2 Corintios 8:16 - Xochapa Mixteco

¹⁶ Táxi ni i tixaꞌvi ndaꞌa Ndioxi xaꞌa ra Tito, ñani yo, chi chi̱kaa Ndioxi ya vaꞌa ini ra, ya ndíkani ini ra tá kuꞌva ndíkani ini yeꞌe, ya chindee taꞌan nde xiꞌin ndo.

2 Corintios 8:16 ပူးပေါင်းရင်းမြစ်များ

2 Corintios 7:12

Tá ta̱a i tutu xaa ndaꞌa ndo ta köo ndi̱taa i ya xaꞌa ra i̱kan ya väꞌa ñaa, án xaꞌa ra ndi̱xuꞌvi xaꞌa ya väꞌa i̱kan ra ñaa. Ta̱a i ya xaa ya ndaꞌa ndo ya ná kuni Ndioxi ya kúꞌvi ni ini ndo xíni ndo ndeꞌe.

2 Corintios 7:7

Ta saa ni süvi ndisaa xaꞌa ya xa̱a ra nuu nde kua ndi̱ndiko ini nde, chi xaꞌa ya ndee ni vaꞌa ndi̱xaꞌa ndo ndee xiꞌin ra kua si̱ndiko ni ini nde. Ndi̱tuꞌun ra xiꞌin nde ya ndee ni kúni ndo kuni ndo ndeꞌe, ta saa ndi̱kaꞌan ra xiꞌin nde ya kúsuchi ni ini ndo xaꞌa kuachi ndo. Saa ndi̱tuꞌun ra xiꞌin nde ya ndee ni ndíꞌi ini ndo xaꞌa i, yakan ndee ni vaꞌa ka ku̱ni i xiꞌin tuꞌun ya xi̱ni soꞌo i xaꞌa ndo.

2 Corintios 8:23

Ta ndítuꞌun i xiꞌin ndo xaꞌa ra ñani yo, ra Tito, chi ra ñaa ta ra xáa chiñu xiꞌin i ku ra, ya chíndee taꞌan nde xiꞌin ndo. Ta inka nda ñani yo, ta na veꞌe ñuꞌu ku na tíꞌvi nda ñaa xaa nda, ta saa ni ndee ni káñuꞌu nda Tata yo Jesucristo.

2 Corintios 8:6

Ta xa xíni mií ndo ñani yo, ndo ñuu Corinto, ra Tito ñani yo ku ra xa̱á ndíkaya xuꞌun ya chindee taꞌan ndo xiꞌin na taꞌan yo, ya síniꞌi uun ndo nuu na. Ta vitin xa ndi̱xikan nde ya mani nuu ra ya ná ndïkaya ka ra ya ndaꞌa ndo, nda ná sixinu ra chiñu ya xa̱á ra xáa súvi ra.

Filipenses 2:20

Köo ka inka naꞌa, na ndee ni ndíꞌi ini xaꞌa ndo tá kuꞌva ndíꞌi ni ini ra Timoteo ñani yo xiꞌin yeꞌe, ndee ni ndíꞌi ini ra xaꞌa ndo.

Colosenses 3:17

Ta ndiꞌi ñaꞌa íkan ndo án ya káꞌan ndo, ta vaꞌa ikan ndo ndiꞌi ya xaꞌa ya chinuu vaꞌa ndo tuꞌun mií Tata yo Jesús, saa taxi ni ndo tixaꞌvi ndaꞌa Iva yo Ndioxi.

El Apocalipsis 17:17

Ta mií Ndioxi ku ra chi̱tuni ya koo yuꞌu uxi saa nda rey ikán xiꞌin taꞌan nda, ya taxi nda ichí ndaꞌa ri ìyo ni káa ikán ya kaꞌnda chiñu ri. Ta saa kaꞌnda chiñu ri nuu nda rey ya sixinu nda ya káꞌan tuꞌun Ndioxi.