2 Timoteo 4:3 - Xochapa Mixteco

³ Saa chi vaxi kivi, ta küaꞌa ka naꞌa kuni soꞌo na tuꞌun Ndioxi ya ndaa, ya kúu ichí ndaku nuu kutaku na. Ta saa xáa na kuni soꞌo na tuꞌun ya kúni mií na. Ta saa ndikundikun na kuaꞌa ni nda sínaꞌa ndisaa ya kútoo mií na kuni soꞌo na.

2 Timoteo 4:3 ပူးပေါင်းရင်းမြစ်များ

San Lucas 20:19

Ñaa xi̱ni soꞌo nda naꞌnu nuu sutu ikán xiꞌin nda sínaꞌa ley ya ta̱a ra Moisés ya ndi̱kaꞌan Jesús, ta ndikun ku̱ni nda tiin ñaꞌa nda, chi ku̱ndaa ini nda xaꞌa mií nda kua ndi̱kaꞌan tuꞌun ndíchi ikán. Sundi köo ndi̱kuchiñu nda tiin nda ra, saa chi íꞌvi nda nuu na ñuu.

San Lucas 6:26

’Saa ndaꞌvi ni ndóꞌo̱ tá tu vaꞌa ni káꞌan naꞌa xaꞌa ndo tiempo vitin, saa chi saa vaꞌa ni ndi̱kaꞌan xii sikua na xaꞌa sava nda siki, nda si̱ndaꞌvi naꞌa káꞌan ndoso nda tuꞌun yuꞌu Ndioxi ―káchi Jesús xiꞌin na.

San Juan 8:45

Sundi yeꞌe ta xaꞌa ya káꞌan i ya ndaa xiꞌin ndo yakan köo kándixa ndo yeꞌe.

Los Hechos 17:21

Káꞌan na saa xiꞌin ra chi ndiꞌi na ndóo ñuu Atenas xiꞌin na xa̱a íyo ñuu na, ta köo ka ya ndíꞌi ini na xaꞌa, ndá ka ya xa̱á íyo ta iin kátin na xíni soꞌo na án ndítuꞌun na xaꞌa ya ikán.

1 Corintios 2:1

Ñani yo xiꞌin kuꞌva yo, tá ndi̱xaꞌan i xi̱to i ndóꞌo̱. Tá ndi̱kaꞌan ndoso i tuꞌun xaꞌa Jesucristo xiꞌin ndo xaꞌa ñaꞌa ya ndi̱xiyo sěꞌe nuu ndo yachi. Ta köo ndi̱xiniñuꞌu i tuꞌun ndíchi ni kaꞌan i xiꞌin ndo, tuꞌun ya kuchiñu ndo kundaa ini ndo xiꞌin va ku ya ndi̱kaꞌan i xiꞌin ndo.

1 Corintios 2:4

Tá ndi̱kaꞌan ndoso i xiꞌin ndo xaꞌa tuꞌun ra, ta köo ndi̱xiniñuꞌu i tuꞌun ndíchi ni taꞌan ya xíniñuꞌu na ñuu ivi yóꞌó ya sixinu i ini ndo. Sundi mií Tachi I̱í Ndioxi xiꞌin ndee mií ra kua si̱xinu ra ini ndo xaꞌa tuꞌun ya ndi̱kaꞌan i xiꞌin ndo ya kúu ya ndaa ni.

Gálatas 4:16

Ta vitin, ¿án xaꞌa ya ndítuꞌun i ya ndaa xiꞌin ndo kua ndu̱u i tá káa iin ra káni taꞌan xiꞌin ndo, túvi ndo?

1 Timoteo 1:10

xiꞌin nda taa kuakiꞌvi xiꞌin ná ñaꞌa ta süvi ná síꞌi nda ku ná, ta saa tu ná ñaꞌa ta süvi ií ná ku nda. Saa tu nda taa, nda kuakiꞌvi xiꞌin taꞌan mií nda, saa tu naꞌa, na síkuiꞌna sěꞌe naꞌa, xiꞌin na vata, xiꞌin na chínaꞌa xaꞌa ya síki íkan na, saa tu naꞌa, na sáa ini xíni tuꞌun ya ndaa sínaꞌa yo.

2 Timoteo 1:13

Ta yóꞌo̱, ta xíniñuꞌu un xaa súvi un tuꞌun vaꞌa ya xa si̱naꞌa i yóꞌo̱, tá íyo ya i̱kan i, saa koo ya ikan un, vií koo un, ndǎku koo un. Ta sïndoo un ya ndáa ni un xíni un Ndioxi ni sïndikoo un ya kúꞌvi ni ini un xíni un inka na taꞌan yo xaꞌa ya ndíkun na Tata yo Jesucristo.

Judas 1:18

Chi nda ikán ta ndi̱kaꞌan nda: “Tá xa ti̱ndaa kivi ya ndiꞌi xaꞌa ñuu ivi yóꞌó, ta koo kuaꞌa ni naꞌa, na kusiki ndaa Ndioxi, ta koo na tá kuꞌva kúni mií na, ikan ni na ya väꞌa kúni mií na”.