2 Corintios 8:7 - Xochapa Mixteco

⁷ Saa chi ndóꞌo̱, ta vaꞌa ni va íkan ndo: Ndee ni vaꞌa ndáa ini ndo xíni ndo Ndioxi, ta saa vaꞌa ni tu vií ndítuꞌun ndo tuꞌun ra xiꞌin naꞌa, ta xíni vaꞌa ndo ya ndaa xaꞌa Ndioxi. Saa íyo ndúvi ni ndo ya chindee taꞌan ndo xiꞌin na taꞌan yo xaꞌa ya kúꞌvi ini ndo xíni ndo na, chi saa si̱kuaꞌa ndo nuu nde. Yakan xíkan ni nde ya mani nuu ndo ya ná chindee taꞌan loꞌo ndo xiꞌin xuꞌun na ñani yo, na ndóo ñuu Jerusalén.

2 Corintios 8:7 ပူးပေါင်းရင်းမြစ်များ

San Mateo 25:22

Saa ndi̱xaa inka ra ndi̱kiꞌin uvi talento nuu xitoꞌo ra ta ndi̱kaꞌan ra xiꞌin ra, káchi ra saa: “Tata, uvi xuꞌun talento ta̱xi un ndaꞌa i, ta xa̱a chiñu i xiꞌin ya ta ndi̱niꞌi ka i uvi siki ya ka̱na xa̱a chiñu i xiꞌin ya”, káchi ra.

ROMANOS 15:14

Ñani yo xiꞌin kuꞌva yo, xíni i ya ndee ni vaꞌa ini ndo, ta xa xíni ni ndo ya ndaa, yakan vaꞌa ni táxi ndo nuu taꞌan ndo.

1 Corintios 1:5

Saa chi tixin Jesucristo kua ta̱xi ni Ndioxi ya vaꞌa ndaꞌa ndo ya kuchiñu ndo ndituꞌun ndo ya vaꞌa xiꞌin na ivi, saa ta̱xi ra ya ndíchi ni ndaꞌa ndo.

1 Corintios 12:13

Saa chi tixin iin mií Tachi I̱í ra kua chi̱chi ndiꞌi yo yakan iin ndu̱u ndiꞌi yo xiꞌin ra. Án yo judío ku yo, án süvi yo judío ku yo, án yo sa̱ta na xáa chiñu xiꞌin ya nduxa ku yo, án yo íyo ndika ku yo, ta iin káchi ndi̱kuiso ra ndiꞌi yo. Ta tá íin nduta xíꞌi yo saa káa Tachi ra ya ndi̱niꞌi yo nuu ra, íyo ya xiꞌin yo.

1 Corintios 12:8

Saa chi táxi Tachi I̱í Ndioxi ya vaꞌa ndaꞌa sava na, ya kúchiñu na kúndaa ini na xiꞌin tuꞌun ya ndee ni ndíchi, ta sava tuku na ndee ni íyo ya xínituni na, ndíchi ka vi íyo ya káꞌan na.

1 Corintios 13:2

Tá tu vaꞌa ni káꞌan i tuꞌun yuꞌu Ndioxi, ni vaꞌa ni kúndaa tu ini i xiꞌin ndiꞌi ni kúu ya íyo sěꞌe, ni ndíchi ni káa i, ni kándixa ni i Ndioxi ya kuni soꞌo ra kaꞌan i xiꞌin ra ndinama ra iku kuꞌun ya inka ñaꞌñu, sundi tá tu köo ya kúꞌvi ini táxi Ndioxi íyo nima i, ya kuꞌvi ini i kuni i inka naꞌa, ta ni köo ndáa yaꞌvi mií vi i.

1 Corintios 13:8

Chi ya kúꞌvi ini táxi Ndioxi ndaꞌa yo kuꞌvi ini yo kuni yo inka naꞌa, ta ndiꞌi saa tiempo koo ya. Sundi naꞌa, na káꞌan tuꞌun yuꞌu Ndioxi ta vaxi tiempo küchiñu ka na kaꞌan na tuꞌun yuꞌu ra. Ni na káꞌan ndá ka nuu tuꞌun ya köo xíni na ta köo ka na kaꞌan ya, ni ya ndíchi ni kundaa ini yo xaꞌa ya ndi̱xiyo sěꞌe, ta ndiꞌi xaꞌa ya.

1 Corintios 14:12

Ta saa tu ndóꞌo va, chi ndúku ni ndo kuꞌva ya niꞌi ndo ya vaꞌa ke̱e nuu ndivi. Ta vaꞌa nduku ni ndo taꞌan ya vaꞌa ya chíndee taꞌan ni xiꞌin na veꞌe ñuꞌu ya ná kuaꞌnu ka na xiꞌin tuꞌun Ndioxi.

1 Corintios 4:7

Ta ¿ndachu ndíkani ini ndo, vaꞌa ni ka mií ndo nuu inka naꞌa, túvi ndo? Ndiꞌi ñaꞌa ya kúu mií ndo ta Ndioxi ku ra ta̱xi ya ndaꞌa ndo. Süvi mií ndo ndínduku ya yakan kütai ni ini ndo xiꞌin ya.

2 Corintios 7:7

Ta saa ni süvi ndisaa xaꞌa ya xa̱a ra nuu nde kua ndi̱ndiko ini nde, chi xaꞌa ya ndee ni vaꞌa ndi̱xaꞌa ndo ndee xiꞌin ra kua si̱ndiko ni ini nde. Ndi̱tuꞌun ra xiꞌin nde ya ndee ni kúni ndo kuni ndo ndeꞌe, ta saa ndi̱kaꞌan ra xiꞌin nde ya kúsuchi ni ini ndo xaꞌa kuachi ndo. Saa ndi̱tuꞌun ra xiꞌin nde ya ndee ni ndíꞌi ini ndo xaꞌa i, yakan ndee ni vaꞌa ka ku̱ni i xiꞌin tuꞌun ya xi̱ni soꞌo i xaꞌa ndo.

2 Corintios 8:6

Ta xa xíni mií ndo ñani yo, ndo ñuu Corinto, ra Tito ñani yo ku ra xa̱á ndíkaya xuꞌun ya chindee taꞌan ndo xiꞌin na taꞌan yo, ya síniꞌi uun ndo nuu na. Ta vitin xa ndi̱xikan nde ya mani nuu ra ya ná ndïkaya ka ra ya ndaꞌa ndo, nda ná sixinu ra chiñu ya xa̱á ra xáa súvi ra.

2 Corintios 9:14

Ta saa kaꞌan na xaꞌa ndo xiꞌin Ndioxi, ndúku na ya vaꞌa nuu ra xaꞌa ndo xaꞌa ya ndee ni kúꞌvi ini ra xíni ra ndóꞌo̱.

2 Corintios 9:8

Ta ndee ni ndee kúu mií Ndioxi ya kuchiñu chindee ra ndóꞌo̱, taxi ra kuaꞌa ni ya vaꞌa ndaꞌa ndo, ya ná koo ñaꞌa xíniñuꞌu ndo nuu ndo ndiꞌi saa ichí, ta nda ndoo ndoso ka ya nuu ndo ya kuchiñu ndo ikan ni ndo ndá ka ya vaꞌa ni xiꞌin naꞌa.

Efesios 4:29

Nda iin tuꞌun väꞌa ná käna koo ka yuꞌu ndo kaꞌan ndo, ndisaa tuꞌun vaꞌa ya chíndee taꞌan ndo xiꞌin inka naꞌa, ya táxi ndo ndee ndaꞌa na xíni soꞌo ya káꞌan ndo, ndisaa ya ikán vaꞌa kaꞌan ndo.

Filipenses 1:11

Saa kua ikan ni ndo ya vaꞌa, ya ndaa nuu ra, ta tixin mií Tata yo Jesucristo kua ikan ndo saa, ta saa kua kaꞌan vaꞌa ni naꞌa xaꞌa Ndioxi, ta ndikunuu vaꞌa ni ya toꞌo ra.

Filipenses 1:9

Káꞌan ni i xaꞌa ndo xiꞌin Ndioxi ya ná kuꞌvi ni ka ini ndo kuni ndo Ndioxi iin iin kivi. Ta saa ná kuꞌvi ni tu ini ndo kuni ndo inka naꞌa va. Ta saa ná niꞌi ni ka ndo ya ndíchi nuu ra ya kuchiñu ndo kundaa ni ka ini ndo.

2 Tesalonicenses 1:3

Ñani yo xiꞌin kuꞌva yo, ndiꞌi saa ichí xíniñuꞌu ni nde kaꞌan nde xaꞌa ndo xiꞌin Ndioxi. Chi ndóꞌo̱, ta kándixa ni ndo ra, ta vitin taan xáꞌnu ka ndo xiꞌin tuꞌun ra, saa kúꞌvi ni ini ndo xíni taꞌan ndo.

2 Timoteo 2:1

Ñani yo Timoteo, yóꞌo̱, ta nda tá íyo seꞌe mií i saa íyo un, yakan káꞌan i xiꞌin un chikaa ni un ndee chi kúꞌvi ni ini Ndioxi xíni ra yóꞌo̱ xaꞌa ya kúu un kuenta Tata yo Jesucristo.

HEBREOS 12:28

Nuu xáꞌnda chiñu Ndioxi, nuu koo yo xiꞌin ra kua ndoo koo chi küvi kanda ya ikán kutaꞌa ya. Yakan kua ná taxi ni yo tixaꞌvi ndaꞌa ra, ta saa ná xaa kaꞌnu ni yo ra tá kuꞌva kútoo mií ra, xaꞌa ya íꞌvi yo xíni yo ra.

1 Pedro 1:22

Ta xaꞌa ya xáa súvi ni ndo tuꞌun vaꞌa ya ndaa xi̱ni soꞌo ndo yakan ndu̱vaꞌa ya vaꞌa ndo, saa chíndee taꞌan Tachi I̱í ra xiꞌin ndo ya ndinuꞌu ni kúꞌvi ini ndo xíni taꞌan ndo. Ikan ndo saa: ndinuꞌu ni ini ndo kuꞌvi ini ndo kuni taꞌan ndo.

2 Pedro 3:18

Ta ndóꞌo̱ xíniñuꞌu ndo kunitaꞌan vaꞌa ka ndo xiꞌin Tata yo Jesucristo, ra síkaku yoo, ra kúꞌvi ni ini xíni yoo. Ta ná xaa kaꞌnu ni yo ra ndiꞌi saa kivi xiꞌin ndiꞌi kivi ya vaxi. Saa ná koo.

El Apocalipsis 3:17

Káꞌan ndo kuika ni ndo, ta nda iin ñaꞌa köo kúmani nuu ndo káchi ndo. Sundi ndóꞌo̱, ta köo kíꞌin ndo kuenta ya ndixa ni ndaꞌvi ndo, nda loꞌo ñaꞌa köo nuu ndo, nda ya kuxi ndo köo, iin kúndaꞌvi chála ndo, tá íin na kuáa̱ küvi koto saa íin ndo, ta köo kíꞌin ndo kuenta.