2 Pedro 3:9 - Xochapa Mixteco

⁹ Köo kuáchi vi Iva yo Ndioxi ya sixinu ra ya ki̱ndoo ra xaa súvi ra xiꞌin yo. Süvi tá kuꞌva ndíkani ini naꞌa, kuekuee ni kúu íkan ra, káchi na. Chi xaꞌa ya kaꞌnu ni ini ra xiꞌin yo kua íkan ra saa xiꞌin yo, saa chi köo kúni ra ndiꞌi xaꞌa nda iin naꞌa. Kúni ra ná ndiko koo ini na xaꞌa ya väꞌa íkan na, ta ná ndinama na kuꞌva íyo na.

2 Pedro 3:9 ပူးပေါင်းရင်းမြစ်များ

ROMANOS 13:11

Xíniñuꞌu ni ndo ikan ndo táꞌan ya káꞌan i xiꞌin ndo, saa chi xa síin tiempo kua ndóo yo vitin. Xa tiempo ndikáxin ini ndo ku ya, saa chi xa kama ni tindaa kivi ya ndiko koo Jesús ya sikaku ra yoo. Kama ni ka kua nuu kivi tá sikan xa̱á yo kándixa yo ra.

ROMANOS 13:12

Xa ñǔu ni va ku ya, ta xa kama ni va kúni tuvi. Xaꞌa ya ñaa kua ná ïkan ka yo ya väꞌa taꞌan ya íkan naꞌa, na xíka nuu naá. Ná ikan yo ya vaꞌa, ya íin tá íin naꞌa, na xíka nuu yéꞌe̱. Tá kuꞌva íyo nda lapa ndiꞌi saa kivi íyo tuꞌva nda xiꞌin ndaꞌa chiñu nda. Tá íyo nda ikán, saa xíniñuꞌu yo koo ndúvi ni yo ndiꞌi saa kivi, ya kaka ni yo nuu yéꞌe̱.

ROMANOS 2:4

Xa kúndaa ini ndo, ya vaꞌa ni Ndioxi xiꞌin ndo, ta íyo ni ra ya kaꞌnu ini xiꞌin ndo xaꞌa ya väꞌa íkan ndo. Xaꞌa ya vaꞌa ni ini Ndioxi, ta ¿án ndiꞌi saa ichí kundee ini ra kuni ra ya väꞌa íkan ndo, káꞌán ndo? ¿án köo kúndaa ini ndo ya kúni Ndioxi sindikoo ndo ya väꞌa íkan ndo, ta ndikundikun ndo ichí ra? Xaꞌa ya ndátun ra ndiko koo ndo ichí ra, yakan íkan ni ra ya vaꞌa xiꞌin ndo.

ROMANOS 9:22

Saa i̱kan Ndioxi xiꞌin naꞌa, na chi̱tuni ra ndiꞌi xaꞌa: ndixaꞌa ndee ndiꞌi ini ra xaꞌa ya väꞌa i̱kan na nuu ra, nda kivi ti̱ndaa tiempo ya nda̱a ni ya si̱saa na ra, ta si̱ndiꞌi xaꞌa ra na xiꞌin ndee kúu mií ra, saa ku̱ndaa ini ndiꞌi ni kúu na ñuu ivi xaꞌa ya i̱kan ra.

1 Timoteo 1:16

Xaꞌa ya ikán kua ku̱ndaꞌvi ni ini Tata yo Jesucristo xi̱ni ra yeꞌe. I̱kan ra saa xiꞌin i ya kúni ra ná kuni naꞌa ya ndee ni kaꞌnu ini ra xiꞌin na ndee ni ndee kuachi kúu mií nuu ra. Ta kúni ra ná kuni na ya ndo̱ꞌo i, ta saa kuchiñu na kandixa na ra, ta saa niꞌi na kutaku na xiꞌin ra ndiꞌi saa kivi ya vaxi.

1 Timoteo 2:4

Chi ya kúni ra kua ná kaku ndiꞌi naꞌa, ta saa ná kundaa ini ndiꞌi na xaꞌa ya ndaa.

HEBREOS 10:37

“Chi ra ndátun ndo kixi, ta kama ni kixi ra. Ndiko koo tuku ra kixi ra, küachi ka ra.

1 Pedro 3:20

Chi na ikán ta köo ndi̱xiin na xaa súvi na ya ndi̱kaꞌan Ndioxi xiꞌin na tá tiempo ya ndi̱xiyo ra Noé. Ndee ni ndi̱xaꞌa ndee ini Ndioxi xi̱ndatun ra na tá ndi̱xika ra Noé si̱kuaꞌa ra itun barco ya kaku na. Ta ndisaa una kuiti ndi̱xiyo na ndi̱kaku, köo ndi̱xiꞌi na xiꞌin tikuii.

2 Pedro 1:4

Tixin ya yóꞌó kua ndi̱niꞌi yo ya luvi ni, ya yáꞌa ni chee ndi̱kaꞌan ra taxi ra ndaꞌa yo, nuu xinu yo koo yo tá kuꞌva káa mií ra, i̱í ni ra. Saa kua kuchiñu yo kunu yo nuu kaku yo nuu ndiꞌi ya väꞌa íyo ñuu ivi yóꞌó, chi ndisaa ya väꞌa kútoo ni mií ikin kuñu na kua íkan na.

2 Pedro 3:15

Ta kuñuꞌu ini ndo xaꞌa ya kaꞌnu ni ini Tata yo Jesucristo kua ndátun ra yoo, chi kúni ra sikaku ra ndiꞌi naꞌa. Ta suvi taꞌan ya káꞌan i xiꞌin ndo yóꞌó kua ndi̱kaꞌan tu ra Pablo ñani va yo xiꞌin ndo. Tá ta̱a ra nuu ndo xiꞌin ya ndíchi vaxi nuu Ndioxi kua ta̱a ra.

El Apocalipsis 2:21

Ta xa kuaꞌa ni kivi ta̱xi i ndaꞌa yá nuu ndátun i ya ndiko koo ini yá xaꞌa kuachi yá, ta köo xíin yá sindikoo yá ya väꞌa íkan yá.