2 Corintios 7:13 - Xochapa Mixteco

¹³ Xaꞌa ya ñaa kua ndi̱kiꞌin ni nde ndee. Ta süvi ndisaa xaꞌa ya ñaa kua kúsini ni nde, chi ndeꞌe ta yáꞌa ni kúsini ni nde xaꞌa ya xa̱a si̱ni ni ndiꞌi ndo ini ra Tito ñani yo.

2 Corintios 7:13 ပူးပေါင်းရင်းမြစ်များ

ROMANOS 12:15

Kusini ni ndo xiꞌin naꞌa, na kúsini, ta kuaku ndo xiꞌin naꞌa, na xáku.

ROMANOS 15:32

Tá tu Ndioxi ná kachi, ta xaa i koto i ndóꞌo̱, kúsini ni i xaa i nuu ndo. Saa iin káchi ndikitaꞌan yo ndikundee ini yo, xaꞌa ni yo ndee xiꞌin taꞌan yo.

1 Corintios 12:26

Xaꞌa ya ikán kua, tá kúꞌvi iin ñaꞌñu ikin kuñu yo, ta iin kúꞌvi ndiꞌi ikin kuñu yo. Ta saa tu tá iin ñaꞌñu ikin kuñu yo kée vaꞌa ni, ta ndiꞌi ya vaꞌa ni kúni.

1 Corintios 16:13

Ñani yo xiꞌin kuꞌva yo, kuenta ni koo ndo, ta ndinuꞌu ni ini ndo kandixa ndo Tata yo Jesucristo. Kuu ïꞌvi ndo, ndaku koo nima ndo, ta tuun ni kundikun ndo Tata yo.

1 Corintios 16:18

Ta nda yóꞌó ta xáꞌa ni nda ndee xiꞌin i, saa íkan tu nda xiꞌin ndóꞌo̱ va. Yakan kañuꞌu ni ndo naꞌa, na íin tá íin nda yóꞌó.

2 Corintios 2:13

Sundi köo ndi̱kuvi xaa chiñu i, chi si̱ndiꞌi ni ya ini i xaꞌa ya köo ndi̱taꞌan i ra Tito ñani yo, yakan vaꞌa ka ndi̱kaꞌan ndioxi i xiꞌin na ñani yo ñuu Troas, ta ndi̱kiꞌin i kuaꞌan i chí estado Macedonia.

2 Corintios 2:3

Xaꞌa ya ñaa kua vaꞌa ka ta̱a i tutu xaa ya nuu ndo, ta köo ndi̱xaa mií i nuu ndo, ya ná xäa suchi i ini ndo. Chi tá ná ndi̱kitaꞌan tuku i xiꞌin ndo ta xäa suchi ndo ini i, xaa sií va ndo ini i.

2 Corintios 7:14

Yeꞌe, ta ndi̱kaꞌan vaꞌa ni i xaꞌa ndo xiꞌin ra, ta vaꞌa chi köo ndi̱sikaꞌán ndo nuu i xiꞌin ra, tá kuꞌva íyo ya ndaa ndi̱tuꞌun nde xiꞌin ndo, ta saa íyo tu ya ndi̱kaꞌan nde xiꞌin ra Tito va: ya ndee ni kúsini nde xiꞌin ndo.

2 Corintios 7:15

Ndee ni vaꞌa ndíkaꞌán ini ra xaꞌa ndo, ta kúꞌvi ni ka ini ra xíni ra ndóꞌo̱, chi vií ni ndi̱kiꞌin ndo ra, ta ndee ni vaꞌa xi̱ni soꞌo ndo ya ndi̱kaꞌan ra xiꞌin ndo.

2 Corintios 7:6

Ta vaꞌa chi mií Iva yo Ndioxi ku ra síndiko ini naꞌa, na ndee ni ndíkava ini, ta si̱ndiko ra ini nde xaꞌa ya xa̱a ra ñani yo ra Tito xíto ra ndeꞌe.

Filipenses 2:28

Xaꞌa ya ñaa kua kama ni tíꞌvi i ra xaa ra nuu ndo ya kuni ndo ra ta saa kusini ni ndo. Saa tu yeꞌe va kündiꞌi ni ka ini i xaꞌa ndo ya ndíꞌi ni ini ndo xaꞌa ra.

2 Timoteo 1:16

Saa káꞌan ni i xiꞌin Iva yo Ndioxi ya ná kundaꞌvi ni ini ra kuni ra na veꞌe ra ñani yo, ra Onesíforo. Chi ndee ni kuaꞌa ichí ndi̱xaꞌa ra ndee xiꞌin i, ta köo ndi̱kukaꞌán nuu ra kuni ra yeꞌe xaꞌa ya ndíkaa i veꞌe kàà yóꞌó.

FILEMÓN 1:20

Saa ñani yo, ikan ni un ya mani xiꞌin i xaꞌa ya ndúku i nuu un, chi tá íkan un saa xiꞌin i ta vaꞌa ni kuni i xiꞌin un, ta xaꞌa ni un ndee xiꞌin i xaꞌa ya ndíkun yo Tata yo Jesucristo.

FILEMÓN 1:7

Ta yeꞌe, kúsini ka vi i xiꞌin un ñani yo, Filemón. Vaꞌa ka vi kúni i xiꞌin un chi xaꞌa ya kúꞌvi ni ini un xíni un na veꞌe ñuꞌu, na i̱í kua chíkaa ni un ndee xiꞌin na, vaꞌa ni kúni na.

1 Pedro 3:8

Vitin káꞌan i xiꞌin ndo, vívií koo ndo xiꞌin taꞌan ndo, iin yuꞌu koo ndo. Vívií kutaꞌan ndo. Kuꞌvi ini ndo kuni taꞌan ndo, kundaꞌvi ini ndo kuni taꞌan ndo, xaa ni̱nu̱ ndo mií ndo.