2 Corintios 9:11 - Xochapa Mixteco

¹¹ Ta Ndioxi ku ra ndasa kuika ni ndóꞌo̱ xiꞌin ndiꞌi nuu ñaꞌa ya vaꞌa ni ya ná kuchiñu ndo chindee ni ndo naꞌa. Ta xuꞌun ya tíꞌvi ndo kuꞌun xiꞌin nde ndaꞌa na taꞌan yo, ta vaꞌa ni kuni na xiꞌin ya, saa taxi ni na tixaꞌvi ndaꞌa Ndioxi.

2 Corintios 9:11 ပူးပေါင်းရင်းမြစ်များ

San Mateo 20:15

Mií i xíni va xaꞌa ya íkan i xiꞌin ñaꞌa i. ¿Án kûní ini un xaꞌa ya vaꞌa íkan i xiꞌin naꞌa?” káchi ra xíin ñuꞌú ikán xiꞌin ra xáa chiñu nuu ra.

San Mateo 25:17

Saa i̱kan tu inka ra uvi ikán va xiꞌin ya, xa̱a chiñu ra xiꞌin uvi saa ya, ta ndi̱niꞌi ra inka uvi siki ya.

ROMANOS 12:8

Ta sava tuku yo ndi̱niꞌi taꞌvi xaꞌa yo ndee xiꞌin naꞌa, ta kuꞌva saa ná ikan yo xiꞌin na. Tá sava tuku yo ndi̱niꞌi taꞌvi ya siniꞌi yo ñaꞌa nuu inka na, ta kuꞌva saa ná ikan yo xiꞌin na, ná ikan yo ya xiꞌin ndinuꞌu nima yo. Tá sava tu yo ndi̱niꞌi taꞌvi ya kunuu yo nuu naꞌa, ta kuꞌva saa ná ikan yo xiꞌin na, ndinuꞌu ini yo ná ikan yo saa. Tá sava tuku yo ndi̱niꞌi taꞌvi ya kundaꞌvi ni ini yo kuni yo naꞌa, ta kuꞌva saa ná kundaꞌvi ni ini yo ikan yo saa xiꞌin na ta ná kusini ni yo.

1 Corintios 1:5

Saa chi tixin Jesucristo kua ta̱xi ni Ndioxi ya vaꞌa ndaꞌa ndo ya kuchiñu ndo ndituꞌun ndo ya vaꞌa xiꞌin na ivi, saa ta̱xi ra ya ndíchi ni ndaꞌa ndo.

2 Corintios 1:11

tá káꞌan ni ndo xiꞌin Ndioxi xaꞌa nde. Tá tu kuaꞌa ni naꞌa káꞌan xaꞌa nde xiꞌin Ndioxi, ta saa kuaꞌa ni na taxi tixaꞌvi ndaꞌa ra xaꞌa ya vaꞌa níꞌi ndeꞌe nuu ra.

2 Corintios 4:15

Ta ndiꞌi ya yóꞌó kua ndóꞌo nde ya ná nduu kuaꞌa ni naꞌa niꞌi ya vaꞌa nuu Ndioxi. Ta xaꞌa ya kuaꞌa ni na xi̱ni soꞌo tuꞌun Ndioxi ya ndi̱kaꞌan ndoso nde xiꞌin na yakan ndu̱u kuaꞌa ni na taxi tixaꞌvi ndaꞌa ra, saa xaa kaꞌnu ni na ra.

2 Corintios 8:16

Táxi ni i tixaꞌvi ndaꞌa Ndioxi xaꞌa ra Tito, ñani yo, chi chi̱kaa Ndioxi ya vaꞌa ini ra, ya ndíkani ini ra tá kuꞌva ndíkani ini yeꞌe, ya chindee taꞌan nde xiꞌin ndo.

2 Corintios 8:19

Ta ndiꞌi mií na ñani yo, na veꞌe ñuꞌu ku na ndi̱kaꞌan xaꞌa ra ya ná kaka ra xiꞌin nde ndikaya nde xuꞌun ya chindee taꞌan yo xiꞌin na ñani yo. Ta íkan nde saa, ndíkaya nde xuꞌun yóꞌó, ya xáa kaꞌnu nde Tata yo Jesús ta saa kuni naꞌa ya ndixa kua kúni ni ndo chindee taꞌan ndo xiꞌin na ñani yo, na ndaꞌvi.

2 Corintios 9:12

Chi ya táxi ndo ndíso nde kuaꞌan ndaꞌa na, ta süvi ndisaa ya tíꞌvi ndo kuaꞌan ndaꞌa na kua ndíso nde, chi xaꞌa ya chíndee ni ndo na ta ndúkuaꞌa vaꞌa ka naꞌa, na táxi ni tixaꞌvi ndaꞌa Ndioxi.