2 Pedro 3:7 - Xochapa Mixteco

⁷ Ta suvi xiꞌin mií tuꞌun Ndioxi kua ndíso níi xiꞌin ndiꞌi mií ndivi tin ñuu ivi nuu ndóo yo vitin, ta vaxi kivi ndiꞌi xaꞌa yaa ya xiꞌin ñu̱ꞌu̱. Tá ná tindaa kivi ya xaa nani Ndioxi kuachi na ñuu ivi yóꞌó, ta saa kua sindiꞌi xaꞌa yaa ra naꞌa, na köo xíin kandixa Ndioxi, na íkan ya väꞌa.

2 Pedro 3:7 ပူးပေါင်းရင်းမြစ်များ

San Mateo 10:15

Ya ndaa káꞌan i xiꞌin ndo, tá ná tindaa kivi ya xaa nani Ndioxi kuachi xiꞌin na ñuu ivi, ta ndee ni ka sitixuꞌvi ra na ñuu yóꞌó nuu na ñuu Sodoma xiꞌin na Gomorra na väꞌa xi̱ndoo xinaꞌa.

San Mateo 11:22

Ta ndixa káꞌan i xiꞌin ndo, ndee ni ka kundoꞌo ndóꞌo̱ ñuu Corazín xiꞌin ndóꞌo̱ ñuu Betsaida nuu na ñuu Tiro xiꞌin na ñuu Sidón kivi sindiꞌi tá ná xaa nani Ndioxi kuachi xiꞌin na ñuu ivi.

San Mateo 11:24

Ta ndixa káꞌan i xiꞌin ndo, kivi sindiꞌi tá ná xaa nani Ndioxi kuachi xiꞌin na ñuu ivi, ta ndee ni ndee ka tindoꞌo kixi nuu ndóꞌo̱ na ñuu Capernaum, süvi ka vi naꞌa, na väꞌa xi̱ndoo ñuu Sodoma ―káchi Jesús xiꞌin na.

San Mateo 12:36

Ta yeꞌe káꞌan xiꞌin ndo, tindaa kivi sindiꞌi tá ná xaa nani Ndioxi kuachi xiꞌin na ñuu ivi yóꞌó. Ta ndiꞌi na taxi kuenta ndaꞌa ra xaꞌa iin iin nuu tuꞌun väꞌa, ya kíꞌvi ka̱na koo yuꞌu na ndi̱kaꞌan na.

San Mateo 24:35

Ndiꞌi xaꞌa ndivi tin ñuꞌú yóꞌó, sundi tuꞌun i ta nda iin kivi ndïꞌi xaꞌa ya xinu ndiꞌi ya káꞌan ya.

San Mateo 25:41

Sindiꞌi saa kaꞌan i xiꞌin naꞌa, na väꞌa, na ndóo ñaꞌñu ítín i, kachi i saa: “¡Kuátaꞌa ndo nuu i, ndóꞌo̱ ndi̱tavi chiꞌña ku ndo! Kuáꞌan ndo ndaya, nuu xíxi ñu̱ꞌu̱ ndiꞌi saa kivi ta köo ndáꞌva ya. Chi ikán ku nuu ndi̱kuaꞌa kuꞌun kiti nǎꞌa xiꞌin ndiꞌi tachi nduvaꞌa ndikun ñaꞌa.

San Marcos 6:11

Tá ndá ñuu ndi̱xaa ndo, köo xíin na ndikiꞌin vaꞌa na ndóꞌo̱, ni köo xíin na kuni soꞌo na ya káꞌan ndo, ta köo ndo ñuu na. Kana koo ndo kuaꞌan ndo, ta ndiyakun ndo yaa ñuu na ya chi̱chi sata nduxan ndo, ya ná kundaa ini na ku̱ndasi na tuꞌun Ndioxi. Ya ndaa káꞌan i xiꞌin ndo tá ná tindaa kivi sindiꞌi ya xaa nani Ndioxi kuachi xiꞌin na ñuu ivi yóꞌó, ta ndee ni ka uꞌvi sitixuꞌvi ra na ku̱ndasi tuꞌun ra nuu na väꞌa xi̱ndoo ñuu Sodoma xiꞌin ñuu Gomorra xinaꞌa ―káchi ra xiꞌin nda.

San Juan 12:48

Ta ndiꞌi na kúndasi nuu xíni yeꞌe, na köo xíin ndikiꞌin tuꞌun i, ta íyo ya táxi kuachi xaꞌa na. Tuꞌun ya xi̱ni soꞌo na ndi̱kaꞌan i, ya ikán kua táxi kuachi xaꞌa na.

ROMANOS 2:5

Sava ndo ta soꞌo ni ndo, köo xíin ndo ndiko koo ini ndo xaꞌa ya väꞌa íkan ndo. Xaꞌa ya íkan ndo saa, ta kuandaa ka kuachi ndo ndúkuaꞌa ya nuu Ndioxi. Ta vaxi kivi saa xaa nduvaꞌa ni Ndioxi xiꞌin ndiꞌi ni kúu naꞌa, saa kundaa ini na ya ndixa ni sáa ini ra xíni ra na. Chi saa kua sinaꞌa Ndioxi na ya ndee ni ndaa xáa súvi ra kuachi na xiꞌin na.

1 Corintios 3:13

Sundi tá ná tindaa kivi ya ndiꞌi xaꞌa ñuu ivi yóꞌó, ta saa kua ndituvi teꞌe ndiꞌi ya xaꞌa chiñu ya i̱kan iin iin naꞌa. Ta ndee ni koko ñu̱ꞌu̱, ta xiꞌin ya ikán kua kuchiñu koto ndoso Ndioxi chiñu iin iin na ndá kuꞌva vaꞌa xa̱a chiñu na.

Filipenses 1:28

Ta yeꞌe kúni i kuni soꞌo i xaꞌa ndo ya köo íꞌvi ndo xíni ndo naꞌa, na kúndasi nuu xíni ndóꞌo̱. Chi tá ná kuni na ya íkan ndo saa, ta saa kua kundaa teꞌe ni ini na ya kuaꞌan na ichí nuu ndiꞌi xaꞌa na, ta ndóꞌo̱, ta kaku ndo, saa chi Ndioxi ku ra chindee taꞌan xiꞌin ndo.

2 Tesalonicenses 2:3

Täxi ndo sindaꞌvi nda iin naꞌa ndóꞌo̱. Saa chi tá ná tindaa kivi ya ndiko koo tuku Tata yo Jesucristo kixi ra ñuu ivi yóꞌó, ta xiꞌna ka na sáa ini xíni Ndioxi ku na ndikuita kani taꞌan na xiꞌin ra. Sindiꞌi ikán saa keta taa, ra nduvaꞌa ni ini, ra nǎꞌa, ra chi̱tuni Ndioxi ndiꞌi xaꞌa.

1 Timoteo 6:9

Chi naꞌa, na kúni ndukuika ni ñuu ivi yóꞌó, ta ìyo ni sindaꞌvi ya väꞌa na, saa koyo na nuu kuachi, chi kuaꞌa ni ya väꞌa ndíkani ini na xaꞌa ta ni süvi ya ndáa yáꞌvi kua, takua sítivi na mií na xiꞌin ya, ta xáa na kuaꞌan na ichí nuu ndiꞌi xaꞌa na.

HEBREOS 12:29

Saa chi mií Iva yo Ndioxi ta tá káa ñu̱ꞌu̱ ya ndee ni xáꞌmi ndiꞌi ñaꞌa, saa káa ra.

2 Pedro 2:9

Yóꞌó ku nuu kúndaa ini yo ya síkaku Ndioxi na íkan ya vaꞌa nuu ra, tá nuu ñúꞌu na nuu tindoꞌo. Ta saa xíni vaꞌa tu ra ndá kuꞌva kua xaa nduvaꞌa ra xiꞌin naꞌa, na íkan ya väꞌa yakan kua xaa nani ra kuachi xiꞌin na ñuu ivi.

2 Pedro 3:10

Sundi tá xa ná ndiko koo Tata yo Jesucristo, ta iin kuu soꞌva va ndiko koo ra, tá kuꞌva íkan ra kuiꞌna kuakiꞌvi veꞌe na, saa koo ná ndiko koo ra, chi nda iin na kündaa ini ndá kivi kua ndiko koo ra, yáꞌa ni ìyo niꞌi, saa ndiꞌi xaꞌa ndivi xiꞌin ñu̱ꞌu̱ koko ndiꞌi ya. Saa tu ñuu ivi yóꞌó xiꞌin ndiꞌi ñaꞌa kúu mií ya, iin kuꞌva saa ndiꞌi xaꞌa yaa ya.

2 Pedro 3:12

Ta ná kundatun ni yo nda ná tindaa kivi ya kixi Tata yo, saa ná chikaa ni ka yo ndee ya kama ni ná kuu saa. Chi kivi ikán ta ndiꞌi xaꞌa ndivi koko ya xiꞌin ñu̱ꞌu̱, ndiꞌi ni kúu ñaꞌa ndiꞌi xaꞌa, ta iin nduta ndiꞌi ya xiꞌin ñu̱ꞌu̱.

1 Juan 4:17

Tá ndixinu yo ndinuu kúꞌvi ini yo xíni yo Ndioxi xiꞌin na taꞌan yo, ta ku ïꞌvi yo nuu ra kivi xaa nani ra kuachi yo. Chi tá íyo mií Jesucristo saa íyo yo kivi xíka yo ñuu ivi yóꞌó.

Judas 1:7

Ta saa ndi̱kaꞌán tu ini ndo xaꞌa ya ndo̱ꞌo na ñuu Sodoma xiꞌin na ñuu Gomorra xiꞌin ka ñuu ya xi̱ndoꞌni yati xiꞌin ya. Iin si̱ndiꞌi vaꞌa Ndioxi xaꞌa na chi kini ni i̱kan na, ndi̱xika sií nda taa xiꞌin ná ñaꞌa ta saa i̱kan tu ná ñaꞌa va. Saa ndi̱kiꞌvi nda taa xiꞌin taꞌan mií nda, ta saa i̱kan tu ná ñaꞌa va. Ta yáꞌa ni ndee kundoꞌo na koko na xiꞌin ñu̱ꞌu̱ ndiꞌi saa kivi ya vaxi. Ya yóꞌó sínaꞌa yoo ya ná ïkan yo saa.

El Apocalipsis 17:11

Ta kiti ìyo ni káa ikán, ri xi̱taku ta köo ka ri vitin, kiti yóꞌó ku ri káꞌan xaꞌa ra rey ra una. Ta ra rey yóꞌó ku ra ndi̱xiyo taꞌan nda rey nda uxa ikán, ta siloꞌo kivi kaꞌnda chiñu ra saa kuꞌun ra nuu ndiꞌi xaꞌa ra.

El Apocalipsis 17:8

Kiti ìyo ni káa xi̱ni un vitin, ta ri táku ku ri, ta vitin köo ka ri. Ta vaxi kivi keta ri tixin yavi nuu kúnu ni ndíkaa ri, ta sindiꞌi ikán kuꞌun ri nuu ndiꞌi xaꞌa ri. Ta ndi̱kanda ni ini na köo íyo kivi nda tá xa̱á ndi̱kuaꞌa ñuu ivi yóꞌó, xi̱ni na kiti ìyo ni káa ikán, xi̱taku ri ta köo ka ri, saa ndiko koo tuku ri ñuu ivi yóꞌó ―káchi tatun ikán xiꞌin i.

El Apocalipsis 20:11

Saa xi̱ni i tai i̱í itun toꞌo, itun yaa ku nu, ta índuꞌu Ndioxi nuu itun tai ikán. Saa xi̱nu ñuu ivi yóꞌó xiꞌin ndivi, xi̱nu ya kuaꞌan xika ya nuu Ndioxi, nda iin ka naꞌa köo ndi̱xini ka ya, ni köo ka náꞌa nuu ndi̱xiyo ya.

El Apocalipsis 21:1

Saa xi̱ni i ndu̱u xa̱á ndivi ni̱nù tin ñuu ivi yóꞌó. Ta köo ka ndivi núnu̱ú ndi̱xiyo ni ñuu ivi yóꞌó köo ka ya ndi̱xiyo, ni nduta ñûꞌu köo ka rá ndi̱xiyo.