Colosenses 2:4 - Xochapa Mixteco

⁴ Ndítuꞌun ndiꞌi i ya yóꞌó xiꞌin ndo ya ná täxi ndo sindaꞌvi ndá ka naꞌa ndóꞌo̱ xiꞌin tuꞌun vata ya sixinu na ini ndo.

Colosenses 2:4 ပူးပေါင်းရင်းမြစ်များ

San Mateo 24:24

Chi kana koo kuaꞌa ni na vata kachi na saa: “Yeꞌe ku ra ku Cristo ra ti̱ꞌvi Ndioxi”, án “Yeꞌe ku profeta ra káꞌan ndoso tuꞌun yuꞌu Ndioxi”, kachi na, ta süvi na ndaa ku na. Ikan na yatuꞌun nuu sindaꞌvi na naꞌa, saa ndikanda ni ini na xiꞌin ya vata ikan na nuu naꞌa, ta nda na ndi̱kaxin Ndioxi kuni na sindaꞌvi na.

San Mateo 24:4

Saa ndi̱kuiin Jesús, káꞌan ra xiꞌin nda, káchi ra saa: ―¡Kuenta ni koo ndo. Täxi ndo sindaꞌvi naꞌa ndóꞌo̱!

San Marcos 13:22

Saa chi kuaꞌa ni nda taa vata kixi, kaꞌan nda, nda ikán ku nda ti̱ꞌvi Ndioxi sikaku na ñuu ivi yoꞌo, án nda ikán ku profeta nda vaxi kaꞌan ndoso tuꞌun yuꞌu ra, kachi nda. Ta kuaꞌa ni yatuꞌun ikan nda, saa ikan nda ya ndíchi ni nuu na ya sindaꞌvi nda na, nda sava na ndi̱kaxin Ndioxi kuni nda sindaꞌvi nda.

Los Hechos 20:30

Nda na xíka veꞌe ñuꞌu mií ndo ta saa ikan na xiꞌin ndo. Vaxi kivi ta xáa na sinaꞌa na ya síki, saa taa sií na na ñúꞌu xiꞌin ndo ya ná kundikun ñaꞌa na.

1 Corintios 2:4

Tá ndi̱kaꞌan ndoso i xiꞌin ndo xaꞌa tuꞌun ra, ta köo ndi̱xiniñuꞌu i tuꞌun ndíchi ni taꞌan ya xíniñuꞌu na ñuu ivi yóꞌó ya sixinu i ini ndo. Sundi mií Tachi I̱í Ndioxi xiꞌin ndee mií ra kua si̱xinu ra ini ndo xaꞌa tuꞌun ya ndi̱kaꞌan i xiꞌin ndo ya kúu ya ndaa ni.

2 Corintios 11:3

Chi yeꞌe, ta ndíꞌi ni va ini i xiꞌin ndo, ìyo ni ndoꞌo ndo tá kuꞌva ndo̱ꞌo yá Eva, xiꞌin ya vata si̱ndaꞌvi kiti ko̱ó yá. Xaꞌa ya ñaa kua ndíꞌi ni ini i xíni i ndóꞌo̱. Koto ka saka naꞌa, na vata xi̱ní ndo, ta sindoo ndo ya ndee ni vaꞌa ndinuꞌu ini ndo ndíkun ndo ichí vaꞌa xaꞌa Jesucristo.

Gálatas 2:4

Ndi̱kitaꞌan nde ndi̱tuꞌun nde xiꞌin taꞌan nde, chi sava nda káꞌan kúu nda ñani yo, ta nda vata va ku nda. Tá kua ndi̱kiꞌvi nda veꞌe ñuꞌu ya xínani nda ya íkan yo, chi nda ikán ta köo kúni nda ya koo ndíka yo tá kuꞌva káꞌan Jesucristo, sundi kúni nda ná nduu tuku yo tá íin yo xáa súvi ley Ndioxi xiꞌin ya nduxa.

Efesios 4:14

Chi saa kua ïkan ka yo tá kuꞌva íkan na vali, ta ni ndöꞌo yo tá kuꞌva ndóꞌo itun barco chi tá vaxi tachi saa kua kánda nu kuaꞌan nu, ta saa yoo, kändixa ndikuu yo ndiꞌi nuu ñaꞌa ya síin ni káa sínaꞌa ndá ka nda väꞌa sínaꞌa, chi nda ikán ta nda kúni sindaꞌvi yoo va ku nda.

Efesios 4:17

Ta ya yóꞌó kua káꞌan i xiꞌin ndo vitin xaꞌa ichí ya ta̱xi Cristo ndaꞌa i kua xáꞌnda chiñu i nuu ndo, káꞌan i xiꞌin ndo: ïkan ka ndo tá kuꞌva íyo naꞌa, na köo xíni Ndioxi. Saa chi na ikán ta íkan na ya väꞌa tá kuꞌva ndíkani ini mií na.

Efesios 5:6

Täxi ndo sindaꞌvi nda iin naꞌa ndóꞌo̱ ya sixinu na ini ndo ikan ndo ndá ka ñaꞌa ya kini ni káa, ya väꞌa ya yakua ya xáa yakua ikin kuñu ndo. Saa chi Ndioxi ta xaa nduvaꞌa ni ra xiꞌin ndiꞌi naꞌa, na köo xíni soꞌo ya káꞌan ra.

Colosenses 2:18

Ta täxi ndo sindaꞌvi naꞌa ndóꞌo̱, na káꞌan ya ndee ni vaꞌa xáa toꞌo na Ndioxi, káchi na. Saa chínuu vaꞌa ni na tuꞌun na, ta ndása ni̱nu̱ na mií na nuu naꞌa, ta xáa kaꞌnu ni na tatun Ndioxi. Saa káꞌan na ya sítuvi Ndioxi nuu na ta kúni na ná ikan ndo tá kuꞌva íkan mií na, ta ya ndáku ini mií va na kua káꞌan na saa. Sundi ndóꞌo̱, ta küni soꞌo ndo ya káꞌan na xiꞌin ndo, täxi ndo sindaꞌvi na ndóꞌo̱, chi ni süvi ya ndaa loꞌo kua káꞌan na xiꞌin ndo. Ndisaa kuiti ya kána koo xi̱ní mií na kua káꞌan na xiꞌin ndo.

Colosenses 2:8

Koto ndo, kuenta ni koo ndo xiꞌin naꞌa, na kúni sindaꞌvi ndóꞌo̱, täxi ndo sindaꞌvi na ndóꞌo̱ xiꞌin ya ndíchi kána koo xi̱ní mií na. Chi ya nda̱ku xiní mií va xii sikua na kua xáa súvi na ta saa xáa súvi tu na ya kúni mií tachi nduvaꞌa va, ta köo xáa súvi na ya kúni mií Cristo.

2 Timoteo 2:16

Ta vaꞌa kuxika un nuu naꞌa, na káꞌan tuꞌun kíꞌvi ya köo ndáa yaꞌvi. Chi naꞌa, na káꞌan saa, ta iin iin kivi ndúndee ka ya väꞌa káꞌan na, saa kúxika vaꞌa ka na nuu Iva yo Ndioxi.

2 Timoteo 3:13

Ta naꞌa, na íkan ya väꞌa xiꞌin nda síndaꞌvi naꞌa, ta iin iin kivi ndúkuaꞌa ka ya väꞌa íkan na, saa síndaꞌvi ka na naꞌa, ta saa síndaꞌvi tu naꞌa mií va nda.

1 Juan 2:18

Ndóꞌo̱ kándixa Tata yo Jesucristo ta tá íin seꞌe i saa íin ndo. Xaꞌa ya ñaa kua káꞌan i xiꞌin ndo, xa kuaꞌan kúyati ni ndiꞌi xaꞌa ñuu ivi yóꞌó. Ta xa xi̱ni soꞌo ndo vaxi iin ra sáa ini xíni Tata yo Jesucristo. Saa ni xa íyo kuaꞌa ni naꞌa, na íkan saa. Ta xaꞌa ya ñaa kua kúndaa ini yo xa kuaꞌan kúyati ni ndiꞌi xaꞌa ñuu ivi.

1 Juan 2:26

Táa i ya yóꞌó xaa nuu ndo ya ná kiꞌin ni ndo kuenta xiꞌin naꞌa, na kúni sindaꞌvi ndóꞌo̱.

1 Juan 4:1

Ñani yo, ndóꞌo̱ ku ndo kúꞌvi ni ini i xíni i, ta vitin káꞌan i xiꞌin ndo. Kändixa ndo ndiꞌi na káꞌan Tachi I̱í Ndioxi síkaꞌán ini na kaꞌan na, káchi na. Chi vitin ta xa kuaꞌa ni na vata ka̱na koo ñuu ivi yóꞌó, ta káꞌan na síkaꞌán Tachi Ndioxi ini na kaꞌan na tuꞌun ra.

2 Juan 1:7

Kuenta ni koo ndo chi xa kuaꞌa ni na vata íyo ñuu ivi yóꞌó, ta na ñaa ta köo xíin na ndikuni na Jesucristo ya ki̱xi ra ñuu ivi yóꞌó ta ndu̱u ra ra ivi taꞌan mií yo ivi yóꞌó. Ndiꞌi na köo xíin ndi̱kuni ñaꞌa ta na ñaa ku na vata, na sáa ini xíni Jesucristo.

El Apocalipsis 12:9

Ta tatun ya íyo xiꞌin Ndioxi ta̱va ya kiti koó nǎꞌa xiꞌin ndiꞌi tachi nduvaꞌa ya íyo xiꞌin ri. Ta̱va ya ri ki̱ꞌin ñaꞌa ya si̱koyo ya nda nuu ñuꞌú. Ta kiti ko̱ó nǎꞌa ikán ku ko̱ó yata ni, ta inka kivi ri kua Satanás án kiti Timiaꞌan. Ta suvi mií ri ku ri síndaꞌvi ndiꞌi ni kúu na ñuu ivi.

El Apocalipsis 13:8

Saa xáa kaꞌnu ndiꞌi naꞌa, na ndóo ñuu ivi kiti ikán. Na ikán, ta köo kivi na ndóso nuu tutu i̱í kúu mií kiti Levo loꞌo nuu ndivi. Chi Levo loꞌo ikán ku ri ndi̱soko xiꞌin mií, ya ndi̱xiꞌi ri. Saa chi̱tuni Ndioxi ikan ra tá täꞌan sikuaꞌa ra ñuu ivi.

El Apocalipsis 20:3

Tá ndi̱ꞌi ka̱tun ñaꞌa ya kiti nǎꞌa ikán saa ki̱ꞌin ñaꞌa ya si̱kana táku ya ini yavi kunu ni ikán, saa ndi̱kasi tuun vaꞌa ya yuꞌu yavi ikán ta ki̱ꞌin ya sello chi̱nuu ya yuꞌu mií yavi ikán. Ya ná küchiñu ri keta ri sindaꞌvi ri na ñuu ivi, nda ná xinu mil kuiya ndikaa ri saa keta ndíka ri kaka ri uvi ndaa kivi.

El Apocalipsis 20:8

Ta kiti nǎꞌa ikán keta ri kuꞌun ndíka ri, kuꞌun ri sindaꞌvi ri na ndóo ndiꞌi saa ñuu ivi, tá kúu na ñuu Gog xiꞌin na ñuu Magog. Kiti nǎꞌa Satanás ikán ndikaya ri ndiꞌi naꞌa ya kuꞌun na kani taꞌan na nuu koo kuachi ta yáꞌa ni kuaꞌa koo na ndikitaꞌan, tá kuꞌva íin yoti yuꞌu nduta ñûꞌu saa kuaꞌa koo na kuꞌun ri ndikaya ri.