Colosenses 4:4 - Xochapa Mixteco

⁴ Saa kaꞌan ni ndo xiꞌin ra ya ná chindee ra yeꞌe kuchiñu i ndituꞌun teꞌe ni i ya ndaa xaꞌa ra xiꞌin naꞌa.

Colosenses 4:4 ပူးပေါင်းရင်းမြစ်များ

Los Hechos 4:29

Ta vitin káꞌan nde xiꞌin un chindee un ndeꞌe, Tata, chi xíto mií un ndá kuꞌva síꞌvi ni na ndeꞌe saa chi ndíkasi na nuu nde ya ná käꞌan ka nde tuꞌun un. Ta taxi un ndee un ndaꞌa nde ya ná ku ïꞌvi nde kaka nde ndikani nde tuꞌun un.

Los Hechos 5:29

Saa ndi̱kuiin ra Pedro xiꞌin nda taꞌan ra, káchi nda saa: ―Ya xíniñuꞌu ni nde xaa súvi nde kua kúni Ndioxi nuu ya xaa súvi nde ya kúni na ñuu ivi yóꞌó.

2 Corintios 3:12

Ta xa kúndaa teꞌe ini nde xaꞌa ya saa íyo ya, yakan kua ndee ni vaꞌa ndítuꞌun teꞌe nde xiꞌin ndo.

Efesios 6:20

Ta mií Iva yo Ndioxi ku ra ta̱xi chiñu ndaꞌa i ya kaꞌan ndoso i tuꞌun ra, ta xaꞌa ya ñaa kua ndíkaa i veꞌe kàà yóꞌó. Ta kaꞌan ni ndo xaꞌa i xiꞌin Ndioxi ya ná taxi ra ndee ndaꞌa i kaꞌan i xiꞌin naꞌa, ta ná ku ïꞌvi i kaꞌan i xiꞌin na.

Colosenses 4:5

Ta ndóꞌo̱, vívií koo ndo nuu naꞌa, na köo kándixa Ndioxi. Ná niꞌi ndo tuꞌun vaꞌa táxi Ndioxi ndaꞌa ndo ndituꞌun ndo xiꞌin na, ta kuniñuꞌu vaꞌa ni ndo tiempo ya kaꞌan ndo xiꞌin na.

Colosenses 4:6

Tá káꞌan ndo xiꞌin na, ta vivií ndi̱tuꞌun ndo xiꞌin na, nda tá kuꞌva yasin ñaꞌa xíxi yo ya kuakee iín xiꞌin, kuꞌva saa yasin ndituꞌun ndo xiꞌin na. Saa kua vaꞌa kuchiñu ndo ndikuiin ndo yuꞌu na tá ndákan tuꞌun na ndóꞌo̱ ndá ka ñaꞌa.