El Apocalipsis 12:2 - Xochapa Mixteco

² Ta ñúꞌu seꞌe yá, ndee ni ndee ndáꞌi yá xaꞌa ya uꞌvi ni xáꞌnda seꞌe yá chi xa kúni kaku ya.

El Apocalipsis 12:2 ပူးပေါင်းရင်းမြစ်များ

San Mateo 24:8

Süvi ya xa ndiꞌi xaꞌa ku ñuu ivi, ya sikan xa̱á ku ya tixuꞌvi ni na.

San Juan 16:21

Tá kúu iin ñaꞌá tá ku̱yati kaku seꞌe yá, ta uꞌvi ni xáꞌnda ya saa chi xa ti̱ndaa hora ya kaku seꞌe yá, sundi tá ndiꞌi ka̱ku ya loꞌo ikán ta ni köo ñúꞌu ka ini yá ndá kuꞌva kúꞌvi xáꞌnda ya, xaꞌa ya kúsini ni yá chi ka̱ku seꞌe yá.

Gálatas 4:19

Ñani mani, nda tá íin seꞌe i saa íyo ndo nuu i, ta tuku va tíxuꞌvi ni i xaꞌa ndo. Nda tá kuꞌva ndóꞌo̱ iin ñaꞌa yá ndee ni xáꞌnda seꞌe, saa ndóꞌo̱ i xiꞌin ndo, nda ná xinu ndo koo ndo tá kuꞌva íyo mií Cristo.

Gálatas 4:27

Saa káꞌan tuꞌun Ndioxi ya ta̱a na xaꞌa yá Sara xinaꞌa, káchi ya saa: Vaꞌa, ná kusini ni yóꞌo̱, yá núma, yá küvi koo seꞌe, yá täꞌan kaku seꞌe nda iin ichí. Ndee vaꞌa ndaꞌi kóꞌo un ya kúsini ni un xaꞌa ya köo xíni un ndá kuꞌva xáꞌnda seꞌe ná síꞌi tá kaku na. Chi yóꞌo̱, ta tá káa iin ñaꞌa yá ndi̱ndoo ndaꞌa i̱kan ií, saa káa un. Sundi yóꞌo̱ ku un ndee ni ka kuaꞌa koo seꞌe nuu ñaꞌa yá íyo ií.

El Apocalipsis 12:4

Ta xiꞌin ndoꞌma ri si̱koyo ri uni taꞌvi kiti kimi, kiti íyo nuu ndivi, si̱koyo ñaꞌa ri nuu ñuꞌú. Ta kiti ko̱ó kini ni káa ikán, ndi̱xaa ri ndi̱kundichi ri nuu mií yá ñaꞌa ikán, ya kúni ri kaxi ri seꞌe yá tá sikan ka̱ku soꞌva ya.