2 Corintios 8:8 - Xochapa Mixteco

⁸ Ta ya káꞌan i xiꞌin ndo kuꞌva soꞌva, ta süvi yeꞌe xáꞌnda chiñu ku i nuu ndo, káꞌan i xiꞌin ndo saa ya kúni i ná kuni ndo ndá kuꞌva íyo ndúvi inka na taꞌan yo ya chindee taꞌan na xiꞌin na taꞌan yo, na ndaꞌvi. Ta kuꞌva saa kúni i ná ikan ndo tá kuꞌva íkan na taꞌan yo ikán. Saa kua vaꞌa sinaꞌa ndo mií ndo nuu na ya ndixa kua kúꞌvi ni ini ndo xíni ndo na.

2 Corintios 8:8 ပူးပေါင်းရင်းမြစ်များ

ROMANOS 12:9

Tá kúꞌvi ni ini ndo xíni taꞌan ndo, ta ndixa ndinuꞌu ini ndo kuꞌvi ini ndo kuni taꞌan ndo. Kundasi nuu ndo kuni ndo ya väꞌa, ta chikaa ni ndo ndee ya kundikun ndo ya vaꞌa.

1 Corintios 7:12

Ta ya yóꞌó ku ya ndítuꞌun i xiꞌin ndiꞌi ndo. Yeꞌe ku i káꞌan xiꞌin ndo, süvi ya káꞌan Tata yo ku ya: Tá ndá iin ñani yo íyo yá síꞌi ra ta täꞌan kandixa yá síꞌi ra tuꞌun Tata yo Jesucristo, ta kúni va yá koo yá xiꞌin ra, ta saa ná koo ra xiꞌin va yá, ná käꞌnda ra tutu xiꞌin yá.

1 Corintios 7:25

Ta xaꞌa nda kuâán xiꞌin ná kuâán taki ná täꞌan tindaꞌa, ta köo ñaꞌa ndíxaꞌnda chiñu Tata yo nuu i xaꞌa na. Sundi vaꞌa va kaꞌan i xiꞌin ndo ndá kuꞌva ku ya ndíkani ini i, saa chi ta̱xi Tata yo ya xínituni i ndaꞌa i xaꞌa ya kúndaꞌvi ni ini ra xíni ra yeꞌe.

1 Corintios 7:6

Ya káꞌan i tuꞌun yóꞌó xiꞌin ndo ta süvi yeꞌe xáꞌnda chiñu ku i nuu ndo ya ikan ndo saa, yeꞌe ndíkani va ku i nuu ndo.

2 Corintios 6:6

Xaꞌa ya vaꞌa ni íyo nde nuu naꞌa kua sínaꞌa nde mií nde nuu na ya kúu nde taa, nda xáa chiñu nuu Ndioxi, chi íyo ni ya xínituni nde xaꞌa ya xíni nde ya ndaa, ta xáꞌa ndee ni ini nde nuu ndiꞌi ya, ni köo ndíko koo ini nde, vaꞌa ni ini nde xiꞌin naꞌa. Íkan nde saa xaꞌa ya íyo Tachi I̱í Ndioxi xiꞌin nde, ta ndinuꞌu ni ini nde kúꞌvi ini nde xíni nde na,

2 Corintios 8:10

Yakan yeꞌe, ta káꞌan i xiꞌin ndo ndá kuꞌva chindee ndo ñani yo na ndóo ñuu Jerusalén, chi kuiya ya ndi̱yaꞌa ta xiꞌna ndóꞌo̱ ku ndo xa̱á chíndee na ikán, ta ndixa ndinuꞌu ni ini ndo xa̱a ndo saa xiꞌin na.

2 Corintios 8:24

Saa xíkan ni i ya mani nuu ndo ya ná ndikuiso vaꞌa ni ndo nda ñani yo ñaa ya ná kundaa ini na veꞌe ñuꞌu, na ti̱ꞌvi nda xaa nda, ta saa kusini ni na xiꞌin ndo, ta saa tu ndeꞌe va kusini ni nde xiꞌin ndo.

2 Corintios 9:2

Chi xa xíni i ini ndo ya ndee ni vaꞌa kúni ndo chindee ndo na, kuꞌva saa kua vaꞌa ni ndi̱tuꞌun i xaꞌa ndo xiꞌin ndiꞌi na veꞌe ñuꞌu, na ndóo estado Macedonia. Ndi̱kaꞌan i xiꞌin na xaꞌa ndóꞌo̱ ndóo estado Acaya, ya ndee ni vaꞌa íyo ndúvi ndo chindee ndo na taꞌan yo, na ndaꞌvi. Ta nda kuiya ya ndi̱yaꞌa xa̱á ndo íkan ndo saa, ta xaꞌa ya vaꞌa ni íkan ndo, ta saa ndiꞌi na taꞌan yo, na ndóo Macedonia yóꞌó kúni tu na yóꞌó va chindee taꞌan na xiꞌin na taꞌan yo.

2 Corintios 9:7

Xaꞌa ya ñaa kua vaꞌa taxi ndo xuꞌun ya chindee ndo naꞌa, tá kuꞌva chi̱kaa ini mií ndo taxi ndo ndaꞌa na, ta saa koo ya taxi ndo. Ta küsuchi ini ndo tá táxi ndo ya ndaꞌa na, ta ni chïndee ndo na xiꞌin ya nduxa. Chi Ndioxi, ta kúꞌvi ni ini ra xíni ra naꞌa, na táxi ya xiꞌin ndinuꞌu nima na.

Efesios 4:15

Vaꞌa ka ná kuxuxa ini yo xaꞌa ndiꞌi ni kúu kuꞌva ya ndíkani ini yo, ta saa nduu yo tá káa mií Cristo, ná sinaꞌa taꞌan yo xiꞌin ya ndaa xaꞌa ya kúꞌvi ini yo xínitaꞌan yo. Chi mií Tata yo Cristo ku ra ku xi̱ní, ra xáꞌnda chiñu nuu yo veꞌe ñuꞌu.

Efesios 6:24

Ta mií Ndioxi ná chikaa ni ya vaꞌa ndiꞌi ndóꞌo̱ yáꞌa ni kúꞌvi ini xíni Tata yo Jesucristo. Saa ná koo.

HEBREOS 10:24

Ta saa ná nduku ka yo ndá kuꞌva kuniꞌi taꞌan yo ya kuꞌvi ni ini yo kuni taꞌan yo, ta ná ikan yo ndisaa ya vaꞌa xiꞌin taꞌan yo.

1 Pedro 1:22

Ta xaꞌa ya xáa súvi ni ndo tuꞌun vaꞌa ya ndaa xi̱ni soꞌo ndo yakan ndu̱vaꞌa ya vaꞌa ndo, saa chíndee taꞌan Tachi I̱í ra xiꞌin ndo ya ndinuꞌu ni kúꞌvi ini ndo xíni taꞌan ndo. Ikan ndo saa: ndinuꞌu ni ini ndo kuꞌvi ini ndo kuni taꞌan ndo.