2 Timoteo 2:9 - Xochapa Mixteco

⁹ Ta suvi xaꞌa tuꞌun vaꞌa ikán kua ndee ni ndóꞌo̱ i ndíkaa i veꞌe kàà yóꞌó, nda tá íyo iin ra ndee ni kaꞌnu kuachi kúu mií, saa íyo i, núꞌni i xiꞌin kàà ndíkaa i. Ta vaꞌa chi tuꞌun Ndioxi ta köo núꞌni vi ya.

2 Timoteo 2:9 ပူးပေါင်းရင်းမြစ်များ

San Lucas 23:32

Saa ndáka tu nda lapa uvi nda íyo kuachi kuaꞌan xiꞌin nda. Iin káchi kuaꞌan nda kuvi nda nuu itun cruzin xiꞌin Jesús.

Los Hechos 21:33

Saa ku̱yati mií ra ndíso chiñu xiꞌin nda lapa ikán ta xa̱ꞌnda ra chiñu ya katun nda ndaꞌa ra Pablo xiꞌin uvi cadena. Ñaa ndi̱ndakan tuꞌun ñaꞌa ra, káchi ra saa: ―¿Unku yóꞌo̱, ta unkua i̱kan un kua yakan xáa nduvaꞌa ni na xiꞌin un? ―káchi ra xiꞌin ra Pablo.

Los Hechos 28:31

Nda iin naꞌa köo ndi̱keꞌe ra ya ndi̱kaꞌan ndoso ra xiꞌin na xaꞌa ichí nuu xáꞌnda chiñu Ndioxi. Saa sínaꞌa ra na xaꞌa Tata yo Jesucristo ta köo ya ndi̱kan na xiꞌin ra.

Los Hechos 9:16

Saa chi yeꞌe ta sinaꞌa i ra ndá kuꞌva xíniñuꞌu ra ndoꞌo ni ra xaꞌa kivi i ―káchi Jesús xiꞌin ra Ananías.

Efesios 3:1

Ta xaꞌa ya vaꞌa ndiꞌi ndóꞌo̱ köo kúu judío kua ndíkaa yeꞌe, Pablo veꞌe kàà yóꞌó ya ndíkun i ichí Jesucristo.

Filipenses 1:17

Ta naꞌa, na káꞌan ndoso xaꞌa ra xiꞌin ndinuꞌu ini na, ta xaꞌa ya kúꞌvi ni ini na xíni na yeꞌe kua íkan na saa, chi xíni na Ndioxi ku ra táxi ndíkaa i veꞌe kàà yóꞌó ya ndikuiin i xaꞌa tuꞌun vaꞌa xaꞌa ra.

Filipenses 1:7

Ya vaꞌa ni kua káꞌan i saa xaꞌa ndiꞌi ndo chi kúꞌvi ni ini i xíni i ndóꞌo̱, chi ndóꞌo̱, ta ndiꞌi saa ichí íyo ndo xiꞌin i ya chíndee taꞌan ndo xiꞌin i, ta süvi ndisaa tá ndíkaa i veꞌe kàà kua íkan ndo saa xiꞌin i, ni nuu na chiñu kuaꞌan i ndíkuiin i xaꞌa tuꞌun vaꞌa xaꞌa Tata yo Jesucristo ndá kuꞌva kua sikaku ra na, ta iin káchi íyo ndo xiꞌin i xíto ndo ya íkan Ndioxi ya vaꞌa xiꞌin i.

Colosenses 4:18

Ta yeꞌe, Pablo, ku i káꞌan ndioxi xiꞌin ndo, xiꞌin ndaꞌa mií i táa i ya káꞌan i xiꞌin ndo. Ta ndikaꞌán ini ndo xaꞌa i ya ndíkaa i veꞌe kàà yóꞌó. Ta mií Tata yo Jesucristo ná chikaa ni ya vaꞌa ndóꞌo̱. Saa ná koo.

Colosenses 4:3

Ta kaꞌan ni ndo xiꞌin ra ya ná kuna ra yeꞌe nuu nde ya ndituꞌun ka nde tuꞌun vaꞌa xaꞌa ra xiꞌin naꞌa ya ná kuchiñu ndituꞌun nde xaꞌa ñaꞌa ya ndi̱xiyo sěꞌe yachi, chi vitin ta xa si̱tuvi ra ya tixin Tata yo Jesucristo nuu na, ta xaꞌa ya ndítuꞌun i xaꞌa ra kua ndíkaa i veꞌe kàà yóꞌó.

1 Tesalonicenses 1:8

Chi ndóꞌo̱ ku ndo ndítuꞌun tuꞌun vaꞌa xaꞌa Tata yo Jesucristo, ta süvi ndisaa estado Macedonia ñaa xiꞌin estado Acaya kua xíta niꞌnu ya, chi ndiꞌi ni kúu ñaꞌñu xíta niꞌnu tuꞌun ra. Ta kuaꞌa ni na xíni soꞌo xaꞌa ya ndee ni ndáa ini ndo xíni ndo ra. Yakan ndeꞌe ta nda iin ka ya köo xíniñuꞌu nde ndituꞌun nde xiꞌin na xaꞌa ndo.

2 Tesalonicenses 3:1

Ya yóꞌó kua sindiꞌi káꞌan nde xiꞌin ndo, kaꞌan ndo xaꞌa nde xiꞌin Ndioxi ya ná kuchiñu kuita kama tuꞌun ra ndiꞌi ni kúu ñaꞌñu, ta ná ndikiꞌin vaꞌa ni na ya tá kuꞌva ndi̱kiꞌin vaꞌa ndóꞌo̱ ya.

2 Timoteo 1:12

Xaꞌa ya káꞌan ndoso i tuꞌun vaꞌa xaꞌa ra kua ndóꞌo ni i vitin. Sundi köo kúkaꞌán nuu i xaꞌa ya ndóꞌo i. Chi yeꞌe, ta xa kúndaa teꞌe ini i unku ra ndáa ni ini i xíni i, ta ndee ni ndee kúu mií ra ya chindee ra yeꞌe ya xaa súvi i ndiꞌi chiñu ya ta̱xi ra ndaꞌa i xaa súvi i.

2 Timoteo 1:16

Saa káꞌan ni i xiꞌin Iva yo Ndioxi ya ná kundaꞌvi ni ini ra kuni ra na veꞌe ra ñani yo, ra Onesíforo. Chi ndee ni kuaꞌa ichí ndi̱xaꞌa ra ndee xiꞌin i, ta köo ndi̱kukaꞌán nuu ra kuni ra yeꞌe xaꞌa ya ndíkaa i veꞌe kàà yóꞌó.

2 Timoteo 1:8

Xaꞌa ya ñaa kua kükaꞌán nuu un ndikuiin un kaꞌan un xaꞌa Tata yo Jesucristo. Ni xaꞌa yeꞌe kükaꞌán nuu un xaꞌa ya ndíkaa i veꞌe kàà yóꞌó xaꞌa ra. Ya ndee ni ka xíniñuꞌu un ikan un kua xaꞌa ndee ni ini un ndoꞌo un xiꞌin i xaꞌa tuꞌun vaꞌa xaꞌa ra. Ta mií ra taxi ndee ndaꞌa yo ya kuchiñu yo nuu ndiꞌi tindoꞌo vaxi nuu yo.

2 Timoteo 2:3

Ta yóꞌo̱, ta nda tá kuꞌva íyo nda lapa nda köo íꞌvi tixuꞌvi xaꞌa chiñu ya íkan nda, iin kuꞌva saa xíniñuꞌu un koo ndúvi un tixuꞌvi un xaꞌa Tata yo Jesucristo.

2 Timoteo 4:17

Ni saa va i̱kan nda xiꞌin i, sundi mií Iva yo Ndioxi ku ra ndi̱xiyo xiꞌin i, ta̱xi ra ndee ndaꞌa i vaꞌa ndi̱kaꞌan ndoso i tuꞌun vaꞌa xaꞌa ra xiꞌin ndiꞌi naꞌa, na köo kúu judío, ta xi̱ni soꞌo na ya ndi̱kaꞌan i xaꞌa ra xiꞌin na. Ta mií ra ku ra si̱kaku yeꞌe ya ndi̱kaku i nuu naꞌa, na íin tá íin kiti ndikaꞌa, kiti kueꞌe ni.

1 Pedro 2:12

Vívií koo ndo tañu naꞌa, na köo xíni Ndioxi, chi án sana kaꞌan na xaꞌa ndo ya köo vaꞌa íkan ndo, kachi na. Ta saa tá ná kuni na ya vaꞌa ní íyo ndo ta saa xaa kaꞌnu na Ndioxi tá kivi ná kixi ra xaa nani ra kuachi xiꞌin na ñuu ivi.

1 Pedro 2:14

Ta saa tu ndá ka mií na chiñu na táxi ra rey ichí ndaꞌa ya sindoꞌo na naꞌa, na íkan ya väꞌa, ta kaꞌan vaꞌa na xaꞌa naꞌa, na íkan ya vaꞌa.

1 Pedro 3:16

Tá ndíkuiin ndo yuꞌu na, ta vií ndikuiin ndo yuꞌu na xiꞌin ya toꞌo, ni̱nu̱ koo ini ndo xiꞌin na, ni ya xínituni ndo ta täxi ya kuachi xaꞌa ndo. Tá ndá naꞌa kánaꞌa xaꞌa ndo xaꞌa ya vaꞌa íkan ndo, ya ndíkun ndo Tata yo Jesucristo, ta kukaꞌan nuu mií va na xaꞌa ya íkan na saa xiꞌin ndo.

1 Pedro 4:15

Yakan tá ndóꞌo̱ ndo, ta süvi xaꞌa ya xáꞌni ndo ndìì án ya kuiꞌna ndo, án ya íkan ndo ndá ka ya väꞌa, án ya kuakiꞌvi niꞌnu yuꞌu ndo xiꞌin naꞌa kua ndóꞌo ndo.