El Apocalipsis 10:7 - Xochapa Mixteco

⁷ Tá ná tindaa kivi ya tivi tatun ra ya uxa itun trompeta ya, saa kua sixinu ndiꞌi Ndioxi ya xa chi̱tuni ra xaa súvi ra, ta köo ndi̱kundaa ini naꞌa xaꞌa ya ndi̱kaꞌan ra xiꞌin nda profeta, nda ndi̱kaꞌan tuꞌun yuꞌu ra xinaꞌa ―káchi tatun ikán xi̱ni soꞌo i.

El Apocalipsis 10:7 ပူးပေါင်းရင်းမြစ်များ

Los Hechos 3:21

Sundi vitin ta xíniñuꞌu Jesús koo ra nuu ndivi nda kivi ná xaa vií Ndioxi ñuu ivi yóꞌó. Nduxaa ya kindoo vaꞌa ndiꞌi ñaꞌa. Nduu ya tá ndi̱xiyo ya núnu̱ú tá täꞌan kiꞌvi kuachi ñuu ivi yóꞌó. Tá íyo ya ndi̱kaꞌan Ndioxi tixin ndiꞌi nda i̱í, nda ndi̱kaꞌan ndoso tuꞌun yuꞌu ra xinaꞌa, saa koo ya ikan ra.

ROMANOS 11:25

Ñani yo xiꞌin kuꞌva yo, ndóꞌo̱ köo kúu judío, kúni i kaꞌan i xiꞌin ndo ya ná kundaa ini ndo xaꞌa chiñu ya íyo sěꞌe ikan Ndioxi. Yakan kua xäa xíni ni ndo mií ndo, saa chi sava mií na Israel ta ndee ni ndu̱tuun ini na, köo xíin na kandixa na Jesucristo, ta saa ikan na nda ná xinu naꞌa, na köo kúu judío, na ndi̱kaxin Ndioxi sikaku ra.

ROMANOS 16:25

Ta ná xaa toꞌo yo Ndioxi chi mií ra ku ra chíndee yoo, táxi ra ndee ndaꞌa ndo ya tuun ni ndíkun ndo tuꞌun vaꞌa xaꞌa Jesucristo, ya ndítuꞌun i xiꞌin ndo. Tuꞌun vaꞌa yóꞌó kua ndi̱xiyo sěꞌe xinaꞌa, ta vitin si̱naꞌa tuvi Ndioxi ya nuu yo.

El Apocalipsis 14:6

Saa xi̱ni i inka tatun Ndioxi ndáchi ya xíka ya nuu ndivi. Ta káꞌan ndoso tatun ikán tuꞌun vaꞌa xiꞌin na ndóo ndiꞌi saa kúu xaꞌa ñuu ivi tin na ndóo ñuu vali xiꞌin na ndóo ñuu naꞌnu xiꞌin na káꞌan ndiꞌi ni kúu nuu tuꞌun.

El Apocalipsis 17:17

Ta mií Ndioxi ku ra chi̱tuni ya koo yuꞌu uxi saa nda rey ikán xiꞌin taꞌan nda, ya taxi nda ichí ndaꞌa ri ìyo ni káa ikán ya kaꞌnda chiñu ri. Ta saa kaꞌnda chiñu ri nuu nda rey ya sixinu nda ya káꞌan tuꞌun Ndioxi.