2 Pedro 3:10 - Xochapa Mixteco

¹⁰ Sundi tá xa ná ndiko koo Tata yo Jesucristo, ta iin kuu soꞌva va ndiko koo ra, tá kuꞌva íkan ra kuiꞌna kuakiꞌvi veꞌe na, saa koo ná ndiko koo ra, chi nda iin na kündaa ini ndá kivi kua ndiko koo ra, yáꞌa ni ìyo niꞌi, saa ndiꞌi xaꞌa ndivi xiꞌin ñu̱ꞌu̱ koko ndiꞌi ya. Saa tu ñuu ivi yóꞌó xiꞌin ndiꞌi ñaꞌa kúu mií ya, iin kuꞌva saa ndiꞌi xaꞌa yaa ya.

2 Pedro 3:10 ပူးပေါင်းရင်းမြစ်များ

San Mateo 24:35

Ndiꞌi xaꞌa ndivi tin ñuꞌú yóꞌó, sundi tuꞌun i ta nda iin kivi ndïꞌi xaꞌa ya xinu ndiꞌi ya káꞌan ya.

San Marcos 13:31

Chi vaxi kivi ta ndiꞌi xaꞌa ndivi xiꞌin ñuꞌú, sundi tuꞌun i ta nda iin ya ndïꞌi xaꞌa ―káchi Jesús.

San Lucas 12:39

Saa ikan tu iin taa ra xíin veꞌe ikán va, tá tu xíni ra ndá hora kua kiꞌvi ra kuiꞌna sikuiꞌna ra veꞌe ra, ta koo tuꞌva va ra kundaa ñaꞌa ra, täxi ra kiꞌvi ra kuiꞌna sikuiꞌna ra veꞌe ra.

ROMANOS 8:20

Ndiꞌi ya si̱kuaꞌa Ndioxi ta küchiñu ya tindaa ya koo ya nda tá kuꞌva chi̱tuni Ndioxi núnuu. Chi ndiꞌi ni kúu ñaꞌa si̱kuaꞌa ra ta ndi̱kuiso ndiꞌi ya chiꞌña, xaꞌa ya saa chi̱tuni mií ra. Ta vitin ndátun va ya,

1 Corintios 1:8

Chi suvi mií Ndioxi ku ra xáꞌa ni ndee xiꞌin ndo, nda kivi tá ná ndiko koo Tata yo Jesucristo, ta nditaꞌan ra ndóꞌo̱ ya köo nda iin kuachi kúu mií ndo.

1 Corintios 5:5

Ta ñaa nditaxi ndo ra ndaꞌa kiti nǎꞌa ya ná ndiꞌi xaꞌa ikin kuñu ra xaꞌa ya väꞌa íkan ra, ta saa kuchiñu kaku ya vaꞌa ra kivi tá ná ndiko koo Tata yo Jesucristo kixi ra.

2 Corintios 1:14

ta ya ndixa kua xa ku̱ndaa loꞌo ini ndo xiꞌin ya xa ndi̱kaꞌan nde xiꞌin ndo. Saa tá ná ndiko koo Tata yo Jesucristo ta kusini ni ndo xiꞌin nde, saa tu ndeꞌe va kusini ni nde xiꞌin ndo.

1 Tesalonicenses 5:2

Chi xa xíni vaꞌa ndo ndá kuꞌva koo ndiko koo ra kixi ra. Tá kuꞌva íkan iin ra kuiꞌna kíꞌvi síkuiꞌna ñǔu, saa ikan ra, iin naá ini naꞌa ndiko koo ra.

1 Tesalonicenses 5:4

Sundi ndóꞌo, ñani yo, ta xa kúndaa vaꞌa ini ndo xaꞌa ya yóꞌó, süvi ndóꞌo̱ xíka ichí nuu naá ku ndo yakan ndikanda ni ini ndo tá ná kuu saa. Chi iin kuu soꞌva ndiko koo Tata yo Jesucristo, tá kuꞌva íkan ra kuiꞌna saa ikan ra.

2 Pedro 3:11

Iin ndiꞌi xaꞌa yaa ya, yakan ndóꞌo̱ ta ndikani vaꞌa ini ndo ndá kuꞌva xíniñuꞌu ndo koo ndo, vívií koo ndo, i̱í koo ndo tá kuꞌva kúni mií Iva yo Ndioxi saa koo ndo.

2 Pedro 3:12

Ta ná kundatun ni yo nda ná tindaa kivi ya kixi Tata yo, saa ná chikaa ni ka yo ndee ya kama ni ná kuu saa. Chi kivi ikán ta ndiꞌi xaꞌa ndivi koko ya xiꞌin ñu̱ꞌu̱, ndiꞌi ni kúu ñaꞌa ndiꞌi xaꞌa, ta iin nduta ndiꞌi ya xiꞌin ñu̱ꞌu̱.

2 Pedro 3:7

Ta suvi xiꞌin mií tuꞌun Ndioxi kua ndíso níi xiꞌin ndiꞌi mií ndivi tin ñuu ivi nuu ndóo yo vitin, ta vaxi kivi ndiꞌi xaꞌa yaa ya xiꞌin ñu̱ꞌu̱. Tá ná tindaa kivi ya xaa nani Ndioxi kuachi na ñuu ivi yóꞌó, ta saa kua sindiꞌi xaꞌa yaa ra naꞌa, na köo xíin kandixa Ndioxi, na íkan ya väꞌa.

Judas 1:6

Ta ndikaꞌán tu ini ndo ya kundo̱ꞌo na tatun Ndioxi, na köo ndi̱xaa súvi chiñu ya xa̱ꞌnda chiñu Ndioxi nuu na, si̱ndoo ndaꞌa na chiñu vaꞌa ni ta̱xi ra ndaꞌa na xaa súvi na. Ta xaꞌa ya ikán kua ta̱an ra na veꞌe kàà nuu naá ni, núꞌni na, ta ikán kuñuꞌu na ndiꞌi saa kúu tiempo ya vaxi, ta kundátun na nda ná tindaa kivi nuu yáꞌa ni ndee kuu ya xaa nani Ndioxi kuachi xiꞌin ndiꞌi na ñuu ivi.

El Apocalipsis 16:15

Xaꞌa ya ikán kua xíniñuꞌu ndi̱kaꞌán ini ndo xaꞌa tuꞌun ya ndi̱kaꞌan Tata yo Jesucristo xiꞌin na ndíkun sata ra, káchi ra saa: ―¡Koto ndo vii! Tá íkan iin ra kuiꞌna, kivi köo ndátun ndo ra. Saa koo kivi ndiko koo i ñuu ivi. Ta naꞌa na ndíto koo tuꞌva na ndikiꞌin na yeꞌe, ta taxi Ndioxi ya ndixa kusini na ikán. Ta naꞌa na ndíto, xíniñuꞌu koo tuꞌva tikoto na ya kundixi na, ya ná kükaꞌan nuu na íyo chála na kivi ndiko koo i ―káchi Tata yo Jesucristo ndi̱kaꞌan ra.

El Apocalipsis 20:11

Saa xi̱ni i tai i̱í itun toꞌo, itun yaa ku nu, ta índuꞌu Ndioxi nuu itun tai ikán. Saa xi̱nu ñuu ivi yóꞌó xiꞌin ndivi, xi̱nu ya kuaꞌan xika ya nuu Ndioxi, nda iin ka naꞌa köo ndi̱xini ka ya, ni köo ka náꞌa nuu ndi̱xiyo ya.

El Apocalipsis 21:1

Saa xi̱ni i ndu̱u xa̱á ndivi ni̱nù tin ñuu ivi yóꞌó. Ta köo ka ndivi núnu̱ú ndi̱xiyo ni ñuu ivi yóꞌó köo ka ya ndi̱xiyo, ni nduta ñûꞌu köo ka rá ndi̱xiyo.

El Apocalipsis 3:3

Yakan ndikaꞌán ini ndo xaꞌa ya si̱kuaꞌá ndo tá sikan xa̱á ndo kándixa ndo yeꞌe. Ndiko koo ini ndo kuꞌun ndo ichí Ndioxi. Tá tu köo xíin ndo kuni soꞌo ndo ya káꞌan i xiꞌin ndo, ta iin kuu soꞌva ndiko koo i xaa i nuu ndo, tá íkan ra kuiꞌna, ni köo xíni naꞌa ndá kivi kua kuakiꞌvi ra síkuiꞌna ra veꞌe na, ta kuꞌva saa ikan i xiꞌin ndo, iin ku̱u soꞌva ndiko koo i, ta sitixuꞌvi ni i ndóꞌo̱.

El Apocalipsis 6:14

Ta nuu ndivi ta xa̱á ya sûví ya, tá kuꞌva súví naꞌa iin tutu, saa xa̱á kúu ya. Ta ndiꞌi xiki naꞌnu xiꞌin ñuꞌú íchi ya ñúꞌu maꞌñu nduta ñûꞌu, iin ndi̱nama ndiꞌi ya nuu ndi̱xiyo ya.