2 Pedro 2:12 - Xochapa Mixteco

¹² Ta nda vata sínaꞌa ñaa, ta ya káꞌan ndikuu nda xaꞌa ku ndiꞌi va ñaꞌa ya köo kúndaa ini nda xiꞌin. Tá íkan kiti, ri köo ya xínituni va saa íkan nda, chi kiti ikán ta ka̱ku ri ya tiin na ri kuꞌun ri kuvi va ri, tá kuꞌva ndóꞌo ri ikán, saa kundoꞌo tu nda ñaa va.

2 Pedro 2:12 ပူးပေါင်းရင်းမြစ်များ

San Marcos 7:22

xiꞌin ya síkuiꞌna, tin ya kútoo ni na koo kuaꞌa ñaꞌa na, xiꞌin ndiꞌi ka ya kini íkan na ivi yóꞌó, saa tu ya síndaꞌvi na naꞌa, xiꞌin ya kútoo ni na ikan na ñaꞌa ya kúni mií na xiꞌin ikin kuñu na, xiꞌin ya kúu uni ini na, tin ya távi chiꞌña na inka naꞌa, tin ya kútai ni ini na, xiꞌin ya ndíkani ini na xaꞌa ya köo ndáa yaꞌvi inka naꞌa.

San Juan 8:21

Saa ndi̱kaꞌan tuku Jesús xiꞌin nda, káchi ra saa: ―Yeꞌe ta kuꞌun i, ta saa ndinduku ni ndo yeꞌe ta nïꞌi ndo yeꞌe. Ta ndóꞌo̱ ta kuvi ndo xaꞌa kuachi ndo. Chi nuu kuꞌun i ta küvi kuꞌun ndo ―káchi ra xiꞌin nda.

Gálatas 6:8

Saa chi ndiꞌi naꞌa chíꞌi ya kúni ikin kuñu na, ta kuꞌva saa koo ñaꞌa ndikiꞌin na, ndikiꞌin na ya ndiꞌi xaꞌa na kuvi na. Sundi naꞌa, na chíꞌi ya kúni Tachi I̱í Ndioxi, ta niꞌi na nuu Tachi I̱í ra kutaku na ndiꞌi saa tiempo.

Colosenses 2:22

Ta ndiꞌi ñaꞌa ya káꞌan na xaꞌa xiꞌin ndo tá xíxi ndo ya án tá xíꞌi ndo ndá ka nduta ta rá ndíꞌi xaꞌa va ku rá. Yakan ya ñaa ta ya vaxi xi̱ní mií na ivi yóꞌó va kua sínaꞌa na, süvi ya xáꞌnda chiñu Ndioxi kua.

2 Pedro 1:4

Tixin ya yóꞌó kua ndi̱niꞌi yo ya luvi ni, ya yáꞌa ni chee ndi̱kaꞌan ra taxi ra ndaꞌa yo, nuu xinu yo koo yo tá kuꞌva káa mií ra, i̱í ni ra. Saa kua kuchiñu yo kunu yo nuu kaku yo nuu ndiꞌi ya väꞌa íyo ñuu ivi yóꞌó, chi ndisaa ya väꞌa kútoo ni mií ikin kuñu na kua íkan na.

2 Pedro 2:19

Ta káꞌan nda xiꞌin na tá ná kundikun na nda, ta taxi nda koo ndíka na, káchi nda xiꞌin na, ni mií nda ta köo íyo ndíka nda nuu ya väꞌa, xaꞌa ya íkan nda ya kúni mií nda. Ta ya ndaa ku ndixa va ya chi naꞌa, na táxi xáꞌnda chiñu ya väꞌa nuu na, ta núꞌni va na ndaꞌa ya väꞌa.

Judas 1:10

Ta saa íkan nda vata ñaa, nda sínaꞌa tuꞌun Ndioxi, chi ni köo íꞌvi nda káꞌan ndikuu nda xaꞌa ñaꞌa ya köo kúndaa ini nda xiꞌin. Tá íkan kiti köo ya xínituni va saa íkan nda chi síndiꞌi xaꞌa nda mií va nda.