2 Pedro 2:18 - Xochapa Mixteco

¹⁸ Chi nda ikán ta ndee ni chínuu vaꞌa nda tuꞌun káꞌan nda xiꞌin naꞌa ya sáka nda xi̱ní na, síxinu nda i̱ni na xiꞌin tuꞌun ya káꞌan nda xiꞌin na ndisaa xaꞌa ya kútoo ni mií ikin kuñu nda kua káꞌan nda xaꞌa. Ta na íkan nda saa xiꞌin ku naꞌa, na xa si̱ndoo ya väꞌa i̱kan na, na xa ka̱na koo tañu na väꞌa ku na íkan nda saa xiꞌin.

2 Pedro 2:18 ပူးပေါင်းရင်းမြစ်များ

Los Hechos 2:40

Xiꞌin tuꞌun yóꞌó tin kuaꞌa ni ka nuu tuꞌun ndi̱kaꞌan ra xiꞌin nda, ndíkani ra nuu nda, káchi ra saa: ―Nditaxi ndo mií ndo ndaꞌa Ndioxi ya ná sikaku ra ndóꞌo̱, süvi ka vi ya kundoꞌo ndo tá kundoꞌo na väꞌa, na íyo vitin ―káchi ra xiꞌin nda.

Los Hechos 8:9

Ta ñuu ikán íyo iin ra náni Simón, ta ra tasi ku ra. Ta kuaꞌa ni naꞌa si̱ndaꞌvi ra nuu ndi̱xika ra ñuu Samaria. Ndee ni taa kúu mií ra, káchi na xaꞌa ra.

ROMANOS 13:13

Vívií ná koo yo, tá kuꞌva íin naꞌa, na xíka nduvi teꞌe, saa ná koo yo. Ta ná küꞌun yo nuu viko nuu xíxi náꞌna naꞌa, ta xíꞌi ni na, ni nuu kini ni káa, nuu ñúꞌu taa xiꞌin ná síꞌi. Nda iin ñaꞌñu yóꞌó köo xíniñuꞌu yo kuꞌun yo. Ná käni taꞌan yo xiꞌin nda iin naꞌa, ni ná küu uni ini yo kuni yo inka naꞌa.

Efesios 4:17

Ta ya yóꞌó kua káꞌan i xiꞌin ndo vitin xaꞌa ichí ya ta̱xi Cristo ndaꞌa i kua xáꞌnda chiñu i nuu ndo, káꞌan i xiꞌin ndo: ïkan ka ndo tá kuꞌva íyo naꞌa, na köo xíni Ndioxi. Saa chi na ikán ta íkan na ya väꞌa tá kuꞌva ndíkani ini mií na.

2 Tesalonicenses 2:4

Saa xáa ra kanitaꞌan ra xiꞌin Iva yo Ndioxi ta kanitaꞌan tu ra xiꞌin ndiꞌi ndioxi ya ndíi xáa kaꞌnu na ñuu ivi yóꞌó án ndá ka ya xáa kaꞌnu na. Saa kiꞌvi ra ndikunduꞌu ra nda ini veꞌe ñuꞌu kaꞌnu Iva yo Ndioxi, ta kaꞌan ra kúu ra ndioxi.

Santiago 5:5

Ta ndee ni vaꞌa ndóo ndo nuu na ñuu ivi yóꞌó. Íyo ndiꞌi saví ya kúni ndo nuu ndo. Nda ndu̱nduꞌu ni va ndo, tá kuꞌva ndúnduꞌu kiti ri kuaꞌan kuvi, saa íin ndo.

2 Pedro 1:4

Tixin ya yóꞌó kua ndi̱niꞌi yo ya luvi ni, ya yáꞌa ni chee ndi̱kaꞌan ra taxi ra ndaꞌa yo, nuu xinu yo koo yo tá kuꞌva káa mií ra, i̱í ni ra. Saa kua kuchiñu yo kunu yo nuu kaku yo nuu ndiꞌi ya väꞌa íyo ñuu ivi yóꞌó, chi ndisaa ya väꞌa kútoo ni mií ikin kuñu na kua íkan na.

2 Pedro 2:14

Ni küvi kuni nda iin ná síꞌi, chi tá xíto nda nuu ná ta tá káa nda xa kuakiꞌvi xiꞌin va ná saa káa nda, túvi nda. Nina ya kútoo ni ikin kuñu nda kua íkan nda, nduvi niuun ndíkani ini nda xaꞌa ya väꞌa, ni köo xáa ini nda xiꞌin ñaꞌa kúu mií nda. Xaꞌa ya íkan nda saa ta nda xa ndi̱tavi chiꞌña ndu̱u nda.

2 Pedro 2:2

Ta kuaꞌa ni naꞌa ikan taꞌan ñaꞌa väꞌa ya íkan nda ikán, ta xaꞌa ya ikán kua ndikunuu väꞌa ni tuꞌun xaꞌa ichí Ndioxi ya ndaa ni.

2 Pedro 2:20

Ta naꞌa, na ndíkani ini kundikun na nda sínaꞌa ya vata ikán ta xa ndi̱saña na nuu ya väꞌa íyo ñuu ivi yóꞌó tá ku̱ndaa ini na xaꞌa tuꞌun vaꞌa xaꞌa Tata yo Jesucristo ra síkaku yoo. Sundi tá ndi̱koyo tuku na íkan na ya väꞌa taꞌan ya xa i̱kan na yachi, ta ndee ni ka kini xáꞌnda chiñu ya väꞌa ikán nuu na vitin, süvi ka vi tá kuꞌva ndi̱xiyo na tá núnu̱ú.

2 Pedro 2:7

Sundi ra Lot ta ndikaku va ra i̱kan Ndioxi, iin taa ra vaꞌa ni ndi̱xiyo ra, ta ni köo ndíkundee ka ini ra xaꞌa ya väꞌa i̱kan naꞌa, na väꞌa xi̱ndoo tiempo ndi̱xiyo ra.

2 Pedro 3:17

Ñani mani, ndóꞌo̱ ta xa kúndaa va ini ndo xaꞌa ya kuu, yakan kuenta ni koo ndo täxi ndo sindaꞌvi nda väꞌa ñaa ndóꞌo̱ ya kuꞌun ndo ichí väꞌa nuu nduvita ini ndo, ta kündikun tuun ka ndo Tata yo Jesucristo.

Judas 1:13

Tá kuꞌva xíto yo ndee ni ndíkanda nuu nduta ñûꞌu ta iin kána koo ndiꞌi chiñu nuu ra ya kána koo ñaꞌa yakua ñúꞌu ini rá maá, ta kuꞌva saa íkan nda ikán ndínaꞌa nda ya yakua íyo nima nda. Tá ndo̱ꞌo kiti kimi, kiti nda̱ñuꞌu, ta ke̱e ri kuaꞌan ri ndi̱koyo ri nuu naá ni va, saa íin nda ikán. Ta saa kundoꞌo nda ndiꞌi saa kúu kivi.

El Apocalipsis 13:11

Ta saa xi̱ni i inka kiti ìyo ni káa, ke̱ta ri tixin ñuꞌú. Íyo uvi ndikin ri, tá káa ndikin kiti levo saa káa ndikin ri, sundi tá káꞌan kiti ko̱ó nǎꞌa ikán, saa káꞌan tu ri ikán va.