Efesios 1:17 - Xochapa Mixteco

¹⁷ Xáku ndaꞌvi i nuu Ndioxi ra chee ni, ra kúu Iva Tata yo Jesucristo ya ná taxi ra ya xínituni ndaꞌa ndo, ta saa ná xinu ndo kundaa vaꞌa ini ndo xaꞌa ra ta nda kuni taꞌan vaꞌa ka ndo xiꞌin ra,

Efesios 1:17 ပူးပေါင်းရင်းမြစ်များ

San Mateo 11:25

Tiempo ikán ndi̱kaꞌan Jesús xiꞌin Ndioxi, káchi ra saa: ―Tata Iva yo, yóꞌo̱ ku ra chee nuu ndiꞌi na ñuu ivi yóꞌó xiꞌin nuu ndivi. Xáa kaꞌnu ni i yóꞌo̱ chi xa si̱naꞌa un na ndaꞌvi, na köo kúndaa ini, na íin tá íin na vali, ku̱ndaa ini na ya vaꞌa xaꞌa un. Ta ti̱seꞌe un ya vaꞌa yóꞌó nuu naꞌa, na ndíchi, na xíni ni.

San Mateo 11:27

Saa ndi̱kaꞌan ka Jesús xiꞌin na, káchi ra saa: ―Iva i Ndioxi ta̱xi ndiꞌi ra ya vaꞌa ndaꞌa i. Ta nda iin naꞌa köo xíni yeꞌe, ra kúu seꞌe Ndioxi, iindaa mií Ndioxi ku ra xíni vaꞌa yeꞌe. Ta nda iin naꞌa köo xíni Iva i tá kuꞌva xíni yeꞌe ra, saa tu na ndi̱kaxin i taxi i kuni vaꞌa na ini ra.

San Mateo 16:17

Saa ndi̱kaꞌan Jesús xiꞌin ra: ―Ná kusini ni un Simón, seꞌe ra Jonás, saa chi süvi naꞌa, na ñuu ivi yóꞌó ku na ndítaxi ya xínituni un. Iva i Ndioxi, ra íyo nuu ndivi ni̱nù ku ra i̱kan saa xiꞌin un ―káchi Jesús xiꞌin ra.

San Mateo 20:33

Saa ndi̱kuiin nda káꞌan nda: ―Tata, kúni nde sindaꞌa un ndeꞌe, ná ndikuna nuu nde ya vaꞌa ndikoto nde ―káchi nda xiꞌin ra.

San Mateo 6:13

Täxi un ndikava nde ndaꞌa ya väꞌa, chindee un ndeꞌe nuu ya väꞌa. Chi yóꞌo̱ ku ra xáꞌnda chiñu, yóꞌo̱ ku ra kúu mií ndee ta ndiꞌi naꞌa xáa kaꞌnu yóꞌo̱ ndiꞌi saa kivi ya vaxi. Saa ná koo ya”. Soꞌva kachi ndo xiꞌin Ndioxi ―káchi Jesús xiꞌin na.

San Lucas 12:12

saa chi suvi mií Tachi I̱í Ndioxi kua taxi tuꞌun ndaꞌa ndo kaꞌan ndo xiꞌin na ―káchi Jesús.

San Lucas 2:14

¡Ná kunuu ka ya toꞌo Ndioxi, ra íyo nuu ndivi! 2 Ta ná koo vaꞌa ni ini na ñuu ivi na íkan ra ya vaꞌa xiꞌin ―káchi na tatun ikán.

San Lucas 21:15

chi mií i chindee ndóꞌo̱, taxi i tuꞌun ndaꞌa ndo kaꞌan ndo xiꞌin na. Ndíchi ni koo tuꞌun taxi i ndaꞌa ndo kaꞌan ndo xiꞌin na ta ni küchiñu na ndikuiin na yuꞌu ndo, chi vaꞌa ni kaꞌan ndo.

San Juan 14:17

Ta ya ikán ku Tachi Ndioxi ya sinaꞌa ndóꞌo̱ xaꞌa ya ndaa. Ta na köo ndíkun yeꞌe ta küvi ndikiꞌin na ya koo ya xiꞌin na, chi köo xíni na ya, ta ni küchiñu na kuni xiꞌin nuu na ya. Sundi ndóꞌo̱ ndíkun yeꞌe ta xíni ndo ya, ta íyo ya xiꞌin ndo, saa koo ya xiꞌin ndo ndiꞌi saa ichí.

San Juan 14:26

Sundi Tachi I̱í ya tiꞌvi Iva i kixi Sindiko ya ini ndo, ta tixin kivi yeꞌe kua kixi ya chindee ya ndóꞌo. Saa sinaꞌa ndiꞌi ya ndóꞌo̱, ta sindikaꞌán ya ini ndo xaꞌa ndiꞌi tuꞌun ya ndi̱kaꞌan i xiꞌin ndo.

San Juan 16:3

Saa ikan na xiꞌin ndo, saa chi täꞌan kuni na yeꞌe, ni Iva i ta köo xíni na ra.

San Juan 17:3

Ta ya kutaku na ndiꞌi saa ichí kua kúni kachi ya ná kuni vaꞌa na ini un, chi iin yóꞌo̱ ku Ndioxi ra ndaa ni xiꞌin Jesucristo, ra ti̱ꞌvi un vaxi ñuu ivi yóꞌó.

San Juan 20:17

Saa ndi̱kaꞌan Jesús xiꞌin yá, káchi ra saa: ―Tïin un yeꞌe saa chi täꞌan ndiko koo i kuꞌun i nuu Iva i. Sundi vaꞌa kuꞌun un ndituꞌun un xiꞌin nda xi̱taꞌan xiꞌin i, ya ndiko koo i kuꞌun i nuu Iva i xiꞌin Iva ndóꞌo̱, Ndioxi mií i ku ra ta saa kúu tu ra Ndioxi ndóꞌo̱ va ―káchi Jesús xiꞌin yá.

Los Hechos 6:10

Sundi köo ndíkuchiñu na xiꞌin ra saa chi ndíchi ni káꞌan ra xiꞌin na xaꞌa ya ndee ni íyo Tachi I̱í Ndioxi xiꞌin ra.

Los Hechos 7:2

Ñaa ndi̱kuiin ra káꞌan ra: ―Ndóꞌo̱ tata, na xikuaꞌa, xiꞌin ndóꞌo̱ iva siꞌí, kuni soꞌo ndo ná kaꞌan i xiꞌin ndo. Tá täꞌan kuꞌun xii yo ra Abraham koo ra ñuu Harán, ta ndi̱tuvi Ndioxi, ra chee, ra kaꞌnu, nuu ra tá íyo ra chi Mesopotamia.

ROMANOS 1:28

Xaꞌa ya ndi̱ndoso ini na xaꞌa Ndioxi, ta ni köo ndi̱xiin na kundaa ini na xaꞌa ra, yakan sa̱ña ndaꞌa ra na, xa̱á na íkan na ya väꞌa, ya ndíkani xiní mií na.

ROMANOS 15:6

Ta saa iin yuꞌu ná koo ndiꞌi ndo xiꞌin taꞌan ndo, ná ndikitaꞌan ndiꞌi ndo xaa kaꞌnu ndo Iva yo Ndioxi, ra kúu Iva Jesucristo.

1 Corintios 12:8

Saa chi táxi Tachi I̱í Ndioxi ya vaꞌa ndaꞌa sava na, ya kúchiñu na kúndaa ini na xiꞌin tuꞌun ya ndee ni ndíchi, ta sava tuku na ndee ni íyo ya xínituni na, ndíchi ka vi íyo ya káꞌan na.

1 Corintios 14:6

Ñani yo, tá ná xaa i koto i ndóꞌo̱ ta ná kaꞌan i xiꞌin ndo tuꞌun ya köo kúndaa ini yo xiꞌin, ya ke̱e nuu ndivi, ná kachi yo. Ta ya uun kuiti va ku ya kaꞌan i xiꞌin ndo, chi kündaa ini ndo xiꞌin ya kaꞌan i xiꞌin ndo. Sundi ya vaꞌa ni kaꞌan i xiꞌin ndo ku tuꞌun ya si̱naꞌa Tachi I̱í Ndioxi nuu i kaꞌan i xiꞌin ndo, xiꞌin ya kaꞌan i xiꞌin ndo xaꞌa ya ndíchi ni kúu mií Ndioxi, án ya ndikani i nuu ndo kundaa ini ndo xaꞌa ya kaꞌan ndoso ndo tuꞌun vaxi yuꞌu Ndioxi, án ya sinaꞌa i ndóꞌo̱ xaꞌa tuꞌun ra ya vaꞌa kundaa ini ndo xiꞌin.

1 Corintios 2:10

Sundi mií Ndioxi ku ra ndi̱naꞌa ya yóꞌó nuu yo tixin Tachi ra ya kuchiñu yo kundaa ini yo xaꞌa ya. Saa chi ndisaa mií Tachi ra kua xíto ndoso ndiꞌi ni kúu ñaꞌa. Nda ñaꞌa ya küvi kundaa ini yo xiꞌin, saa tu ndiꞌi ya ndíchi ni, ya íyo sěꞌe, ta ndisaa mií Tachi ra kua kúndaa ini xaꞌa ndiꞌi ya kúu mií Ndioxi.

1 Corintios 2:8

Ta ya ndíchi yóꞌó, ta nda iin mií na chiñu ñuu ivi yóꞌó köo ndíkundaa ini xaꞌa ya. Saa chi tá ndíkundaa ini na xaꞌa ya, ta chïnuu vi na Tata yo Jesucristo nuu cruzin, ndikuu, chi ndee ni ndee ku mií ra.

2 Corintios 12:1

Ta ya ndaa kua nda iin ñaꞌa köo níꞌi naꞌa, na chínuu vaꞌa ni mií tuꞌun. Ta saa ni xíniñuꞌu i ndituꞌun i xiꞌin ndo xaꞌa ñaꞌa ya ta̱xi Ndioxi ndaꞌa i, chi mií ra ku ra si̱tuvi ya nuu i.

Efesios 1:3

Ta saa ná xaa kaꞌnu ni yo Ndioxi ra kúu Iva Tata yo Jesucristo, chi ta̱xi ni ra ndiꞌi ya vaꞌa íyo nuu ndivi ndaꞌa yo tixin Jesucristo.

Efesios 3:5

Ta ya íyo sěꞌe taꞌan ya káꞌan i xaꞌa xiꞌin ndo yóꞌó yachi, ta nda iin naꞌa köo ndi̱kundaa ini xaꞌa ya, sundi vitin ta Ndioxi si̱naꞌa ra ya nuu nda i̱í, nda kúu apóstol xiꞌin nda profeta. Saa i̱kan ra si̱naꞌa ra ya nuu nda tixin Tachi I̱í ra.

Efesios 4:13

Saa xíniñuꞌu yo ikan yo nda ná xinu koo ndiꞌi yo nduu yo iin yuꞌu xaꞌa ya kándixa yo ra tin ya kúndaa ini yo xaꞌa Tata yo Jesucristo, ra kúu Seꞌe Ndioxi. Chi yoo ta kúni yo xinu koo yo nduu yo naꞌa, na xuxa ini xiꞌin tuꞌun ra, saa xinu yo nduu yo tá kuꞌva káa mií ra.

Filipenses 3:15

Ta kuꞌva saa ná ndikani ini ndiꞌi yo xa xa̱ꞌnu tuꞌun Ndioxi nima. Tá ndá tu ndóꞌo̱ köo ndíkani ini kuꞌva saa, ta xa síin ndíkani ini ndo, ta mií Ndioxi ku ra sinaꞌa ndóꞌo̱ ndá kuꞌva ndikani ini ndo.

2 Timoteo 2:25

Ta vaꞌa vií ndikani un nuu naꞌa, na köo xíin kandixa tuꞌun Ndioxi, án sana niꞌi na ya vaꞌa nuu Ndioxi ta ndisama nima na, ya ná kundaa ini na xaꞌa ya ndaa.

Tito 1:1

Yeꞌe ku ra Pablo, ta suvi mií i ku ra xáa chiñu nuu Iva yo Ndioxi, ta xíka tu i chiñu nuu Tata yo Jesucristo va. Ta yeꞌe ku ra táa tutu yóꞌó xaa ya nuu un ñani yo Tito, chi mií Iva yo Ndioxi ku ra ndi̱kaxin yeꞌe, saa xa̱ꞌnda chiñu ra nuu i ya kaka i chindee taꞌan i xiꞌin na ñuu ra, na ndi̱kaxin ra, ya ndinuꞌu ni ini na ná kundaa ini na kuni na ra. Ta saa vaꞌa ná kundaa ini na ya ndaa xaꞌa Tata yo Jesucristo, tá kuꞌva kúni mií Iva yo Ndioxi.

Santiago 2:1

Ñani yo, ndïkaxin ndo nda iin na taꞌan yo na ndíkun Tata yo Jesucristo ra kúu mií ndee chee ya vaꞌa ni, iin kachi kuꞌvi ini ndo kuni taꞌan ndiꞌi ndo.

2 Pedro 1:3

Ta xiꞌin ndee Ndioxi kua xa ta̱xi ra ndiꞌi ya xíniñuꞌu ndo ndaꞌa ndo ya vaꞌa kutaku yo nuu ra tá kuꞌva kúni mií ra. Xa ndi̱kiꞌin yo ndiꞌi ya yóꞌó chi vitin ta ndinuꞌu ni ini yo xíni yo Jesucristo, ra ka̱na yoo ya ndu̱u yo naꞌa, na kúu mií ya vaꞌa, ya luvi kaꞌnu ni kúu mií ra.

2 Pedro 3:18

Ta ndóꞌo̱ xíniñuꞌu ndo kunitaꞌan vaꞌa ka ndo xiꞌin Tata yo Jesucristo, ra síkaku yoo, ra kúꞌvi ni ini xíni yoo. Ta ná xaa kaꞌnu ni yo ra ndiꞌi saa kivi xiꞌin ndiꞌi kivi ya vaxi. Saa ná koo.

El Apocalipsis 7:12

Ta ndi̱kaꞌan na xiꞌin Ndioxi, káchi na saa: ―¡Saa ná koo ya! ¡Ndikiꞌin ndiꞌi un ya xáa kaꞌnu nde yóꞌo̱ Iva yo Ndioxi! Ná kaꞌan vaꞌa ni naꞌa xaꞌa un ¡Chi mií un ku ra ndixa ni ndíchi! ¡Ta ndixaꞌvi ni un, Iva yo Ndioxi! ¡Ná kunuu sukun ni ya toꞌo un! ¡Chi ndee ni ndee kúu mií un! ¡Ta ndakú ni un! ¡Saa ná koo ya ndiꞌi saa kúu kivi! ―káchi na tatun Ndioxi.