2 Pedro 3:11 - Xochapa Mixteco

¹¹ Iin ndiꞌi xaꞌa yaa ya, yakan ndóꞌo̱ ta ndikani vaꞌa ini ndo ndá kuꞌva xíniñuꞌu ndo koo ndo, vívií koo ndo, i̱í koo ndo tá kuꞌva kúni mií Iva yo Ndioxi saa koo ndo.

2 Pedro 3:11 ပူးပေါင်းရင်းမြစ်များ

San Mateo 8:27

Saa iin ndi̱kanda ini nda, káchi nda saa: ―¿Ndá taa ku ra yóꞌó, yakan vaꞌa xíni soꞌo tachi tin tikuii tuꞌun káꞌan ra? ―káchi nda.

ROMANOS 13:11

Xíniñuꞌu ni ndo ikan ndo táꞌan ya káꞌan i xiꞌin ndo, saa chi xa síin tiempo kua ndóo yo vitin. Xa tiempo ndikáxin ini ndo ku ya, saa chi xa kama ni tindaa kivi ya ndiko koo Jesús ya sikaku ra yoo. Kama ni ka kua nuu kivi tá sikan xa̱á yo kándixa yo ra.

ROMANOS 13:12

Xa ñǔu ni va ku ya, ta xa kama ni va kúni tuvi. Xaꞌa ya ñaa kua ná ïkan ka yo ya väꞌa taꞌan ya íkan naꞌa, na xíka nuu naá. Ná ikan yo ya vaꞌa, ya íin tá íin naꞌa, na xíka nuu yéꞌe̱. Tá kuꞌva íyo nda lapa ndiꞌi saa kivi íyo tuꞌva nda xiꞌin ndaꞌa chiñu nda. Tá íyo nda ikán, saa xíniñuꞌu yo koo ndúvi ni yo ndiꞌi saa kivi, ya kaka ni yo nuu yéꞌe̱.

2 Corintios 1:12

Ta ndeꞌe, ta ndee ni va kúsini nde chi vívií ni va ndi̱xiyo nde xiꞌin ndiꞌi ni kúu naꞌa, ta ndee ni ka vaꞌa xi̱taꞌan nde xiꞌin ndóꞌo̱. Chi köo ndi̱xiyo nde xiꞌin ndo tá kuꞌva ndíkani ini mií na ñuu ivi yóꞌó, tá kuꞌva kúni mií Ndioxi kua ndi̱xiyo nde xiꞌin ndo xaꞌa ya kúꞌvi ni ini ra xíni ra ndóꞌo̱.

Filipenses 1:27

Ta kuenta ni koo ndo xaa súvi ndo ndisaa ya káꞌan tuꞌun ra xiꞌin ndo. Án xaa i koto i ndóꞌo̱ án xäa i nuu ndo, sundi kúni i kuni soꞌo i tuꞌun vaꞌa xaꞌa ndo ya ndaku ni íyo ndo xiꞌin tuꞌun Tata yo, ta iin yuꞌu ni ku ndo, iin ítaꞌan ndiꞌi ndo xáa chiñu ndo xaꞌa ra.

Filipenses 3:20

Sundi yoo, ta nuu ndivi ku ñuu yo, chi ikán koo yo xiꞌin Ndioxi. Ta ndátun yo ndiko koo Tata yo Jesucristo kixi ra sikaku ra yoo.

1 Tesalonicenses 1:5

Chi tá kivi ndi̱kaꞌan ndoso nde tuꞌun vaꞌa xaꞌa ra xiꞌin ndo, ta köo ndi̱kaꞌan nde tuꞌun mií nde xiꞌin ndo. Sundi xiꞌin ndee Tachi I̱í Ndioxi kua ndi̱kaꞌan nde xiꞌin ndo, saa ndinuꞌu ni ini nde kándixa nde ya ndaa kua ndi̱kaꞌan nde xiꞌin ndo. Ta xi̱ni mií ndo ndá kuꞌva ndi̱xiyo nde tá kivi xi̱ndoo nde xiꞌin ndo xaꞌa ya kúꞌvi ni ini nde xíni nde ndóꞌo̱.

1 Timoteo 3:16

Ta saa ná kundaa ini ndo chi nda vitin ta ndee ni ndee ya ndaa si̱naꞌa Tata yo Jesucristo nuu yo kándixa ñaꞌa, ta soꞌva íyo ya: Tata yo Jesucristo ta ndu̱u ra taꞌan mií yo ivi yóꞌó, ta ki̱xi ra ñuu ivi yóꞌó. Ta Tachi I̱í Ndioxi kua ndíkuiin xaꞌa ra. Ta xi̱ni na tatun Ndioxi ra. Saa ndi̱kaꞌan ndoso nda xi̱ndikun sata ra xaꞌa ra nuu ndiꞌi naꞌa, na köo kúu judío. Ndiꞌi ni kúu xaꞌa ñuu ivi yóꞌó íyo naꞌa, na kándixa ra. Saa ndi̱kiꞌin tuku Iva yo Ndioxi ra, nda̱a tuku ra kuaꞌan ra nuu ndivi.

1 Timoteo 4:12

Täxi un xaa ni̱nu̱ na yóꞌo̱, xaꞌa ya loꞌo un, kuâán un. Vivií koo un nuu na ya ná kuni na ikan na taꞌan ya vaꞌa íkan un, xaꞌa kuꞌva ndituꞌun un xiꞌin na, xiꞌin kuꞌva xíka un nuu na, xiꞌin kuꞌva kúꞌvi ini un xíni un na, saa kundaa ni ini un kuni un Tata yo Jesucristo, kundaa ni un mií un, xäa yakua xiꞌin mií un.

1 Timoteo 6:11

Sundi yóꞌo̱, ñani yo Timoteo, ta ïkan un saa, vaꞌa kuxika un nuu ya ñaa chi ra xáa chiñu nuu Ndioxi kúu un, ta xaꞌa ni un ndee ya ikan un ndisaa ya vaꞌa, ya ndaa kúni Ndioxi saa kundaa ni ini un kuni un ra, ta kuꞌvi ni ini un kuni un naꞌa, ta xaꞌa ndee ini un xiꞌin ndiꞌi ndá ka tindoꞌo ya vaxi nuu un, vií koo un xiꞌin ndiꞌi na.

1 Timoteo 6:3

Tá íyo sava na síin ni sínaꞌa, ta köo sínaꞌa na tá kuꞌva si̱naꞌa Tata yo Jesucristo, chi ya si̱naꞌa Tata yo, ta ya ndaa ni kua, ya káꞌan xaꞌa ya vívií ni ná koo yo nuu Ndioxi kua.

1 Timoteo 6:6

Chi ya ndixa kua vaꞌa ni kée yo xaꞌa ya ndíkun yo Tata yo Jesucristo, tá tu íyo vaꞌa ni ini yo xiꞌin ndisaa ñaꞌa ya xa kúu mií yo, ta köo xíka ka ini yo koo ni ka ñaꞌa yo.

HEBREOS 13:5

Kütoo ni ndo koo kuaꞌa ni xuꞌun ndo, án koo kuaꞌa ni ñaꞌa ndo. Vaꞌa kusini ni ndo xiꞌin ndisaa ñaꞌa ya xa kúu mií ndo, saa chi Ndioxi, káchi ra saa: “Nda iin ichí sïndoo ndaꞌa i ndóꞌo̱, ta ni sïndoo mií i ndóꞌo̱”, káchi ra.

Santiago 1:24

Chi tá xíto ndaa na nuu yu̱ú tátan, saa kéta na kuaꞌan na, ta kama ni va ndíndoso ini na ndá kuꞌva káa nuu na.

Santiago 3:13

Ñani yo, tá íyo sava ndo ndíchi ni, saa íyo ni ya vaꞌa ndo, xínituni ni ndo xaꞌa ichí Iva yo Ndioxi, ta vaꞌa sinaꞌa ndo ya xiꞌin chiñu vaꞌa, ya toꞌo, saa kua sinaꞌa ndo mií ndo ya kúu ndo naꞌa, na ndee ni táku ini, na ndaꞌvi ni ini.

1 Pedro 1:15

Ya vaꞌa ni ka kua ná nduu ndo naꞌa, na i̱í ni, ta kuꞌva saa xaa súvi ndiꞌi ndo chiñu ya íkan ndo, chi Ndioxi ra ka̱na ndóꞌo̱ kundikun ndo ra, ta i̱í ni ra.

1 Pedro 2:12

Vívií koo ndo tañu naꞌa, na köo xíni Ndioxi, chi án sana kaꞌan na xaꞌa ndo ya köo vaꞌa íkan ndo, kachi na. Ta saa tá ná kuni na ya vaꞌa ní íyo ndo ta saa xaa kaꞌnu na Ndioxi tá kivi ná kixi ra xaa nani ra kuachi xiꞌin na ñuu ivi.

2 Pedro 1:3

Ta xiꞌin ndee Ndioxi kua xa ta̱xi ra ndiꞌi ya xíniñuꞌu ndo ndaꞌa ndo ya vaꞌa kutaku yo nuu ra tá kuꞌva kúni mií ra. Xa ndi̱kiꞌin yo ndiꞌi ya yóꞌó chi vitin ta ndinuꞌu ni ini yo xíni yo Jesucristo, ra ka̱na yoo ya ndu̱u yo naꞌa, na kúu mií ya vaꞌa, ya luvi kaꞌnu ni kúu mií ra.

2 Pedro 1:6

Tá kúndaa vaꞌa ini ndo xaꞌa ra, ta ndixita ndo mií ndo nuu ya väꞌa, ta xaꞌa ndee ni ini ndo xiꞌin ndiꞌi ñaꞌa, saa xaa toꞌo ni ndo Ndioxi.

2 Pedro 3:10

Sundi tá xa ná ndiko koo Tata yo Jesucristo, ta iin kuu soꞌva va ndiko koo ra, tá kuꞌva íkan ra kuiꞌna kuakiꞌvi veꞌe na, saa koo ná ndiko koo ra, chi nda iin na kündaa ini ndá kivi kua ndiko koo ra, yáꞌa ni ìyo niꞌi, saa ndiꞌi xaꞌa ndivi xiꞌin ñu̱ꞌu̱ koko ndiꞌi ya. Saa tu ñuu ivi yóꞌó xiꞌin ndiꞌi ñaꞌa kúu mií ya, iin kuꞌva saa ndiꞌi xaꞌa yaa ya.

2 Pedro 3:12

Ta ná kundatun ni yo nda ná tindaa kivi ya kixi Tata yo, saa ná chikaa ni ka yo ndee ya kama ni ná kuu saa. Chi kivi ikán ta ndiꞌi xaꞌa ndivi koko ya xiꞌin ñu̱ꞌu̱, ndiꞌi ni kúu ñaꞌa ndiꞌi xaꞌa, ta iin nduta ndiꞌi ya xiꞌin ñu̱ꞌu̱.