2 Corintios 8:23 - Xochapa Mixteco

²³ Ta ndítuꞌun i xiꞌin ndo xaꞌa ra ñani yo, ra Tito, chi ra ñaa ta ra xáa chiñu xiꞌin i ku ra, ya chíndee taꞌan nde xiꞌin ndo. Ta inka nda ñani yo, ta na veꞌe ñuꞌu ku na tíꞌvi nda ñaa xaa nda, ta saa ni ndee ni káñuꞌu nda Tata yo Jesucristo.

2 Corintios 8:23 ပူးပေါင်းရင်းမြစ်များ

San Lucas 5:10

Saa tu ra Jacobo va xiꞌin ra Juan, nda seꞌe ra Zebedeo xiꞌin ra Símón, íꞌvi ka vi nda. Saa ndi̱kaꞌan Jesús xiꞌin ra Simón Pedro, káchi ra saa: ―Simón, ku ïꞌvi un, saa chi käꞌni ka un tiaka, taxi i inka chiñu ndaꞌa un, kivi vitin xáa chiñu ya taxi i ndaꞌa un, kuꞌun un ndikaya un naꞌa, ya kundikun na ichí Ndioxi ―káchi Jesús xiꞌin ra.

San Lucas 5:7

Ta saa i̱kan nda seña nuu nda taꞌan nda, nda ñúꞌu ini inka barco, ya ná kuꞌun nda chindee ñaꞌa nda. Saa ndi̱xaa nda ta̱va nda ya. Si̱kutu ndaa nda uvi saa tun barco xiꞌin ri, siloꞌo ndikava nu ini tikuii chi ku̱u vee nu xiꞌin ri.

San Juan 13:16

Ya ndixa ni kua káꞌan i xiꞌin ndo: Ra xáa chiñu nuu xitoꞌo ra, ta köo chee ka ra ikán nuu xitoꞌo ra. Ni iin ra xíka chiñu, ta köo chee ka ra ikán nuu ra ti̱ꞌvi ñaꞌa.

1 Corintios 11:7

Sundi nda taa ta küvi ndikasi nda xi̱ní nda, chi tá kuꞌva káa mií Ndioxi saa íin nda, saa sínaꞌa nda ya luvi ni kúu mií Ndioxi. Saa ná síꞌi sínaꞌa ná ya luvi ni kúu mií ná nuu nda taa.

2 Corintios 12:18

Ra Tito, ñani yo ku ra ti̱ꞌvi i ndi̱xaa ra nuu ndo xiꞌin inka ra ñani yo, ra veꞌe ñuꞌu. Ta köo ndi̱sindaꞌvi ra ikán ndóꞌo̱ chi tá kuꞌva xáa chiñu yeꞌe saa xáa chiñu tu ra ikán va, iin káchi xáa chiñu uvi saa va nde.

2 Corintios 7:6

Ta vaꞌa chi mií Iva yo Ndioxi ku ra síndiko ini naꞌa, na ndee ni ndíkava ini, ta si̱ndiko ra ini nde xaꞌa ya xa̱a ra ñani yo ra Tito xíto ra ndeꞌe.

2 Corintios 8:16

Táxi ni i tixaꞌvi ndaꞌa Ndioxi xaꞌa ra Tito, ñani yo, chi chi̱kaa Ndioxi ya vaꞌa ini ra, ya ndíkani ini ra tá kuꞌva ndíkani ini yeꞌe, ya chindee taꞌan nde xiꞌin ndo.

2 Corintios 8:18

Ta saa tíꞌvi nde iin ra ñani yo xaa ra xiꞌin ra, ta ra ñani yo yóꞌó ku ra ndee ni vaꞌa ínuu tuꞌun nuu ndiꞌi na veꞌe ñuꞌu xaꞌa ya ndee ni vaꞌa xáa chiñu ra xaꞌa tuꞌun Ndioxi.

2 Corintios 8:19

Ta ndiꞌi mií na ñani yo, na veꞌe ñuꞌu ku na ndi̱kaꞌan xaꞌa ra ya ná kaka ra xiꞌin nde ndikaya nde xuꞌun ya chindee taꞌan yo xiꞌin na ñani yo. Ta íkan nde saa, ndíkaya nde xuꞌun yóꞌó, ya xáa kaꞌnu nde Tata yo Jesús ta saa kuni naꞌa ya ndixa kua kúni ni ndo chindee taꞌan ndo xiꞌin na ñani yo, na ndaꞌvi.

2 Corintios 8:22

Ta saa tíꞌvi tu nde inka ra ñani yo xaa ra xiꞌin nda, chi ndee ni vaꞌa íyo ndúvi ra xaa súvi ra ndá ka chiñu. Chi ndee ni kúni ra chindee taꞌan ra xiꞌin na taꞌan yo, yakan xaa ra nuu ndo, xaꞌa ya ndee ni ndáa ini ra xíni ra ndóꞌo̱.

2 Corintios 8:6

Ta xa xíni mií ndo ñani yo, ndo ñuu Corinto, ra Tito ñani yo ku ra xa̱á ndíkaya xuꞌun ya chindee taꞌan ndo xiꞌin na taꞌan yo, ya síniꞌi uun ndo nuu na. Ta vitin xa ndi̱xikan nde ya mani nuu ra ya ná ndïkaya ka ra ya ndaꞌa ndo, nda ná sixinu ra chiñu ya xa̱á ra xáa súvi ra.

Filipenses 2:25

Ta xíka tu ini i ya xíniñuꞌu i sindiko koo i ra ñani yo, ra Epafrodito xaa ra nuu ndo. Ndee ni xa̱a chiñu ra xiꞌin i, nda tá kuꞌva íkan nda lapa ndee ni xáa chiñu nda, kuꞌva saa xa̱a chiñu ra xiꞌin i. Ta ndi̱xaꞌvi ni ndo ya ti̱ꞌvi ndo ra ki̱xi ra nuu i chi̱ndee taꞌan ra xiꞌin i, ta̱xi ra ñaꞌa ya xíniñuꞌu i ndaꞌa i.

Filipenses 4:3

Ta yóꞌo̱, ñani yo, yóꞌo̱ vaꞌa ni xáa chiñu xiꞌin i ku un, ta xíkan ni i ya mani nuu un chindee taꞌan un xiꞌin ná kuꞌva yo ñaa ya ná ndikitaꞌan vaꞌa ná xiꞌin taꞌan ná. Saa chi ná ñaa ku ná chi̱ndee ni yeꞌe xiꞌin ra ñani yo ra Clemente tin inka ka na ya ndi̱xita ka tuꞌun vaꞌa xaꞌa Tata yo Jesucristo kuaꞌan ya. Chi na ñaa ta xa ndi̱kundoso kivi na nuu tutu Ndioxi, nuu ndíkundoso kivi na kutaku ikan Ndioxi.

Colosenses 1:7

Ta ya yóꞌó kua xi̱ni soꞌo ndo si̱naꞌa ra ñani yo, ra Epafras, ra xáa chiñu xiꞌin nde nuu Tata yo Jesucristo. Ta ndinuꞌu ni ini ra xáa chiñu ra nuu Tata yo ya chindee ra ndóꞌo̱.

1 Tesalonicenses 2:2

Saa chi xíni mií ndo tá täꞌan xaa nde ñuu ndo ta xiꞌna ñuu Filipos ndi̱yaꞌa nde, ta ikán ka̱ni ni na ndeꞌe, xa̱a ndu̱vaꞌa ni na xiꞌin nde. Saa tá ndi̱xaa nde ñuu ndo ta ndee ni sáa ini na ñuu ndo xíni na ndeꞌe, ta köo ndi̱ndiꞌvi nde nuu na, chi ndinuꞌu ni va ini nde ndi̱kaꞌan nde xiꞌin ndo xaꞌa tuꞌun vaꞌa ya ta̱xi Iva yo Ndioxi ndaꞌa nde.

2 Timoteo 4:10

Saa chi ra Demas, ta si̱ndoo ndaꞌa va ra yeꞌe, saa ke̱ta ra kuaꞌan ra chí ñuu Tesalónica, xaꞌa ya kútoo ni ra xíni ra ñaꞌa ñuu ivi yóꞌó kua i̱kan ra saa xiꞌin i. Inka ra Crescente, ke̱e kuaꞌan chí Galacia. Inka ra Tito, ke̱e kuaꞌan chí Dalmacia.

Tito 1:4

Ta tíꞌvi i tutu yóꞌó xaa ya ndaꞌa un ñani yo Tito. Chi yóꞌo̱, ta tá íyo seꞌe mií i saa íyo un, xaꞌa ya iin káchi ndáa ini yo xíni yo Tata yo Jesucristo, ra síkaku yoo. Ta ná ikan Iva yo Ndioxi xiꞌin Tata yo Jesucristo ya vaꞌa xiꞌin un, ná kundaꞌvi ni ini ra kuni ra yóꞌo̱, ná taxi ra koo vaꞌa ini un.

FILEMÓN 1:17

Ta xaꞌa ya ndíkun yo Iva yo Ndioxi, yakan vaꞌa vií ni ndikiꞌin un ra ñani yo Onésimo ñaa, tá kuꞌva vií ni ndikiꞌin un yeꞌe, kuꞌva saa vií ndikiꞌin un ra.

FILEMÓN 1:24

Ta káꞌan ndioxi tu ra Marcos ñani yo xiꞌin ra Aristarco tin ra Demas xiꞌin ra Lucas ñani yo, nda xáa chiñu xiꞌin i yóꞌó. Káꞌan ndioxi ni nda xiꞌin ndo.

3 Juan 1:8

Yakan yoo ta xíniñuꞌu yo ndikuiso yo na koo na veꞌe yo, chindee yo na, tá íkan yo saa ta chíndee taꞌan yo xiꞌin na xíka na ndíkani ka na tuꞌun Ndioxi ya ndaa.