El Apocalipsis 10:1 - Xochapa Mixteco

¹ Sindiꞌi saa xi̱ni i inka tatun Ndioxi ya kúu mií chiñu ndee ni, ke̱ta ya nuu ndivi ta iin súvi níí viko sata ya. Ta iin ndi̱kava nduu ndiꞌi kiti tilanchi xi̱ní ya. Ta nuu ya tá yéꞌe̱ ñu̱ꞌù, saa yéꞌe̱ ya. Ta xaꞌa ya, tá íin ñu̱ꞌu̱ ya ndee ni ndíkuita yáa xíxi ya, saa íin xaꞌa ya.

El Apocalipsis 10:1 ပူးပေါင်းရင်းမြစ်များ

San Mateo 17:2

Ta ikán xi̱ni nda ndee ni ndi̱yeꞌe taxan nuu ra ndi̱nama ndiꞌi ra, nda tá kuꞌva yéꞌe̱ ñu̱ꞌù tá kaꞌñu sava, saa ndi̱yeꞌe nuu ra. Saa tu toto ra, ndee ni ndu̱yaa sami ya tá kuꞌva yéꞌe̱ ñu̱ꞌù, saa nduu ya.

San Lucas 21:27

Tá sindiꞌi ikán, saa kuni ndiꞌi naꞌa yeꞌe, Taa ra xa̱a ñuu ivi yóꞌó, kuni na ndiko koo i kixi i xiꞌin viko kixi i, ta ndee ni koo ya yéꞌe̱ ná kixi i. Nda tá káa iin ra rey, ra chee, saa koo i kixi i, chi kixi ndee Ndioxi xiꞌin i.

Los Hechos 26:13

Tá xíka i kuaꞌan i ñuu ikán ta saa ka̱ꞌñu va, Tata Rey. Ñaa xi̱ni i iin ñu̱ꞌu̱ ke̱ta ya nuu ndivi, ndakua yéꞌe̱ taxan ya, ndee ka yéꞌe̱ ya ikán nuu ñu̱ꞌù. Ta iin ndi̱kava nduu ndiꞌi ya sata i xiꞌin nda kuaꞌan xiꞌin i.

El Apocalipsis 1:7

Vaxi kivi ta ndiko koo Tata yo Jesucristo ñuu ivi yóꞌó, kixi ra tañu vi̱kó. Ndiꞌi saa naꞌa kuni xiꞌin nuu na ra kixi ra. Nda naꞌa, na tu̱vi itun íyo kàà xi̱ín nuu, na xa̱a ndu̱vaꞌa ni xiꞌin ra, si̱tikueꞌe ni na ra, ta nda na ikán kuni kixi ra. Ta naꞌa, na ndóo ndiꞌi ni kúu ñaꞌñu ñuu ivi, na köo ndi̱xiin kandixa ñaꞌa, nda na ikán kusuchi ni ini, kuaku ni na tá ná kuni na ra. Saa ná koo.

El Apocalipsis 18:1

Tá ndi̱ꞌi ndi̱yaꞌa ndiꞌi ya ikán saa xi̱ni i inka tatun Ndioxi vaxi nuu ya nuu ndivi. Ta ndixa ni chee ndee kúu mií ya. Xaꞌa ya ndee ni ndee kúu mií ya, ta iin ndi̱yeꞌe ndiꞌi ni kúu nuu ñuꞌú.

El Apocalipsis 18:21

Saa ti̱in iin tatun Ndioxi ya ndee ni ndee kúu mií, ti̱in ya iin yu̱ú chee ni taꞌan ya xíniñuꞌu na ndíko na trigo. Kiꞌin ya yu̱ú ikán si̱kana ya ini nduta ñûꞌu, saa ndi̱kaꞌan ya, káchi ya saa: Tá kuꞌva si̱kana i yu̱ú chee ni ini nduta ñûꞌu, kuꞌva saa sikana Ndioxi yóꞌo̱ ñuu Babilonia, ta nda iin ka naꞌa küni yóꞌo̱.

El Apocalipsis 20:1

Saa xi̱ni i iin tatun vaxi nuu ya nu̱ú ndivi. Ta níꞌi ya llave kuna ya yavi kunu ni, saa níꞌi ya iin cadena chee ni.

El Apocalipsis 4:3

Ta ra índuꞌu nuu tai ikán yéꞌe̱ kavi ra, ndakua tá kuꞌva ndíyeꞌe yu̱ú luvi ni ya náni jaspe án cornalina saa yéꞌe̱ ra. Ta iin ndikava nduu ndiꞌi kiti tilanchi sata tai toꞌo nuu índuꞌu ra. Yéꞌe̱ ka vi kiti tilanchi ikán, ndakua tá kuꞌva yéꞌe̱ taxan yu̱ú luvi ni ya náni esmeralda saa yéꞌe̱ ri.

El Apocalipsis 5:2

Saa xi̱ni i iin tatun Ndioxi ya ndee ni ndaku, ta ndee ka vi ndi̱kaꞌan ya, káchi ya saa: ―¿Unku vi ra kúu mií ichí ya ndaxin ra ya kixin núꞌni toko tutu yóꞌó ta ndikani ra ya? ―káchi tatun Ndioxi ikán.

El Apocalipsis 8:13

Ta saa ndi̱koto i, ta xi̱ni soꞌo i ndáchi iin tatun Ndioxi maꞌñu ndivi, ta ndee ni káꞌan ya, káchi ya saa: ―¡Vai! ¡Vai! ¡Vai! Ndaꞌvi ni na ndóo ñuu ivi, chi kúmani ka soo uni tatun tivi itun trompeta ya. Ta xa íyo tuꞌva ya tivi ya nu, tá ná tivi ya ikán ta ndee ni ndoꞌo na ―káchi tatun Ndioxi ndáchi ikán.