2 Corintios 9:10 - Xochapa Mixteco

¹⁰ Saa chi mií Ndioxi ku ra táxi siꞌva chíꞌi naꞌa, ta suvi mií ra ku ra táxi ñaꞌa xíxi ndiꞌi na. Ta kuꞌva saa ikan Ndioxi xiꞌin ndo, taxi ra kuaꞌa ni ñaꞌa vaꞌa ndaꞌa ndo, saa kuchiñu ndo chindee taꞌan ndo xiꞌin inka na.

2 Corintios 9:10 ပူးပေါင်းရင်းမြစ်များ

San Mateo 6:1

Saa ndi̱kaꞌan tuku Jesús xiꞌin na, káchi ra saa: ―Tá íkan ndo ya vaꞌa kúni Ndioxi, ta kuenta koo ndo täxi ndo kuni naꞌa ya íkan ndo, ta chinuu vaꞌa na tuꞌun ndo nuu inka na xaꞌa ya íkan ndo, chi tá íkan ndo saa ta köo ka ya vaꞌa niꞌi ndo nuu Ndioxi.

2 Corintios 9:12

Chi ya táxi ndo ndíso nde kuaꞌan ndaꞌa na, ta süvi ndisaa ya tíꞌvi ndo kuaꞌan ndaꞌa na kua ndíso nde, chi xaꞌa ya chíndee ni ndo na ta ndúkuaꞌa vaꞌa ka naꞌa, na táxi ni tixaꞌvi ndaꞌa Ndioxi.

2 Corintios 9:6

Ta vaꞌa ndi̱kaꞌán ini ndo xiꞌin tuꞌun ya káꞌan soꞌva: naꞌa, na loꞌo ni chíꞌi, ta saa ndee ni loꞌo síkee na, ta naꞌa, na kuaꞌa ni chíꞌi, ta saa kuaꞌa ni síkee na.

Gálatas 3:5

Ta ¿án xaꞌa ya xáa súvi ndo ley Ndioxi kua ta̱xi ra Tachi I̱í ra ndaꞌa ndo, túvi ndo? Saa tu ya íkan Ndioxi yatuꞌun xiꞌin va ndo ta ¿án xaꞌa ya xáa súvi ndo ley Ndioxi kua, túvi ndo? Süvi saa íyo ya. Xaꞌa ya xi̱ni soꞌo ndo tuꞌun vaꞌa xaꞌa Tata yo Jesucristo, ta ka̱ndixa ndo ya sikaku ra ndóꞌo̱. Xaꞌa ya ikán kua ta̱xi ra Tachi I̱í ra ndaꞌa ndo, saa tu ya íkan ra yatuꞌun xiꞌin va ndo.

Efesios 5:9

Ta xaꞌa ya íyo Tachi I̱í Ndioxi xiꞌin ndo kua ndu̱u ndo naꞌa, na vaꞌa ni, na köo ka kuachi kúu mií nuu ra, na ndee ni íyo ya ndaa ini.

Filipenses 1:11

Saa kua ikan ni ndo ya vaꞌa, ya ndaa nuu ra, ta tixin mií Tata yo Jesucristo kua ikan ndo saa, ta saa kua kaꞌan vaꞌa ni naꞌa xaꞌa Ndioxi, ta ndikunuu vaꞌa ni ya toꞌo ra.

Filipenses 4:17

Süvi ya káꞌan i ya yóꞌó xiꞌin ndo ta kúni i chindee ndo yeꞌe, chi yeꞌe ya kúni i kua ná niꞌi ni ka ndo ya vaꞌa nuu Ndioxi xaꞌa ya vaꞌa ni ini ndo, tái ni ndo.

1 Tesalonicenses 3:12

Ta ná chindee ni Tata yo Jesucristo ndóꞌo̱ kuaꞌnu ni ka ndo xiꞌin ya kúꞌvi ni ini ndo xíni taꞌan ndo, ta saa ná kuꞌvi ni ini ndo kuni ndo ndiꞌi naꞌa. Ta saa kuꞌvi ni ini ndo kuni taꞌan ndo tá kuꞌva kúꞌvi ni ini nde xíni nde ndóꞌo̱.

1 Tesalonicenses 4:10

Ya ndixa kua kúꞌvi ni ini ndo xíni ndo ndiꞌi na taꞌan yo, na ndóo ndiꞌi ñuu ya ñúꞌu estado Macedonia. Saa xíkan ni nde ya mani nuu ndo kuꞌvi ni ka ini ndo kuni taꞌan ndo iin iin ichí.