El Apocalipsis 12:6 - Xochapa Mixteco

⁶ Ta xi̱nu yá ñaꞌa ikán kuaꞌan yá iku yuyu, ndi̱xaa yá nuu xa xa̱a vií Ndioxi koo yá. Ta iin mil uvi ciento uni xiko kivi chi̱ndee Ndioxi yá ta̱xi ra ñaꞌa kuxi yá.

El Apocalipsis 12:6 ပူးပေါင်းရင်းမြစ်များ

San Mateo 4:11

Saa si̱ndikoo ri Jesús ta ke̱ta ri kuaꞌan ri, ñaa ndi̱xaa na tatun Ndioxi chi̱ndee na ra, ta̱xi ndiꞌi na ñaꞌa ya xíniñuꞌu ra ndaꞌa ra.

El Apocalipsis 12:14

Ta ta̱xi Ndioxi uvi ndixin kiti tasun chee ni ndaꞌa yá, ta saa nda̱chi yá kuaꞌan yá nda iku yuyu. Ta ndi̱xaa yá nuu kâní ni, nuu köo íyo yati kiti ko̱ó nǎꞌa ikán. Ta ikán ta̱xi Ndioxi ñaꞌa xi̱xi yá, uni kuiya sava ta̱xi ra ya xi̱xi yá.

El Apocalipsis 12:4

Ta xiꞌin ndoꞌma ri si̱koyo ri uni taꞌvi kiti kimi, kiti íyo nuu ndivi, si̱koyo ñaꞌa ri nuu ñuꞌú. Ta kiti ko̱ó kini ni káa ikán, ndi̱xaa ri ndi̱kundichi ri nuu mií yá ñaꞌa ikán, ya kúni ri kaxi ri seꞌe yá tá sikan ka̱ku soꞌva ya.

El Apocalipsis 13:5

Ta suvi mií kiti chee kini ni káa ikán, ndi̱niꞌi ri ichí ya chinuu vaꞌa ni ri mií ri, ta saa káꞌan kini ni ri xaꞌa Ndioxi, ya chínuu väꞌa ri ya toꞌo Ndioxi. Ta uvi xiko uvi yoo ku̱u mií ri ichí ya ndi̱kaꞌan kini ri, saa ku̱u mií ri ichí ya xa̱ꞌnda chiñu ri nuu na ñuu ivi yóꞌó.

El Apocalipsis 17:3

Saa xa̱a Tachi I̱í Ndioxi sata i, ta ndi̱kiꞌin iin tatun yeꞌe ndi̱xaꞌan i xiꞌin ya iku yuyu. Saa xi̱ni i iin yá ñaꞌa, yóso yá iin kiti ìyo ni káa, kiti kuáꞌa ku ri. Ta ri ikán inii kúu sata ri íyo tuꞌun väꞌa ya káꞌan kini ni xaꞌa Ndioxi, saa kúu mií ri uxa xiní ri tin uxi ndikin ri.