Colosenses 1:3 - Xochapa Mixteco

³ Ndiꞌi saa ichí tá káꞌan nde xaꞌa ndo xiꞌin Iva yo Ndioxi, ra kúu Iva Tata yo Jesucristo, ta táxi ni nde tixaꞌvi ndaꞌa ra xaꞌa ndo.

Colosenses 1:3 ပူးပေါင်းရင်းမြစ်များ

ROMANOS 15:6

Ta saa iin yuꞌu ná koo ndiꞌi ndo xiꞌin taꞌan ndo, ná ndikitaꞌan ndiꞌi ndo xaa kaꞌnu ndo Iva yo Ndioxi, ra kúu Iva Jesucristo.

1 Corintios 1:4

Ndiꞌi saa kivi táxi ni i tixaꞌvi xaꞌa ndo ndaꞌa Ndioxi, ra kándixa i, chi vaꞌa ni ra si̱niꞌi uun ra ya vaꞌa nuu ndo xaꞌa ya ti̱ꞌvi ra Tata yo Jesucristo ki̱xi ra ñuu ivi sikaku ra ndóꞌo̱.

2 Corintios 1:3

Saa ná kunuu vaꞌa ni ya toꞌo Ndioxi, ra kúu Iva Tata yo Jesucristo, Iva yo ra kúndaꞌvi ni ini xíni yoo ku ra ta ndiꞌi saa ichí síndiko ra ini yo.

Efesios 1:15

Xaꞌa ya ikán kua tá ku̱ndaa ini i xaꞌa ndo ya ndee ni ndáa ini ndo xíni ndo Tata yo Jesús, ta saa kúꞌvi ni ini ndo xíni ndo na ñuu ra,

Efesios 6:18

Ta xïkuiin ndo, kaꞌan ni ndo xiꞌin Ndioxi ndiꞌi saa ichí ya ná chindee taꞌan Tachi I̱í ra xiꞌin ndo. Koo ndúvi ni ndo, ta ndïkava ini ndo, kaꞌan ni ndo xiꞌin Ndioxi xaꞌa ndiꞌi na ñuu Ndioxi, na i̱í.

Filipenses 4:6

Ta nda iin ya kündiꞌi ini ndo xaꞌa. Tá ndá ya kúmani nuu ndo ta kuaku ndaꞌvi ndo nuu Ndioxi. Nduku ndo ñaꞌa ya xíniñuꞌu ndo nuu ra, saa taxi ni ndo tixaꞌvi ndaꞌa ra xaꞌa ya chíndee ra ndóꞌo̱.

Colosenses 1:13

Ndioxi ku ra sa̱ña ndika yoo nuu ndee ya xáꞌnda chiñu nuu naá. Ta si̱yaꞌa ra yoo ndi̱kiꞌvi yo ndikundoo yo xiꞌin ra nuu xáꞌnda chiñu Seꞌe ra, ra kúꞌvi ni ini ra xíni ra.

Colosenses 1:9

Nda tá ku̱ndaa ini nde xaꞌa ndo, ta nda saa kua xa̱á nde káꞌan ni nde xaꞌa ndo xiꞌin Ndioxi. Ndúku nde ya mani nuu ra ya ná taxi ra kundaa vaꞌa ini ndo xaꞌa ya xa chi̱tuni mií ra, ya ná taxi ra ya ndíchi ni ndaꞌa ndo kundaa ini ndo xiꞌin ya xínituni vaxi nuu mií ra.

1 Tesalonicenses 1:2

Ndiꞌi saa ichí táxi ni nde tixaꞌvi ndaꞌa Ndioxi xaꞌa ndiꞌi ndo, ta káꞌan ni nde xaꞌa ndo xiꞌin ra chi ndíkaꞌán ni ini nde xaꞌa ndo.

2 Timoteo 1:3

Ndiꞌi saa ichí tá káꞌan i xiꞌin Ndioxi ta ndíkaꞌán ni ini i xaꞌa un, saa káꞌan i xaꞌa un xiꞌin ra. Nduvi niuun táxi i ndixaꞌvi ndaꞌa ra xaꞌa un. Saa xáa súvi ni i ya kúni Ndioxi, tá kuꞌva xa̱a súvi ni xii sikua i ñaꞌa nuu ra, saa íkan i ta köo táxi ya xínituni i kuachi xaꞌa i.