El Apocalipsis 12:4 - Xochapa Mixteco

⁴ Ta xiꞌin ndoꞌma ri si̱koyo ri uni taꞌvi kiti kimi, kiti íyo nuu ndivi, si̱koyo ñaꞌa ri nuu ñuꞌú. Ta kiti ko̱ó kini ni káa ikán, ndi̱xaa ri ndi̱kundichi ri nuu mií yá ñaꞌa ikán, ya kúni ri kaxi ri seꞌe yá tá sikan ka̱ku soꞌva ya.

El Apocalipsis 12:4 ပူးပေါင်းရင်းမြစ်များ

San Juan 8:44

Kiti nǎꞌa va ku iva ndo: Seꞌe ri ikán va ku ndóꞌo̱ yakan kúni ndo ikan ndo ya íkan ri ikán. Saa chi ri ikán ta nda tá xaꞌa vi xa̱á ri xáꞌni ri ndìì. Ta nda iin ichí köo íkan ri ya ndaa, ta ni köo káꞌan ri ya ndaa. Tá káꞌan ri ya siki ta ndínaꞌa ri mií ri ya saa íyo ri, ta ri ikán ku iva siꞌí ndiꞌi ya vata.

1 Pedro 5:8

Ta káxin teꞌe koo ini ndo, küsun ndo, kundito ndo, saa chi kiti nǎꞌa, ri kánitaꞌan xiꞌin ndo ta ndá yokan ndíkun ri xíka ri sata ndo. Tá kuꞌva íkan kiti lion, ri ndee ni ndíkun xíka ndúku tiin kiti kaxi ri, kuꞌva saa íkan kiti nǎꞌa xiꞌin ndo.

El Apocalipsis 12:7

Saa xa̱á kuachi ndee ni ndee kúu nuu ndivi. Tatun ya chee ni, ya náni Miguel xiꞌin ndiꞌi tatun ya ítaꞌan xiꞌin ya, xa̱á káni taꞌan ya xiꞌin kiti ko̱ó nǎꞌa xiꞌin ndiꞌi tachi nduvaꞌa ya ítaꞌan xiꞌin ri.

El Apocalipsis 12:9

Ta tatun ya íyo xiꞌin Ndioxi ta̱va ya kiti koó nǎꞌa xiꞌin ndiꞌi tachi nduvaꞌa ya íyo xiꞌin ri. Ta̱va ya ri ki̱ꞌin ñaꞌa ya si̱koyo ya nda nuu ñuꞌú. Ta kiti ko̱ó nǎꞌa ikán ku ko̱ó yata ni, ta inka kivi ri kua Satanás án kiti Timiaꞌan. Ta suvi mií ri ku ri síndaꞌvi ndiꞌi ni kúu na ñuu ivi.

El Apocalipsis 13:2

Tá káa kiti ndikaꞌa leopardo saa káa ri xi̱ni i, ta xaꞌa ri tá káa xaꞌa kiti oso saa káa ya, ta yuꞌu ri tá káa yuꞌu kiti lión saa káa yuꞌu ri. Saa ta̱xi kiti ko̱ó nǎꞌa ikán ndee kúu mií ri ndaꞌa kiti kini ni káa ikán ya ndikunduꞌu ri nuu tai ri kaꞌnda chiñu ri.

El Apocalipsis 13:4

Saa xa̱á na síkusiti na nuu kiti ko̱ó nǎꞌa ikán, kiti ta̱xi ndee ndaꞌa kiti chee ìyo ni káa ikán, ñaa xa̱á na xáa kaꞌnu na ri, saa káꞌan xiꞌin taꞌan na, káchi na saa: ―Nda iin naꞌa köo ndee kúu mií tá kuꞌva ndee ni ndee kúu mií kiti yóꞌó, ta ni köo naꞌa kuchiñu kani taꞌan xiꞌin ri ―káchi na xiꞌin taꞌan na.

El Apocalipsis 16:13

Saa xi̱ni i ke̱ta iin kiti yuꞌu kiti ko̱ó nǎꞌa ikán, saa ke̱ta tu iin ri yuꞌu kiti ìyo ni káa ikán va, ta ke̱ta tu iin ri yuꞌu ra profeta vata ikán va. Tá íin kiti saꞌva, saa íin uni saa ri ikán. Ta kiti ikán ku uni nuu tachi nduvaꞌa.

El Apocalipsis 17:18

Ta yá ñaꞌa yá väꞌa yá xíko ikin kuñu xi̱ni un ku yá káꞌan xaꞌa ñuu chee ni ya xáꞌnda chiñu nuu ndiꞌi nda rey ñuu ivi yóꞌó ―káchi tatun ikán xiꞌin i.

El Apocalipsis 20:2

Saa ti̱in tatun ikán kiti ko̱ó nǎꞌa, ri kúu ko̱ó yata. Ri ikán ku kiti nǎꞌa ri ínuu nuu ndiꞌi tachi nduvaꞌa, ta Satanás ku kivi ri ikán. Saa ka̱tun tatun ri xiꞌin cadena níꞌi ya, ya kunuꞌni ri iin mil kuiya.

El Apocalipsis 8:10

Saa ti̱vi tatun Ndioxi, ya uni, itun trompeta ya, ñaa ke̱ta iin kimi chee ni nuu ndivi ndi̱kava ri ini nduta i̱tà, ta nina mií ñu̱ꞌu̱ mií ku ri. Ta ndi̱kava tu ri ini uni taꞌvi nuu kána tikuii va.

El Apocalipsis 8:11

Ta kiti kimi ikán náni ri Ajenjo, ta ajenjo kúni kachi ya “Ya uva”. Ñaa si̱tivi ri uni taꞌvi i̱tà, ta kuaꞌa ni naꞌa ndi̱xiꞌi xaꞌa ya xi̱ꞌi na tikuii uva ikán.

El Apocalipsis 8:12

Saa ti̱vi tatun Ndioxi, ya kumi, itun trompeta ya, ta si̱tivi ya uni taꞌvi ñu̱ꞌù, köo ndi̱yeꞌe uni taꞌvi ya nduvi, iin ku̱naa. Ta ndi̱tivi tu uni taꞌvi kiti yo̱ó va, ku̱naa uni taꞌvi ri, köo ndíyeꞌe vaꞌa ri ñǔu, saa ku̱naa. Ta saa ndi̱tivi tu uni taꞌvi kiti kimi köo vaꞌa ndíyeꞌe ri, ku̱naa nuu ri. Ta saa ku̱naa iin taꞌvi nduvi, ta ku̱naa tu iin taꞌvi ñǔu va.

El Apocalipsis 8:7

Saa xa̱á tatun ya núnu̱ú tívi ya itun trompeta ya, ñaa xa̱á kóyo íꞌín xiꞌin ñu̱ꞌu̱, sáka nií xiꞌin ya, ndi̱koyo ya kuaꞌan ya nuu ñuꞌú ñuu ivi yóꞌó. Saa ndi̱xixi uni taꞌvi itun kuií xiꞌin iku kuií.

El Apocalipsis 8:8

Saa ti̱vi tatun Ndioxi, ya uvi, itun trompeta ya. Ñaa xi̱ni i ke̱ta iin ñaꞌa tá káa iin xiki chee ni saa káa ya xi̱ni i, ndi̱kava ya ini nduta ñûꞌu, ta ndee ni xíxi ya, ta uni taꞌvi nduta ñûꞌu ikán ndu̱u rá nií.

El Apocalipsis 8:9

Ñaa ndi̱ꞌi xaꞌa uni taꞌvi nuu ndiꞌi kúu kiti ñúꞌu ini nduta ñûꞌu. Ta saa ndi̱ꞌi xaꞌa tu uni taꞌvi itun barco va.

El Apocalipsis 9:10

Ta ndoꞌma ri, tá íin ndoꞌma kiti tisoꞌma saa íin ya, ta yáꞌa ni xatu kue̱ꞌe̱ íyo nuu ya. Ndee ni sítixuꞌvi ya naꞌa tixin uꞌun yo̱ó.

El Apocalipsis 9:19

Ta kiti kuai ikán kúu mií ri ndee xiꞌin yuꞌu ri tin ndoꞌma ri. Tá íin kiti ko̱ó kue̱ꞌe̱ saa íin ndoꞌma ri, ta íyo xi̱ní ri, xiꞌin ya ikán sítikueꞌe ri naꞌa.