El Apocalipsis 11:6 - Xochapa Mixteco

⁶ Ta ndee ni ndee kúu mií nda, chi vaꞌa kaꞌan nda küun savi, ta küun rá tá kivi xíka nda káꞌan ndoso nda tuꞌun i. Saa kúu mií nda ndee ya ndasa nda tikuii nduu rá nií, ta kúu tu mií nda ndee ya taxi nda tindoꞌo ndee ni tixuꞌvi naꞌa xiꞌin ndiꞌi saa nuu ya uꞌvi ni ñuu ivi yóꞌó. Ta kúu mií nda ndee ikan nda saa, ndisaa ka ichí kúni míi nda ikan nda saa.

El Apocalipsis 11:6 ပူးပေါင်းရင်းမြစ်များ

San Lucas 4:25

Ta ya ndixa kua káꞌan i xiꞌin ndo, tiempo ndi̱xika ra Elías ñuu ivi yóꞌó ta ndi̱xiyo kuaꞌa ni ná ndi̱ndoo ndaa ñuu Israel, ta köo ndi̱sikuun Ndioxi savi uni kuiya sava, ta ndi̱xiꞌi ni na soko,

El Apocalipsis 11:3

Ta tiꞌvi i uvi nda taa, nda ndíkuíin xaꞌa chiñu i ya kaꞌan ndoso nda tuꞌun i tixin mil uvi ciento uni xiko kivi, ta kundixi nda toto ndai ni nuu xaꞌa ya kúni i ya ndiko koo ini naꞌa xaꞌa kuachi na ―káchi Ndioxi.

El Apocalipsis 16:3

Saa ndi̱so ndee tatun ya uvi copa níꞌi ya nuu nduta ñûꞌu, ta nduta ñûꞌu ndu̱u rá nií, nda tá kuꞌva xíta ni nií iin naꞌa na xáꞌni na, saa ndu̱u kuáꞌa rá. Ñaa ndi̱xiꞌi ndiꞌi kiti táku ñúꞌu ini nduta ñûꞌu.

El Apocalipsis 16:4

Saa tatun ya uni ndi̱so ndee ya copa ya nuu tikuii i̱tà xiꞌin ndiꞌi ñaꞌñu nuu kána tikuii, ta iin ndu̱u kuáꞌa ndiꞌi tikuii ikán, ndu̱u rá tá káa nií.

El Apocalipsis 8:8

Saa ti̱vi tatun Ndioxi, ya uvi, itun trompeta ya. Ñaa xi̱ni i ke̱ta iin ñaꞌa tá káa iin xiki chee ni saa káa ya xi̱ni i, ndi̱kava ya ini nduta ñûꞌu, ta ndee ni xíxi ya, ta uni taꞌvi nduta ñûꞌu ikán ndu̱u rá nií.