Colosenses 4:2 - Xochapa Mixteco

² Ñani yo xiꞌin kuꞌva yo, xïkuiin ndo kaꞌan ni ndo xiꞌin Ndioxi, saa koo ndúvi ni ndo ndiꞌi saa kivi ya taxi ni ndo tixaꞌvi ndaꞌa ra.

Colosenses 4:2 ပူးပေါင်းရင်းမြစ်များ

San Mateo 26:41

Küsun ndo, kaꞌan ni ndo xiꞌin Ndioxi ya ná ndïkava ndo nuu ya väꞌa. Saa chi kúni ni va ndo ikan ndo ya vaꞌa, sundi vita ni va ini ndo ―káchi ra xiꞌin nda.

San Marcos 13:33

’Yakan kua káꞌan i xiꞌin ndo, kuenta ni koo ndo ta koo tuꞌva ndo, kaꞌan ni ndo xiꞌin Ndioxi, saa chi köo xíni ndo maa kua tindaa hora ya ndiko koo i.

San Lucas 18:1

Sindiꞌi saa xa̱á Jesús ndítuꞌun ra xiꞌin nda ítaꞌan xiꞌin ra, ndíkani ra nuu nda ya ná kaꞌan ni nda xiꞌin Ndioxi, ta ná ndïko koo ini nda.

San Lucas 21:36

Xíniñuꞌu ndo koo nduvi ndo, ndinuni kaꞌan ndo xiꞌin Ndioxi ndiꞌi saa tiempo ya ná ndöꞌo ndo saa, ta kuchiñu ndo kaku ndo nuu ndiꞌi tindoꞌo ya vaxi ñuu ivi. Ta saa kuchiñu ndo kundita ndo ndikuiso ndo yeꞌe, Ra xa̱a ñuu ivi yóꞌó ―káchi Jesús xiꞌin na.

Los Hechos 1:14

Ndiꞌi saa ichí ndíkitaꞌan ndiꞌi nda káꞌan nda xiꞌin Ndioxi saa xáku ndaꞌvi nda nuu ra, ta ndíkitaꞌan tu siꞌí Jesús yá María va xiꞌin nda saa tu nda ñani va ra, ndíkitaꞌan na káꞌan na xiꞌin Ndioxi.

ROMANOS 12:12

Ta kusini ni ndo chi ndátun ndo taxi Ndioxi ya vaꞌa ndaꞌa ndo, tá vaxi tindoꞌo nuu ndo tíxuꞌvi ndo, ta kuaꞌa ndee ni ini ndo xiꞌin ya, ta xïkuiin ndo, kaꞌan ni ndo xiꞌin Ndioxi.

Efesios 6:18

Ta xïkuiin ndo, kaꞌan ni ndo xiꞌin Ndioxi ndiꞌi saa ichí ya ná chindee taꞌan Tachi I̱í ra xiꞌin ndo. Koo ndúvi ni ndo, ta ndïkava ini ndo, kaꞌan ni ndo xiꞌin Ndioxi xaꞌa ndiꞌi na ñuu Ndioxi, na i̱í.

Filipenses 4:6

Ta nda iin ya kündiꞌi ini ndo xaꞌa. Tá ndá ya kúmani nuu ndo ta kuaku ndaꞌvi ndo nuu Ndioxi. Nduku ndo ñaꞌa ya xíniñuꞌu ndo nuu ra, saa taxi ni ndo tixaꞌvi ndaꞌa ra xaꞌa ya chíndee ra ndóꞌo̱.

Colosenses 1:9

Nda tá ku̱ndaa ini nde xaꞌa ndo, ta nda saa kua xa̱á nde káꞌan ni nde xaꞌa ndo xiꞌin Ndioxi. Ndúku nde ya mani nuu ra ya ná taxi ra kundaa vaꞌa ini ndo xaꞌa ya xa chi̱tuni mií ra, ya ná taxi ra ya ndíchi ni ndaꞌa ndo kundaa ini ndo xiꞌin ya xínituni vaxi nuu mií ra.

Colosenses 2:7

Tá kuꞌva kúnu ni ñúꞌu tioꞌo itun án tá kuꞌva kúnu ni kuáꞌa xaꞌa veꞌe, kuꞌva saa ndee ni tuun kandixa ndo ra, xaꞌa ni ndo ndee xiꞌin taꞌan ndo, koo ndo tá kuꞌva xa ku̱ndaa ini ndo xaꞌa ya ndaa si̱naꞌa nde ndóꞌo̱, ta saa taxi ni ndo tixaꞌvi ndaꞌa ra.

Colosenses 3:15

Ta taxi ndo ná koo ya vaꞌa táxi Cristo ndaꞌa ndo ya kaꞌnda chiñu ya nima ndo, chi mií Cristo ku ra ka̱na ndóꞌo̱ ya nduu ndo iin ikin kuñu xiꞌin ra, ta taxi ni ndo tixaꞌvi ndaꞌa Ndioxi ndiꞌi saa ichí.

Colosenses 3:17

Ta ndiꞌi ñaꞌa íkan ndo án ya káꞌan ndo, ta vaꞌa ikan ndo ndiꞌi ya xaꞌa ya chinuu vaꞌa ndo tuꞌun mií Tata yo Jesús, saa taxi ni ndo tixaꞌvi ndaꞌa Iva yo Ndioxi.

Colosenses 4:12

Saa tu ra Epafras, ra ñuu mií ndo, tíꞌvi ni ra tuꞌun mani xaa nuu ndo. Ta ndiꞌi saa ichí ndee ni káꞌan ra xaꞌa ndo xiꞌin Ndioxi ya ndee ni ná koo vaꞌa ndo, ta ná kuaꞌnu ni ka ndo xiꞌin tuꞌun Ndioxi ya kundaa vaꞌa ini ndo xiꞌin ya, saa xaa súvi ndo ya kúni mií Ndioxi.

1 Pedro 4:7

Ta vaꞌa ná kundaa ini ndo chi xa yati ni va ndiꞌi xaꞌa ñuu ivi yóꞌó, yakan ndóꞌo̱ ta káxin teꞌe koo ini ndo, ta ndinuꞌu ni ini ndo kaꞌan ni ndo xiꞌin Ndioxi ndiꞌi saa kivi.