuu ndiꞌi ya ndóꞌo ndo, iin káchi taxi ra koo vaꞌa ni ndo xiꞌin nde. Ya yóꞌó ikan ra kivi ná ndiko koo Tata yo Jesucristo kixi ra nuu ndivi xiꞌin na tatun Ndioxi, na ndee ni ndee kúu mií.

HEBREOS 2:10

Ndiꞌi ñaꞌa ya si̱kuaꞌa Ndioxi ta íyo ya xaa kaꞌnu ya ra, chi tixin ndee mií ra kua íyo ndiꞌi ya. Ta saa kúni ra ná niꞌi ndiꞌi na kúu seꞌe ra koo na xiꞌin ra nuu luvi ni káa. Xaꞌa ya ikán kua ta̱xi ra ndo̱ꞌo ni Tata yo Jesús ndi̱xiꞌi ra. Ikán ku nuu si̱xinu ra ndiꞌi chiñu ya kúni Ndioxi, saa ku̱u nuu ku̱chiñu ra ndu̱u ra taa, ra sikaku yoo, na kúu seꞌe ra.

2 Pedro 2:4

Saa chi nda na tatun Ndioxi ta köo ndi̱xaa kaꞌnu ini ra xaꞌa na tá ndi̱yaꞌa na nuu ra i̱kan na ya väꞌa ta ti̱ꞌvi ra na kuaꞌan na ndaya, ta̱an ra na ini yavi nuu naá ni, ta ikán kuñuꞌu na nda kivi ná xaa nani ra kuachi xiꞌin na ñuu ivi.

Judas 1:9

Ni mií tatun Ndioxi ya núnu̱ú ya ndee ni ndee kúu mií ya Miguel ya xáꞌnda chiñu nuu kuaꞌa ni tatun Ndioxi, ta köo ndi̱xaꞌa ndee ini ya tavi chiꞌña ya kiti nǎꞌa tá kivi ka̱nitaꞌan ya xiꞌin ri xaꞌa ikin kuñu ra Moisés. Ta ya ndi̱kaꞌan ya xiꞌin ri kua ka̱chi ya saa: “Mií Iva i Ndioxi ná xaa nduvaꞌa ni xiꞌin un”, ka̱chi ya xiꞌin ri.

El Apocalipsis 12:8

Ta ku̱chiñu tatun Miguel xiꞌin tatun ya ítaꞌan xiꞌin ya, ku̱chiñu ya nuu kiti ko̱ó nǎꞌa saa tu nuu ndiꞌi tachi nduvaꞌa ítaꞌan xiꞌin ri. Ta saa köo ndi̱kuchiñu ka kiti ko̱ó nǎꞌa ikán koo ri nuu ndivi, ni tachi nduvaꞌa ítaꞌan xiꞌin ri.

El Apocalipsis 12:9

Ta tatun ya íyo xiꞌin Ndioxi ta̱va ya kiti koó nǎꞌa xiꞌin ndiꞌi tachi nduvaꞌa ya íyo xiꞌin ri. Ta̱va ya ri ki̱ꞌin ñaꞌa ya si̱koyo ya nda nuu ñuꞌú. Ta kiti ko̱ó nǎꞌa ikán ku ko̱ó yata ni, ta inka kivi ri kua Satanás án kiti Timiaꞌan. Ta suvi mií ri ku ri síndaꞌvi ndiꞌi ni kúu na ñuu ivi.

El Apocalipsis 13:7

Ta kúu mií ri ichí ya kani taꞌan ri xiꞌin naꞌa na i̱í ndíkun ichí Ndioxi, ndakua kuchiñu ri nuu na. Saa kúu mií ri ichí ya kaꞌnda chiñu ri nuu ndiꞌi na ñuu vali tin na ñuu naꞌnu xiꞌin na káꞌan ndiꞌi ni kúu nuu tuꞌun ndóo ñuu ivi yóꞌó.

El Apocalipsis 20:2

Saa ti̱in tatun ikán kiti ko̱ó nǎꞌa, ri kúu ko̱ó yata. Ri ikán ku kiti nǎꞌa ri ínuu nuu ndiꞌi tachi nduvaꞌa, ta Satanás ku kivi ri ikán. Saa ka̱tun tatun ri xiꞌin cadena níꞌi ya, ya kunuꞌni ri iin mil kuiya.