2 Pedro 1:8 - Xochapa Mixteco

⁸ Tá tu íkan ndo ndiꞌi ya káꞌan i xaꞌa xiꞌin ndo yóꞌó iin iin kivi, saa kua nduu ndo naꞌa, na íkan chiñu ya ndee ni ndáa yaꞌvi, ta ya ñaa kua káꞌan vaꞌa ni xaꞌa ndo, ya xíni ni ndo Tata yo Jesucristo.

2 Pedro 1:8 ပူးပေါင်းရင်းမြစ်များ

San Mateo 13:22

Ta ndikin ya ndi̱koyo tañu iñu ku ya káꞌan xaꞌa na xíni soꞌo tuꞌun Ndioxi, saa ndíꞌi ni ini na xaꞌa chiñu íyo ñuu ivi yóꞌó, án kúni na ndukuika ni na, ta ndiꞌi ya yóꞌó ta síndiꞌi xaꞌa ya tuꞌun Ndioxi ya xi̱ni soꞌo na, ta köo táxi ya kuaꞌnu tuꞌun ra nima na.

San Mateo 20:3

Sindiꞌi iin kuꞌva kàà i̱i̱n xitaan, saa ke̱e tuku ra xíin ñuꞌú ikán kuaꞌan ra nuu yaꞌvi, ta ndi̱taꞌan tuku ra naꞌa, na köo chiñu kúu mií.

San Mateo 20:6

Ta iin kuꞌva kàà uꞌun xikuáa ke̱e tuku ra ndi̱xaꞌan ra, ta ndi̱taꞌan ra na köo chiñu kúu mií. Saa ndi̱kaꞌan ra xiꞌin na, káchi ra saa: “¿Ndachu ndóo mií ndo nduvi ndaa, ta köo xáa chiñu ndo?”, káchi ra xiꞌin na.

San Mateo 25:26

Saa ndi̱kuiin xitoꞌo ra, káchi ra saa: “¡Süvi moso vaꞌa ku yóꞌo̱, moso xúxan va ku un! Tá xa xíni un ya ndíkaya i ñaꞌa nuu köo chíꞌi i, ta ndíkuiso i ya vaꞌa nuu köo xáa chiñu i,

San Juan 15:2

Xáꞌnda ndiꞌi ra teꞌe ndaꞌa nu ya köo kúun kuiꞌi ndaꞌa. Ta ya kúun kuiꞌi ndaꞌa ta xáa vií ra xiꞌin ya, xáꞌnda ndoso ra ya, ná nana ndixin ya, ta saa kana kuaꞌa ka kuiꞌi ndaꞌa ya.

San Juan 17:3

Ta ya kutaku na ndiꞌi saa ichí kua kúni kachi ya ná kuni vaꞌa na ini un, chi iin yóꞌo̱ ku Ndioxi ra ndaa ni xiꞌin Jesucristo, ra ti̱ꞌvi un vaxi ñuu ivi yóꞌó.

San Juan 5:42

saa chi yeꞌe ta xíni vaꞌa i ini ndo, xíni i köo kúꞌvi ini ndo xíni ndo Ndioxi.

ROMANOS 12:11

Ñani yo xiꞌin kuꞌva yo, küxuxan ndo xaa chiñu ndo, ndinuꞌu ni ini ndo ikan ndo chiñu ya xíniñuꞌu ndo ikan ndo nuu Tata yo Jesús.

1 Corintios 15:58

Ñani mani, xaꞌa ya ñaa kua xíniñuꞌu ndo ndee ni ndee kundikun ndo ichí Ndioxi, xaꞌa ni ndo ndee ta ndïko koo ini ndo ya íkan ndo saa, iin tuun saa chikaa ini ndo xaa chiñu ni ndo xaꞌa Tata yo, saa chi chiñu íkan ndo nuu ra, ta süvi ya uun ku ya.

2 Corintios 13:5

Yakan vaꞌa koto ndoso ndo mií ndo ndá kuꞌva íyo ndo, ta saa kua vaꞌa kundaa ini ndo án ndinuꞌu ini ndo kándixa ndo Jesucristo. Tá vaꞌa ka̱na ndo ya xi̱to ndoso ndo mií ndo, ta saa kua kúndaa ini ndo ya ndixa kua kándixa ndo ra, ta íyo ra xiꞌin ndo. Tá tu köo vaꞌa ndíkana ndo, ta kúni kachi ya köo kándixa ndo ra, ta köo íyo ra xiꞌin ndo.

2 Corintios 8:2

Ta kuaꞌa ni nuu tindoꞌo ya uꞌvi ni ndi̱yaꞌa na nuu, ta saa ni kúsini ni na. Vani ndaꞌvi ni na, ta köo xíꞌnda na, ndee ni vaꞌa chi̱ndee na xiꞌin xuꞌun ya kuaꞌan ndaꞌa na ndaꞌvi, ndíkun Jesucristo ndóo ñuu Jerusalén.

2 Corintios 8:7

Saa chi ndóꞌo̱, ta vaꞌa ni va íkan ndo: Ndee ni vaꞌa ndáa ini ndo xíni ndo Ndioxi, ta saa vaꞌa ni tu vií ndítuꞌun ndo tuꞌun ra xiꞌin naꞌa, ta xíni vaꞌa ndo ya ndaa xaꞌa Ndioxi. Saa íyo ndúvi ni ndo ya chindee taꞌan ndo xiꞌin na taꞌan yo xaꞌa ya kúꞌvi ini ndo xíni ndo na, chi saa si̱kuaꞌa ndo nuu nde. Yakan xíkan ni nde ya mani nuu ndo ya ná chindee taꞌan loꞌo ndo xiꞌin xuꞌun na ñani yo, na ndóo ñuu Jerusalén.

2 Corintios 9:14

Ta saa kaꞌan na xaꞌa ndo xiꞌin Ndioxi, ndúku na ya vaꞌa nuu ra xaꞌa ndo xaꞌa ya ndee ni kúꞌvi ini ra xíni ra ndóꞌo̱.

Filipenses 1:9

Káꞌan ni i xaꞌa ndo xiꞌin Ndioxi ya ná kuꞌvi ni ka ini ndo kuni ndo Ndioxi iin iin kivi. Ta saa ná kuꞌvi ni tu ini ndo kuni ndo inka naꞌa va. Ta saa ná niꞌi ni ka ndo ya ndíchi nuu ra ya kuchiñu ndo kundaa ni ka ini ndo.

Filipenses 2:5

Tá kuꞌva ndi̱xiyo ni̱nu̱ ni ini mií Tata yo Jesucristo kivi ki̱xi ra ñuu ivi yóꞌó, kuꞌva saa xíniñuꞌu ndo koo ndo,

Filipenses 3:8

Ta ndiꞌi ya vaꞌa ni ndi̱xiyo nuu i yachi, ta nda loꞌo ka köo ndáa yaꞌvi ya nuu i vitin xaꞌa ya xi̱ni taꞌan i xiꞌin Tata yo Jesucristo, ra Chee ni nuu yo. Xaꞌa ra yóꞌó kua si̱ndoo ndaꞌa ndiꞌi i ñaꞌa ya ndee ni vaꞌa xi̱ndaa yaꞌvi nuu i tá yachi, ta ni köo xaꞌa ka ya nuu i vitin, tá íyo taka va saa íyo ya nuu i chi ya ndee ni vaꞌa ka kua nduu i kuenta Jesucristo.

Colosenses 1:10

Ta saa kua vaꞌa kuchiñu ndo ikan ndo tá kuꞌva kúni mií Tata yo Jesucristo, chi saa kua xaa kaꞌnu ni ndo ra xiꞌin ndiꞌi ni kúu ñaꞌa vaꞌa íkan ndo nuu ra, koo ndo tá kuꞌva íyo naꞌa, na ndíkun Tata yo Jesucristo. Ta saa kua vaꞌa kuaꞌnu ka ndo xiꞌin ya ndíchi xaꞌa mií ra.

Colosenses 2:7

Tá kuꞌva kúnu ni ñúꞌu tioꞌo itun án tá kuꞌva kúnu ni kuáꞌa xaꞌa veꞌe, kuꞌva saa ndee ni tuun kandixa ndo ra, xaꞌa ni ndo ndee xiꞌin taꞌan ndo, koo ndo tá kuꞌva xa ku̱ndaa ini ndo xaꞌa ya ndaa si̱naꞌa nde ndóꞌo̱, ta saa taxi ni ndo tixaꞌvi ndaꞌa ra.

Colosenses 3:16

Ta taxi ndo ndee ni ná koo mií tuꞌun Tata yo Jesucristo nima ndo. Saa sinaꞌa taꞌan ndo ta ndikani ndo nuu taꞌan ndo sixinu ndo ini taꞌan ndo ya ná ikan ndo ya vaꞌa kúni Ndioxi. Saa ná kusini ndo ta kata ndo salmo xiꞌin yaa i̱í nuu Ndioxi ya táxi ndo tixaꞌvi ndaꞌa ra xaꞌa ya íyo vaꞌa ni ini ndo xiꞌin ra.

1 Tesalonicenses 3:12

Ta ná chindee ni Tata yo Jesucristo ndóꞌo̱ kuaꞌnu ni ka ndo xiꞌin ya kúꞌvi ni ini ndo xíni taꞌan ndo, ta saa ná kuꞌvi ni ini ndo kuni ndo ndiꞌi naꞌa. Ta saa kuꞌvi ni ini ndo kuni taꞌan ndo tá kuꞌva kúꞌvi ni ini nde xíni nde ndóꞌo̱.

1 Tesalonicenses 4:1

Ñani yo xiꞌin kuꞌva yo, xíkan ni nde ya mani nuu ndo, káꞌan ni nde xiꞌin ndo xaꞌa ya xa si̱naꞌa nde ndóꞌo̱ ndá kuꞌva koo ndo tá kuꞌva kúni mií Ndioxi. Saa xíkan ni nde ya mani nuu ndo tixin ichí mií Tata yo Jesucristo káꞌan nde xiꞌin ndo ya ná xaꞌa ni ka ndo ndee koo vaꞌa ni ndo.

2 Tesalonicenses 1:3

Ñani yo xiꞌin kuꞌva yo, ndiꞌi saa ichí xíniñuꞌu ni nde kaꞌan nde xaꞌa ndo xiꞌin Ndioxi. Chi ndóꞌo̱, ta kándixa ni ndo ra, ta vitin taan xáꞌnu ka ndo xiꞌin tuꞌun ra, saa kúꞌvi ni ini ndo xíni taꞌan ndo.

1 Timoteo 5:13

Ta süvi ndisaa ya ñaa kua ikan ná, chi kuni xúxan ná ta xaá ná kaka ná tá veꞌe, tá veꞌe. Ta süvi ndisaa ya xúxan kuni ná, ìyo ni kutoo ná kaka ná ndituꞌun vata ná, ta xáa ná kiꞌvi ná xiꞌin naꞌa, kaꞌan ná ya íin ya köo.

Tito 3:14

Saa nda ñani yo xiꞌin ná kuꞌva yo, ná sikuaꞌá na ikan ni na ya vaꞌa, ta ná chindee taꞌan ná xiꞌin naꞌa, na kúmani ñaꞌa nuu. Ta saa kua nduu na naꞌa, na ndáa yaꞌvi ni, na xáa chiñu ni.

FILEMÓN 1:6

Ta káꞌan ni i xiꞌin Ndioxi xaꞌa un ya ná chindee ni ra yóꞌo̱ xaꞌa ya ndee ni ndáa ini un xíni un ra, saa kua kuchiñu kundaa ini un ikan un ya vaꞌa xaꞌa ya kúꞌvi ni ini un xíni un Tata yo Jesucristo.

HEBREOS 6:12

Chi köo kúni nde nduu ndo na xuxan, sundi kúni nde ná ikan ndo tá i̱kan naꞌa, na ndee ni xi̱ndaa ini xi̱ni Ndioxi, ta ndixaꞌa ndee ni ini na xi̱ndatun na niꞌi na ya ki̱ndoo Ndioxi xiꞌin na taxi ra ndaꞌa na.

2 Pedro 1:2

Ta mií Iva yo Ndioxi, ná taxi kuaꞌa ni ya vaꞌa koo xiꞌin ndo, saa ná koo vaꞌa ni ndo xaꞌa ya xíni taꞌan vaꞌa ni ndo xiꞌin Iva yo Ndioxi tin mií Tata yo Jesucristo, ra chee ni nuu yo.

2 Pedro 1:3

Ta xiꞌin ndee Ndioxi kua xa ta̱xi ra ndiꞌi ya xíniñuꞌu ndo ndaꞌa ndo ya vaꞌa kutaku yo nuu ra tá kuꞌva kúni mií ra. Xa ndi̱kiꞌin yo ndiꞌi ya yóꞌó chi vitin ta ndinuꞌu ni ini yo xíni yo Jesucristo, ra ka̱na yoo ya ndu̱u yo naꞌa, na kúu mií ya vaꞌa, ya luvi kaꞌnu ni kúu mií ra.

2 Pedro 2:20

Ta naꞌa, na ndíkani ini kundikun na nda sínaꞌa ya vata ikán ta xa ndi̱saña na nuu ya väꞌa íyo ñuu ivi yóꞌó tá ku̱ndaa ini na xaꞌa tuꞌun vaꞌa xaꞌa Tata yo Jesucristo ra síkaku yoo. Sundi tá ndi̱koyo tuku na íkan na ya väꞌa taꞌan ya xa i̱kan na yachi, ta ndee ni ka kini xáꞌnda chiñu ya väꞌa ikán nuu na vitin, süvi ka vi tá kuꞌva ndi̱xiyo na tá núnu̱ú.

2 Pedro 3:18

Ta ndóꞌo̱ xíniñuꞌu ndo kunitaꞌan vaꞌa ka ndo xiꞌin Tata yo Jesucristo, ra síkaku yoo, ra kúꞌvi ni ini xíni yoo. Ta ná xaa kaꞌnu ni yo ra ndiꞌi saa kivi xiꞌin ndiꞌi kivi ya vaxi. Saa ná koo.