2 Corintios 8:1 - Xochapa Mixteco

¹ Ñani yo, ndóo ñuu Corinto, kúni nde ndituꞌun nde xiꞌin ndo ya ná kundaa ini ndo xaꞌa ya vaꞌa ni ndi̱niꞌi uun na taꞌan yo nuu Iva yo Ndioxi. Xaꞌa na ñani yo na veꞌe ñuꞌu ndóo kuaꞌa ni ñuu ya ñúꞌu estado Macedonia kua káꞌan i xiꞌin ndo.

2 Corintios 8:1 ပူးပေါင်းရင်းမြစ်များ

San Mateo 25:22

Saa ndi̱xaa inka ra ndi̱kiꞌin uvi talento nuu xitoꞌo ra ta ndi̱kaꞌan ra xiꞌin ra, káchi ra saa: “Tata, uvi xuꞌun talento ta̱xi un ndaꞌa i, ta xa̱a chiñu i xiꞌin ya ta ndi̱niꞌi ka i uvi siki ya ka̱na xa̱a chiñu i xiꞌin ya”, káchi ra.

Los Hechos 11:23

Tá ndi̱xaa ra Bernabé ikán ta xi̱ni ra ya kuaꞌa ni ya vaꞌa íkan Ndioxi xiꞌin na, ñaa kúsini ni ra. Ta saa ndi̱xaꞌa ra ndee xiꞌin na ya ndinuꞌu ni ini na ná kundikun na ichí Tata yo, ta vitin taan ná kandixa ka ñaꞌa na, káchi ra xiꞌin na.

Los Hechos 16:9

Ta ñǔu tá ndi̱xaa nda, saa ndi̱xani ra Pablo, xi̱ni ra iin ra estado Macedonia ndíchi ra nuu ra xáku ndaꞌvi ra nuu ra káꞌan ra xiꞌin ra, káchi ra saa: “Ikan ndo ya mani, yaꞌa ndo ñuu nde chindee ndo ndeꞌe”, káchi ra xiꞌin ra, túvi ra ndi̱xani ra.

Los Hechos 24:17

’Ta xa kuaꞌa ni kuiya ke̱e i xíka i inka ñuu, ta nda vitin ndi̱ko koo tuku i ñuu i yakan ndi̱xaꞌan i táxi i loꞌo xuꞌun ndaꞌa na ndaꞌvi saa sóko loꞌo i ñaꞌa nuu Ndioxi va.

ROMANOS 15:26

Saa chi na taꞌan yo, na veꞌe ñuꞌu na ndóo chí ñuu Macedonia xiꞌin na ndóo chí ñuu Acaya, ndi̱kani ini na ndi̱kaya na loꞌo xuꞌun ya tiꞌvi na kuꞌun ndaꞌa na taꞌan yo, na ndaꞌvi, ndóo ñuu Jerusalén.

1 Corintios 15:10

Ta xaꞌa ya vaꞌa ni Ndioxi xiꞌin i kua kúu i apóstol tá kuꞌva íyo i vitin, saa ni xaꞌa ya vaꞌa ni ra xiꞌin i kua chíndee ra yeꞌe vaꞌa xáa súvi i chiñu nuu ra. Ta yeꞌe, ndee ni ka xáa chiñu i nuu tá kúu ndiꞌi nda taꞌan i, nda xáa chiñu nuu ra. Ta süvi xiꞌin ndee mií i kua xáa chiñu i, chi mií Ndioxi va ku ra chíndee taꞌan xiꞌin i xáa súvi i ya xaꞌa ya kúndaꞌvi ni ini ra xíni ra yeꞌe.

2 Corintios 11:9

Tá ndi̱xiyo i xiꞌin ndo ñuu Corinto, ni kumani va ñaꞌa ya xíniñuꞌu i nuu i, ta köo ndi̱sindiꞌi i ini nda iin ndo ya nduku i ñaꞌa nuu ndo. Tá ndi̱xaa nda ñani yo nda ndóo chí estado Macedonia nuu i, ta nda ikán ku nda chi̱ndee taꞌan xiꞌin i xaꞌa ñaꞌa ya xi̱niñuꞌu i. Ta kuꞌva saa ikan i nda vitin, sïndiꞌi i ini ndo ya chindee taꞌan ndo xiꞌin i xaꞌa ñaꞌa ya xíniñuꞌu i.

2 Corintios 9:12

Chi ya táxi ndo ndíso nde kuaꞌan ndaꞌa na, ta süvi ndisaa ya tíꞌvi ndo kuaꞌan ndaꞌa na kua ndíso nde, chi xaꞌa ya chíndee ni ndo na ta ndúkuaꞌa vaꞌa ka naꞌa, na táxi ni tixaꞌvi ndaꞌa Ndioxi.

2 Corintios 9:2

Chi xa xíni i ini ndo ya ndee ni vaꞌa kúni ndo chindee ndo na, kuꞌva saa kua vaꞌa ni ndi̱tuꞌun i xaꞌa ndo xiꞌin ndiꞌi na veꞌe ñuꞌu, na ndóo estado Macedonia. Ndi̱kaꞌan i xiꞌin na xaꞌa ndóꞌo̱ ndóo estado Acaya, ya ndee ni vaꞌa íyo ndúvi ndo chindee ndo na taꞌan yo, na ndaꞌvi. Ta nda kuiya ya ndi̱yaꞌa xa̱á ndo íkan ndo saa, ta xaꞌa ya vaꞌa ni íkan ndo, ta saa ndiꞌi na taꞌan yo, na ndóo Macedonia yóꞌó kúni tu na yóꞌó va chindee taꞌan na xiꞌin na taꞌan yo.

2 Corintios 9:4

Chi án sana kuꞌun sava nda ñani yo ñuu Macedonia yóꞌó xiꞌin i ta sana nditaꞌan nde ndóꞌo̱ ya köo íyo ndúvi ndo, ta ndee ni sikaꞌán ndo nuu i, ta saa kukaꞌan ni tu nuu mií va ndo, chi ndee ni vaꞌa ndi̱kaꞌan nde xaꞌa ndo xiꞌin na.

Efesios 3:8

Vani köo ndáa yaꞌvi ni va i nuu ndiꞌi na ñani yo, na kúu ñuu Ndioxi, ta ta̱xi ra ichí ndaꞌa i ya kaꞌan ndoso i tuꞌun vaꞌa xaꞌa ra xiꞌin naꞌa, na köo kúu judío. Ta tuꞌun vaꞌa ni ikán, ta tá káa ya kuika ni saa káa ya, chi köo ndíꞌi xaꞌa ya.

Colosenses 1:29

Xaꞌa ya yóꞌó kua chíkaa ni i ndee xiꞌin chiñu ya íkan i nuu Tata yo Jesucristo, chi mií ra ku ra táxi ni ndee ndaꞌa i xáa chiñu ni i nuu ra xiꞌin ndee ra ya ndee ni íyo xiꞌin i.

1 Tesalonicenses 4:10

Ya ndixa kua kúꞌvi ni ini ndo xíni ndo ndiꞌi na taꞌan yo, na ndóo ndiꞌi ñuu ya ñúꞌu estado Macedonia. Saa xíkan ni nde ya mani nuu ndo kuꞌvi ni ka ini ndo kuni taꞌan ndo iin iin ichí.