El Apocalipsis 12:1 - Xochapa Mixteco

¹ Saa xi̱ni i iin seña chee ni nuu ndivi, chi xi̱ni i iin yá ñaꞌa ndíxi níí yá ñu̱ꞌù, saa ndíkaa kiti yo̱ó tixin xaꞌa yá, ta ínuu corona xiní yá, ta kúu mií corona ikán uxi uvi kiti kimi.

El Apocalipsis 12:1 ပူးပေါင်းရင်းမြစ်များ

San Mateo 12:38

Sava nda fariseo xiꞌin nda sínaꞌa ley Ndioxi, ndee ni ndi̱kaꞌan nda xiꞌin Jesús, káchi nda saa: ―Tata Maestro, kúni nde ikan un yatuꞌun nuu nde kuni nde ―káchi nda xiꞌin ra.

San Mateo 24:30

Ta ndiꞌi naꞌa kuni na koo seña nuu ndivi ya ndiko koo yeꞌe, Taa ra xa̱a ñuu ivi yóꞌó, saa kuaku ni na ñuu ivi yóꞌó, kusuchi ni ini na. Ta ndiꞌi naꞌa kuni na yeꞌe kixi i xiꞌin viko, kixi i xiꞌin ndee chee ni xiꞌin ndiꞌi ya yéꞌe̱ ni.

San Marcos 13:25

Saa koyo kimi kiti ndóso nuu ndivi, ta saa ndiꞌi ñaꞌa ya kúu mií ndee nuu ndivi ta iin ndikanda ndiꞌi ya.

San Lucas 21:11

Ta ìyo ni kuu, kuaꞌa ni ñuu taan, saa koo tu tama va, koo kuaꞌa ni tu nuu kueꞌe va. Saa koo tu seña nuu ndivi va, ìyo ni kuu ku iꞌvi ni naꞌa.

San Lucas 21:25

Ñaa ndi̱kaꞌan ka Jesús, káchi ra saa: ―Tá xa ku̱yati ndiꞌi xaꞌa ñuu ivi, ta koo seña nuu ñu̱ꞌù tin yoó xiꞌin kimi. Ndiꞌi na ivi ta ku iꞌvi ni na xaꞌa ndiꞌi ya kuu. Iin saka soꞌva ini na, ni kündaa ini na unkua ikan na chi kini ni ìyo ndaꞌi nduta ñûꞌu tin kandeta ni nuu rá.

San Juan 3:29

Ta vitin ná kundaa ini ndo chi tá kúu nuu íyo viko tíndaꞌa, ta ra íin xiꞌin ñaꞌa yá tíndaꞌa ikán kuu ií yá, sundi ra íyo yati xiín ií yá, tá xíni soꞌo ra ya káꞌan ra ta kúsini ni ra tá xíni soꞌo ra tachi ra. Ta saa ndóꞌo yeꞌe, kúsini ni i chi xa xa̱a ra vitin.

Los Hechos 2:19

Ta sinaꞌa i ñaꞌa nuu ndivi ya kuni na, ñaa ndikanda ni ini na, koo seña ñuu ivi yóꞌó ikan i. Kuni na ni̱í ta kuni na koko ni ñu̱ꞌu̱. Saa koo ni tu iꞌma va, nda tá káa viko, saa koo ya.

ROMANOS 13:14

Vaꞌa ni ka kua ná ndikundixi ni yo ndee Tata yo Jesucristo. Ta ná ndïkani kíꞌvi ini yo tá kuꞌva ndíkani ini na ñuu ivi yóꞌó, chi na ikán ta ndisaa xaꞌa chiñu kíꞌvi ya kútoo ni mií ikin kuñu na kua íkan na.

ROMANOS 3:22

Ta ya yóꞌó kua sínaꞌa Ndioxi nuu yo vitin: xaꞌa ya kándixa yo Jesucristo kua, ndúu yo naꞌa, na vaꞌa na köo ka kuachi kúu mií nuu ra, án yo judío ku yo, án süvi yo judío ku yo.

2 Corintios 11:2

Chi yeꞌe, ta ndee ni ndíꞌi ini i xaꞌa ndo, tá kuꞌva ndíꞌi ini Ndioxi xíni ra ndóꞌo̱, saa ndíꞌi ni ini i xíni i ndóꞌo̱. Chi ki̱ndoo i taxi i ndóꞌo̱ ndaꞌa ra, tá kuꞌva íkan taa, táxi ra seꞌe síꞌi ra tíndaꞌa yá xiꞌin iin taa. Ta kuꞌva saa íyo yeꞌe nditaxi i ndóꞌo̱ ndaꞌa Jesucristo tindaꞌa ndo xiꞌin ra. Tá kuꞌva íin ná kuâán taki vali ná täꞌan tindaa nda iin taa, kuꞌva saa kúni i koo ndo nditaxi i ndóꞌo̱ ndaꞌa Jesucristo.

Gálatas 3:27

Tá kúu ndiꞌi yo chi̱chi xaꞌa ya kándixa yo Cristo ta iin ndu̱u yo xiꞌin ra, tá káa iin toto xa̱á saa káa ya táxi ra ndíxi yo, chínuu ra ya sata yo sísaꞌvi ya yoo.

Gálatas 4:26

Sundi ñuu Jerusalén ya íyo nuu ndivi, ta yá Sara, yá íyo ndíka kua ndínaꞌa ya ikán, ta yá ikán ku siꞌí ndiꞌi yo.

Gálatas 6:14

Sundi yeꞌe, ta köo kúni i kutai ini i xaꞌa ndá ka ñaꞌa. Ndisaa xaꞌa ya ndi̱xiꞌi Tata yo Jesucristo nuu cruzin xaꞌa kuachi yo kua kúni i kutai ini i xaꞌa. Chi xaꞌa ya i̱kan Jesucristo nuu cruzin kua ndu̱u i tá káa iin ra xa ndi̱xiꞌi nuu ya väꞌa íyo ñuu ivi yóꞌó, ta köo ka ndee ya kaꞌnda chiñu ya nuu i, chi yeꞌe tá káa ra xa ndi̱xiꞌi va saa káa i nuu ya.

Efesios 5:32

Ta ya káꞌan tuꞌun Ndioxi ya nduu na tíndaꞌa iin kuñu xiꞌin taꞌan na, ta ndee ni ndíchi kundaa ini yo xiꞌin ya yóꞌó, ta yeꞌe káchi saa, ya yóꞌó ta xaꞌa Cristo kua káꞌan ya xiꞌin yoo na kúu veꞌe ñuꞌu.

El Apocalipsis 1:20

Ta vitin ndikani i nuu un ya kundaa ini un, unkua kúni kaꞌan uxa ti kimi xi̱ni un ndóso nuu ndaꞌa kuáꞌá i xiꞌin uxa candelero kàà ya oro, nuu xíxi uxa ñu̱ꞌu̱. Uxa kiti kimi xi̱ni un ndóso nuu ndaꞌa kuáꞌá i kúni kachi ya, íyo uxa na tatun Ndioxi, na ndáa veꞌe ñuꞌu, na kándixa yeꞌe, na ndóo uxa ñuu. Ta uxa candelero kàà ya oro nuu xíxi ñu̱ꞌu̱, káꞌan ya xaꞌa uxa veꞌe ñuꞌu nuu ndóo naꞌa, na kándixa yeꞌe ―káchi ra xiꞌin i.

El Apocalipsis 11:19

Saa ndi̱xuna yeꞌe veꞌe ñuꞌu ya íyo nuu ndivi, ta ini veꞌe ñuꞌu ikán túvi ndíchi itun xatun i̱í nuu ñúꞌu tutu ya i̱í, ya kúu ley Ndioxi nuu ki̱ndoo ra ya xaa súvi ra ya ndi̱kaꞌan ra xiꞌin na. Saa xa̱á ndee ni ndíyeꞌe taxan, ta iin ndá síso kúu káꞌan na, ndáꞌi ka vi savi, ñaa xa̱á ndee ni táan, ta kóyo ka vi íꞌín, naꞌnu ka vi ya kóyo.

El Apocalipsis 12:3

Saa xi̱ni i inka seña chee ni nuu ndivi: Xi̱ni i kiti náni dragón. Tá káa kiti ko̱ó, saa káa ri. Kiti kuǎꞌa̱ ku ri ta ìyo ni káa ri, íyo uxa xiní ri, ta íyo uxi ndikin ri, saa íyo tu uxa corona iin iin ya ñúꞌu xiní iin iin ri.

El Apocalipsis 15:1

Saa xi̱ni i iin seña chee ni nuu ndivi, ta ndi̱kanda ka vi ini i xaꞌa ya xi̱ni i. Ñaa xi̱ni i uxa tatun Ndioxi kúu mií ichí taxi ya uxa nuu tindoꞌo ya ndee ni tixuꞌvi naꞌa, tá xa yati ni tindaa kivi ya ndiꞌi xaꞌa ñuu ivi. Ta ndakua xinu uxa ya ndee ni ndoꞌo na ikán, nda saa yaa ya sáa ni ini Ndioxi xíni ra ya väꞌa íkan na ñuu ivi yóꞌó.

El Apocalipsis 21:14

Xaꞌa mií nama chee ni ya xinuu nduu sata mií ñuu ikán ñúꞌu uxi uvi yu̱ú ya naꞌnu ni, ta sata iin mií yu̱ú ikán ndi̱kaꞌi kivi iin iin uxi uvi saa nda apóstol nda xa̱a chiñu nuu mií ra kúu Levo ikán.

El Apocalipsis 21:23

Ta mií ñuu ikán ta köo xíniñuꞌu ya ñu̱ꞌù án yoó ya sindiyeꞌe ya ñuu, saa chi xa mií Ndioxi xiꞌin mií kiti Levo ikán ku ya luvi ni síndiyeꞌe mií ñuu i̱í ikán.