2 Timoteo 3:2 - Xochapa Mixteco

² Chi kivi ikán ta sava naꞌa kundiꞌi ni ini na ndisaa xaꞌa mií na, saa kuni tu na ya koo kuaꞌa ni xuꞌun na, saa kutoo ni na ndikunuu vaꞌa ni tuꞌun xaꞌa na, ta ndee ni kutai ini na xiꞌin ñaꞌa na. Saa kaꞌan kini na xaꞌa Ndioxi tin xaꞌa naꞌa, ta küaꞌa na kañuꞌu na iva siꞌí na, ta ni küaꞌa na taxi na tixaꞌvi ndaꞌa naꞌa, ni xäa toꞌo na Ndioxi.

2 Timoteo 3:2 ပူးပေါင်းရင်းမြစ်များ

Filipenses 2:21

Chi ndiꞌi ka na ta ndisaa xaꞌa ya kúni mií va na kua ndíꞌi ni ini na, köo ndíꞌi ini na xaꞌa ya kúni Jesucristo.

Judas 1:16

Ta nda sínaꞌa ya vata xaꞌa tuꞌun Ndioxi ku nda káꞌan kuáchi ni, ndiꞌi saa kivi ndúku nda kuachi naꞌa ya kaꞌan nda xaꞌa na, ta ndisaa ya kúni mií nda kua íkan nda, kútai ni ini nda xíni nda mií nda ya kúni nda sixinu nda ini na, ta saa kuchiñu tava nda ya kúni nda ndaꞌa na.

2 Timoteo 3:4

Saa ndixiko vata na naꞌa, na ítaꞌan vaꞌa xiꞌin na, ni köo ìyo koo ini na, kutai ni ini na xaꞌa ya xíni ni na, saa kutoo ni na xaa sií na ini mií na, ta küaꞌa na kañuꞌu na Ndioxi.

1 Timoteo 6:10

Ta väꞌa kutoo naꞌa ndukuika ni na, chi kuaꞌa ni nuu tindoꞌo káku xiꞌin ya kuika. Xaꞌa ya kútoo ni sava na ndukuika na kua ku̱xika na ichí Tata yo Jesucristo, köo ndáa ka ini na xíni na ra saa xa̱á na ndi̱kiꞌvi na kuaꞌa ni nuu tindoꞌo.

2 Pedro 2:18

Chi nda ikán ta ndee ni chínuu vaꞌa nda tuꞌun káꞌan nda xiꞌin naꞌa ya sáka nda xi̱ní na, síxinu nda i̱ni na xiꞌin tuꞌun ya káꞌan nda xiꞌin na ndisaa xaꞌa ya kútoo ni mií ikin kuñu nda kua káꞌan nda xaꞌa. Ta na íkan nda saa xiꞌin ku naꞌa, na xa si̱ndoo ya väꞌa i̱kan na, na xa ka̱na koo tañu na väꞌa ku na íkan nda saa xiꞌin.

Santiago 4:6

Ta ndee ni ka ndee ya vaꞌa táxi mií Iva yo Ndioxi íyo xiꞌin yo, yakan kua káꞌan tuꞌun ra, káchi ya saa: “Kúndasi nuu va Ndioxi xíni ra naꞌa, na ndee ni kútai ini nuu ra, ta táxi ni va ra ya vaꞌa kúu mií ra ndaꞌa naꞌa, na ni̱nu̱ kúni, na ndáꞌvi kúni nuu ra”, káchi ya.

Colosenses 3:5

Ta vitin köo ka ndo tá kuꞌva ndi̱xiyo ndo yachi. Vaꞌa sindiꞌi xaꞌa ndo ya chíndaꞌa ndóꞌo̱ ikan ndo ya väꞌa, tá kúu nda taa ta küvi kiꞌvi nda xiꞌin inka ñaꞌa tá tu süvi yá síꞌi nda ku yá, ni ná síꞌi ta ná kïꞌvi ná xiꞌin inka taa tá tu süvi i̱í ná ku nda, ta saa küni ndo ikan ndo ndá ka ñaꞌa ya väꞌa, kütoo ni ndo ndikani ini ndo xaꞌa ya väꞌa, ta ni kütoo ni ndo koo kuaꞌa ni ñaꞌa ndo, chi tá íkan ndo saa, ta tá íin naꞌa, na xáa kaꞌnu ndioxi ndíi, saa íin ndo.

1 Pedro 5:5

Ta saa íyo tu ya káꞌan i xiꞌin ndóꞌo̱ kuâán va, ya ná kuni soꞌo ndo ya káꞌan na xikuaꞌa veꞌe ñuꞌu xiꞌin ndo, ta xaa ni̱nu̱ ndo mií ndo, saa xaa súvi ndo chiñu nuu taꞌan ndo. Chi saa káꞌan tuꞌun Ndioxi ya ta̱a na xinaꞌa, káchi ya saa: Kúndasi nuu va Ndioxi xíni ra naꞌa, na xáa kaꞌnu ni xiꞌin mií, ta chíndee ni va ra naꞌa, na ni̱nu̱ kúni.

1 Timoteo 6:4

Chi nda maestro ikán ta ndee ni kútai ini nda xiꞌin mií nda. Ta nda loꞌo köo xíni nda. Xaꞌa ya nina kútoo nda kaꞌan kuachi nda xiꞌin naꞌa unkua káꞌan iin iin nuu tuꞌun xaꞌa ya ikán kua xáa nda táva nda kuachi xiꞌin na veꞌe ñuꞌu, xáa na kûní ini na xíni taꞌan na, síkani taꞌan nda na, káꞌan kini na xiꞌin taꞌan na, ndíkani väꞌa ini na xíni taꞌan na,

San Lucas 12:15

Ta saa ndi̱kaꞌan ra xiꞌin na ndóo ikán, káchi ra saa: ―Kuenta ni koo ndo, kütoo ndo koo kuaꞌa ni ñaꞌa ndo, saa chi süvi xaꞌa ya íyo kuaꞌa ni ñaꞌa nuu naꞌa kua kuchiñu na kutaku na ―káchi ra xiꞌin na.

El Apocalipsis 16:11

Saa ndi̱kaꞌan kini ka na xaꞌa Ndioxi xaꞌa ya ndee ni ndóꞌo na táꞌi ni ikin kuñu na tíxuꞌvi ni na. Ta saa ni köo ndi̱xiin na ndiko koo ini na, ni köo ndi̱sindikoo na ya väꞌa íkan na.

2 Pedro 2:12

Ta nda vata sínaꞌa ñaa, ta ya káꞌan ndikuu nda xaꞌa ku ndiꞌi va ñaꞌa ya köo kúndaa ini nda xiꞌin. Tá íkan kiti, ri köo ya xínituni va saa íkan nda, chi kiti ikán ta ka̱ku ri ya tiin na ri kuꞌun ri kuvi va ri, tá kuꞌva ndóꞌo ri ikán, saa kundoꞌo tu nda ñaa va.

2 Pedro 2:3

Chi nda ikán ta ya ndee ni kúni nda ku xuꞌun ndo xaꞌa ya sínaꞌa nda ndóꞌo̱ tuꞌun vata. Ta vaꞌa ná kundatun naꞌa nda chi xa ta̱xi Ndioxi kuachi xaꞌa nda, xa xinaꞌa vi íyo ya xaꞌa nda ta kama ni kuu saa xiꞌin nda, ni käku ka vi nda ndakua ndiꞌi xaꞌa nda ikan Ndioxi.

Santiago 4:16

Sundi ndóꞌo̱ ta káꞌan tái ni va ndo, tá káꞌan naꞌa, na iku ni ini va saa káꞌan ndo, chi mií vi ndo ku ndo xáꞌnda chiñu nuu kivi ya vaxi túvi ndo, ta xaꞌa ya íkan ndo saa, ta väꞌa káꞌan ndo.

2 Tesalonicenses 2:4

Saa xáa ra kanitaꞌan ra xiꞌin Iva yo Ndioxi ta kanitaꞌan tu ra xiꞌin ndiꞌi ndioxi ya ndíi xáa kaꞌnu na ñuu ivi yóꞌó án ndá ka ya xáa kaꞌnu na. Saa kiꞌvi ra ndikunduꞌu ra nda ini veꞌe ñuꞌu kaꞌnu Iva yo Ndioxi, ta kaꞌan ra kúu ra ndioxi.

ROMANOS 11:18

Ta xaꞌa ya ñaa kua käꞌan tái ni ndo ya vaꞌa ni ka mií ndo nuu na judío. Tá tu ndíkani ini ndo saa, ta ndikáꞌan ini ndo, süvi ndóꞌo̱ ku ndo táxi táku tioꞌo itun olivo ikán, mií tioꞌo nu ku ya táxi táku ndo.

El Apocalipsis 16:21

Saa ndi̱koyo ñíꞌi nuu ndivi, naꞌnu ni ya, ta vee ni ya, ta iin iin ya ikán vee ya iin kuꞌva uvi xiko kilo án yáꞌa ka. Saa ndi̱koyo ya sata naꞌa, ta naꞌa na ndi̱kaku nuu ya ikán xa̱á na távi chiꞌña na Ndioxi chi ndee ni tíxuꞌvi na xiꞌin tindoꞌo ikán.

Santiago 2:8

Tá tu ya ndixa ni kua kándixa ndo ley Ndioxi ya ndee ni ndáa yaꞌvi, ta vaꞌa ni va íkan ndo, chi soꞌva káꞌan ley ikán: “Ná kuꞌvi ni ini ndo kuni ndo naꞌa tá kuꞌva kúꞌvi ini ndo xíni ndo mií ndo”, káchi ya.

1 Timoteo 3:3

Ta ná kuu nda taa, nda köo kútoo kaka koꞌo ndixi, ni küvi sa̱á kama ni nda án kanitaꞌan nda xiꞌin naꞌa, xíniñuꞌu nda kaꞌnu ni koo ini nda, ná sïkuaꞌa nda kuachi xiꞌin naꞌa, saa ná kütoo ni nda xuꞌun.

1 Timoteo 1:20

Ta saa ndo̱ꞌo ra Himeneo xiꞌin ra Alejandro. Xaꞌa ya íkan kua ndi̱taxi i uvi saa nda ndaꞌa kiti nǎꞌa, ya ná sikuaꞌa nda ya käꞌan ndikuu nda xaꞌa Ndioxi.

Los Hechos 5:36

Ndikaꞌán ini ndo, saa ku̱u yachi ndi̱kuita iin ra náni Teudas ta chiñu ndee ni kúu mií ra, káchi ra xiꞌin naꞌa. Ta kuaꞌa ni naꞌa ta̱a sii ra xi̱ndikun sata ra. Iin kuꞌva kumi ciento kuu taa nda xi̱ndikun sata ra. Ñaa ndi̱xiꞌi ra ta ndi̱ndoo ndaꞌa ndiꞌi nda xi̱ndikun sata ra, ta nda iin ya köo ndi̱kuu.

San Lucas 16:14

Saa tá xi̱ni soꞌo nda fariseo ya ndi̱kaꞌan ra, ta ndi̱xaku ndaa ñaꞌa nda. Chi kútoo ni nda ya kuika.

El Apocalipsis 16:9

Kini ni ndi̱xixi na xiꞌin ya ndee ni iꞌni ya. Saa káꞌan kini ni na xaꞌa kivi Ndioxi, ra kúu mií ichí xaꞌa ya ndee ni tíxuꞌvi na. Ta na ikán ni köo ndi̱xiin na ndiko koo ini na xaꞌa ya väꞌa íkan na, ni köo ndi̱xiin na xaa toꞌo na Ndioxi.

El Apocalipsis 13:1

Ñaa ndi̱xaa i ndi̱kundichi i nuu yoti yuꞌu nduta ñûꞌu, saa xi̱ni i iin kiti chee ni, ìyo ka vi káa ri. Ke̱ta ri ini nduta ñûꞌu ta kúu mií ri uxa xiní ri, ta íyo uxi ndikin ri, saa ínuu iin corona nuu iin iin ndikin ri ikán. Ta íyo tuꞌun ya kánaꞌa kini ni xaꞌa Ndioxi xiní iin iin ri ikán.

2 Corintios 5:15

Sundi mií Jesucristo ku ra ndi̱xiꞌi xaꞌa ndiꞌi yo ya ná kuchiñu yo ikan yo tá kuꞌva kúni mií ra, ta ná ïkan yo tá kuꞌva kúni mií yo, saa chi mií ra ku ra ndi̱xiꞌi xaꞌa yo, ta ndi̱taku ra.

San Mateo 15:6

Ta xaꞌa ya káꞌan ndo saa xiꞌin iva ndo án siꞌi ndo, ya küvi chindee ka ndo na, xaꞌa ya ñaa, ta köo íkan ndo ya kúni Ndioxi. Síndoo ndaꞌa ndo ya, ndisaa taꞌan ichí ya si̱ndoo xii ndo xinaꞌa va kua ndíkun ndo.

San Lucas 6:35

Kuꞌvi ini ndo kuni ndo na sáa ini xíni ndóꞌo̱, ikan ndo ya vaꞌa xiꞌin na, taxi too ndo ñaꞌa ndo ndaꞌa na, ta kündatun ndo ndikiꞌin ndo ya ndaꞌa na. Ta saa niꞌi ndo ya vaꞌa nuu Ndioxi, chee ni koo ya niꞌi ndo. Saa kunani ndo seꞌe Ndioxi ra chee ni, saa chi Ndioxi ta vaꞌa ni íkan ra xiꞌin na väꞌa tin na xïin ndikuni ya vaꞌa vaxi nuu ra.

1 Timoteo 1:9

Saa chi yoo ta xíni yo ya vaꞌa ni ku ya, ta köo ndi̱taxi ra ya ndaꞌa ra Moisés xaꞌa naꞌa, na vaꞌa, na kándixa ñaꞌa, xaꞌa naꞌa, na íkan ya väꞌa kua ta̱xi Ndioxi ya, xaꞌa na kini, na iku ini, na köo káñuꞌu Ndioxi ta ni köo xáa súvi na ya káꞌan ra xiꞌin na, na xáꞌni iva siꞌí, xiꞌin na xáꞌni taꞌan,

2 Pedro 2:10

Ta xaa nduvaꞌa ni va Ndioxi xiꞌin ndiꞌi naꞌa, na íkan ya väꞌa, ya kúni ni mií ikin kuñu na, ta ni köo xáa súvi mií na chiñu ya xáꞌnda chiñu Ndioxi nuu na. Ta na vata ikán ta ndee ni tuun ini na, ni köo íꞌvi na kaꞌan ndivaꞌa na xaꞌa na kúu mií ndee naꞌnu ka nuu na.