2 Pedro 3:16 - Xochapa Mixteco

¹⁶ Ta soꞌva íyo ndiꞌi ya ndi̱kaꞌan ra nuu ndiꞌi tutu ya ta̱a ra. Ta íyo sava ya ndee ni ndíchi kundaa ini yo xiꞌin, yakan káva sava naꞌa ya, na köo xíni, na köo kúndaa vaꞌa ini xiꞌin ya, na täꞌan kuaꞌnu vaꞌa xiꞌin tuꞌun ra. Na ñaa ku na káva ya, ndísama na tuꞌun ya ndaa ni si̱naꞌa ra ñani yo Pablo xaꞌa tuꞌun Iva yo Ndioxi. Ta xaꞌa ya íkan na saa, ta síndiꞌi na xaꞌa mií va na.

2 Pedro 3:16 ပူးပေါင်းရင်းမြစ်များ

San Mateo 15:3

Saa ndi̱kuiin Jesús, káꞌan ra xiꞌin nda: ―Saa tu ndóꞌo̱ va, ¿ndachu köo káñuꞌu ndo ley Ndioxi ya íyo ndaꞌa ndo? Ta vaꞌa ka xáa súvi ni ka ndo ichí ya si̱ndoo xii ndo xinaꞌa.

San Mateo 15:6

Ta xaꞌa ya káꞌan ndo saa xiꞌin iva ndo án siꞌi ndo, ya küvi chindee ka ndo na, xaꞌa ya ñaa, ta köo íkan ndo ya kúni Ndioxi. Síndoo ndaꞌa ndo ya, ndisaa taꞌan ichí ya si̱ndoo xii ndo xinaꞌa va kua ndíkun ndo.

San Mateo 22:29

Saa ndi̱kuiin Jesús, káꞌan ra xiꞌin nda: ―Sïndaꞌvi ndo mií ndo, saa chi ni köo xíni ndo unkua káꞌan tuꞌun Ndioxi, ta ni köo xíni ndo ndee ya kúu mií ya.

Filipenses 3:19

Chi kuaꞌan na ichí nuu síndiꞌi xaꞌa na mií va na. Ndisaa ya kútoo ni mií ikin kuñu na kua ndúku na xaa súvi na, ta ya ikán kua ndu̱u ndioxi nuu na. Ya kukaꞌan nuu na xiꞌin vi kua íkan na, ta köo íkan na saa, ya kútai ini na xiꞌin ka va kua. Ndisaa ñaꞌa íyo ñuu ivi yóꞌó ndíkani ini na xaꞌa.

HEBREOS 5:11

Íyo kuaꞌa ni ka ya ndituꞌun nde xaꞌa ya yóꞌó xiꞌin ndo, ta ndíchi ni ya ndikani nde ya nuu ndo tá kuꞌva íyo ya, saa chi ndóꞌo̱ ta kuee ni saa kúndaa ini ndo xiꞌin ya.

Santiago 1:8

Chi ndiꞌi naꞌa, na xíka uvi ini, ta köo iin ini na, uvi ni va ini na. Chi xa síin ya káꞌan na vitin ta xa síin tu ya káꞌan na taan va.

1 Pedro 1:1

Yeꞌe Pedro, ra kúu apóstol ra ti̱ꞌvi Tata yo Jesucristo xáa chiñu nuu ra ku i táa tutu yóꞌó xaa ya nuu ndóꞌo̱ ñani yo xiꞌin kuꞌva yo na ndi̱kaxin Ndioxi. Ndóꞌo ka̱na koo kuaꞌan ndóo ndo inka ñuu xíka ni ya kúu ñuu Ponto xiꞌin ñuu Galacia tin ñuu Capadocia xiꞌin ñuu Asia tin ñuu Bitinia.

1 Pedro 2:8

Saa káꞌan ka tuꞌun Ndioxi, káchi ya saa: Yu̱ú ikán kua síkakiꞌi xaꞌa naꞌa, na köo xíin kandixa, ta kákiꞌi xaꞌa na nuu ya. Ndiꞌi na kákiꞌi xaꞌa ta kóyo na nuu ya, na ikán ku na köo xíin kuni soꞌo ya káꞌan Ndioxi, ni köo xíin na xaa súvi na ya káꞌan ra. Chi xa saa chi̱tuni Ndioxi kundoꞌo na xïin kuni soꞌo ya káꞌan tuꞌun ra.

2 Pedro 2:1

Tá kuiya xinaꞌa ta ndi̱xiyo nda vata, nda ndi̱kaꞌan ndoso tuꞌun yuꞌu Ndioxi tañu na ñuu Ndioxi, ta saa koo tu nda tañu ndóꞌo̱ va. Ta ni kündaa ini ndo ndá kuꞌva xáa nda nama nda tuꞌun Ndioxi ya sínaꞌa nda ndóꞌo̱, nda ndikuaa tu nda Tata yo Jesucristo va, ra ki̱xi ndi̱xiꞌi xaꞌa nda ya si̱kaku ñaꞌa ra. Xaꞌa ya íkan nda saa ta kama ni sindiꞌi nda xaꞌa mií va nda.

2 Pedro 2:14

Ni küvi kuni nda iin ná síꞌi, chi tá xíto nda nuu ná ta tá káa nda xa kuakiꞌvi xiꞌin va ná saa káa nda, túvi nda. Nina ya kútoo ni ikin kuñu nda kua íkan nda, nduvi niuun ndíkani ini nda xaꞌa ya väꞌa, ni köo xáa ini nda xiꞌin ñaꞌa kúu mií nda. Xaꞌa ya íkan nda saa ta nda xa ndi̱tavi chiꞌña ndu̱u nda.

2 Pedro 3:14

Xaꞌa ya ñaa kua, nani ndátun yo kuu saa, ñani mani, ta yáꞌa ni vi kuenta koo ndo xiꞌin mií ndo, täxi ndo kuyakua ndo xiꞌin kuachi, vií ni koo ndo xiꞌin Ndioxi.

2 Pedro 3:2

Chi yeꞌe ta kúni i ná ndïndoso ini ndo xaꞌa tuꞌun ya ndi̱kaꞌan ndoso nda i̱í, nda ndi̱kaꞌan tuꞌun yuꞌu Ndioxi xinaꞌa. Ta saa ndïndoso tu ini ndo xaꞌa tuꞌun ya xa̱ꞌnda chiñu Tata yo Jesucristo ra síkaku yoo, ya ta̱xi ra ndaꞌa ndeꞌe ndi̱xika chiñu nuu ra si̱naꞌa nde.

Judas 1:4

Saa chi íyo sava nda xa ndi̱kee sěꞌe tañu ndo, ta xaꞌa nda ñaa kua káꞌan tuꞌun Ndioxi ya ta̱a na xinaꞌa, nda ñaa ta kuꞌun nda nuu ndiꞌi xaꞌa nda, chi süvi nda vaꞌa ku nda, yakan káꞌan nda xiꞌin ndo: “Vaꞌa ni ikan ndo tá kuꞌva kúni mií va ndo chi köo kuachi xaꞌa ya nuu Ndioxi”, káchi nda xiꞌin ndo. Chi ndíkuaa nda Tata yo Jesucristo, ra xáꞌnda chiñu nuu yo.