El Apocalipsis 1:13 - Xochapa Mixteco

¹³ Ta maꞌñu uxa candelero ikán, ndíchi iin taa, tá káa Taa ra xa̱a ñuu ivi yóꞌó saa káa ra ndíchi. Ndíxi ra iin toto kani ni nda xaꞌa ra xáa ya. Saa súvi iin i̱ín ya oro kándika ra ndíchi ra.

El Apocalipsis 1:13 ပူးပေါင်းရင်းမြစ်များ

HEBREOS 4:15

Saa chi sutu ra ínuu nuu yo ku ra ta kúndaꞌvi ni ini ra xíni ra yoo, xaꞌa ya xíni ra köo ndee ini yo, köo ndaku ini yo nuu ya väꞌa, chi tá káa níí ya ndóꞌo yoo, saa ndi̱xiyo tu ya ndo̱ꞌo mií va ra, xi̱to ndoso ni ya väꞌa ra, sundi nda iin kuachi köo ndi̱kiꞌvi ra.

El Apocalipsis 14:14

Saa ndi̱koto i ta xi̱ni i iin viko yaa, ta nuu viko ikán índuꞌu iin taa, tá káa ra ke̱e nuu Ndioxi saa káa ra. Ta ínuu iin corona ya oro xiní ra ikán, saa níꞌi ra iin i̱chi káni ni ta xiín ni yuꞌu ya.

El Apocalipsis 15:6

Ta ini veꞌe ñuꞌu i̱í ni ikán ka̱na koo uxa tatun Ndioxi. Saa kúu mií ya ichí ya taxi ya uxa nuu ya uꞌvi ni tixuꞌvi naꞌa kivi vaxi. Ta tatun Ndioxi ikán ndíxi ya toto ya lino yaa ni ta yéꞌe̱ taxan mií toto ya. Saa núꞌni kandika iin iin ya xiꞌin ñii ya oro ndinuꞌu ni.

El Apocalipsis 2:1

Saa ndi̱kaꞌan ka ra xiꞌin i, káchi ra saa: ―Vaꞌa taa un tuꞌun yóꞌó ná kuꞌun ya ndaꞌa tatun Ndioxi ya ndáa na kándixa yeꞌe, nuu ndíkitaꞌan na xáa kaꞌnu na Ndioxi ñuu Éfeso. Yeꞌe ku taa ra ndóso uxa kimi nuu ndaꞌa kuáꞌá, ta yeꞌe ku ra xíka maꞌñu candelero ya oro nuu ndóso ñu̱ꞌu̱ xíxi ya, ta káꞌan i xiꞌin ndóꞌo̱ ndóo ñuu Efeso, ndo kándixa yeꞌe, ta soꞌva káchi i xiꞌin ndo: