2 Corintios 6:9 - Xochapa Mixteco

⁹ Ta sava na vani xíni vaꞌa na ndeꞌe, ta ndása xïni na ndeꞌe, sundi mií Ndioxi ta xíni vaꞌa va ra ini nde. Sava na ndíkani ini xaꞌa nde tá íin nde xa xíꞌi saa íin nde, káchi na, ta süvi ya ndaa kua, chi ndeꞌe táku va ku nde, sava tu ichí xa̱a ndu̱vaꞌa ni na xiꞌin nde, sundi köo ndi̱xaꞌni na ndeꞌe.

2 Corintios 6:9 ပူးပေါင်းရင်းမြစ်များ

Los Hechos 17:18

Ta sava nda xíka ikán ku nda ndíchi ni chi si̱kuaꞌa nda xiꞌin na náni epicúreos, ta sava nda si̱kuaꞌa xiꞌin na náni estoicos xa̱á nda káꞌan nda xaꞌa ra, káchi nda saa: ―¿Unkua káꞌan ví ra? ra síndaꞌvi naꞌa va ku ra ―káchi nda. Ta inka na káꞌan: ―Ra xíka káꞌan ndoso xaꞌa inka ndioxi va ku ra ―káchi nda. Saa káchi nda chi xi̱ni soꞌo nda káꞌan ra tuꞌun vaꞌa xaꞌa Jesús ta káꞌan ra xiꞌin na ya ndi̱taku ra.

Los Hechos 19:26

Ta xi̱ni soꞌo mií ndo saa xíto ndo unkua íkan ra káꞌan na xiꞌin Pablo. Xíka ra síndaꞌvi ra naꞌa, káꞌan ra xiꞌin na süvi ndioxi ku naꞌna ya síkuaꞌa ndaꞌa yo, káchi ra. Ta xa kuaꞌa ni na sáka ra xiní xaꞌa ya káꞌan ra. Süvi iindaa ñuu Éfeso yóꞌó ndi̱kan ra saa ndiꞌi ni kúu ñuu estado Asia yóꞌó xíka ra íkan ra saa.

Los Hechos 25:19

Kuachi xaꞌa ñaꞌa íkan mií na judío va kua, káni taꞌan na xaꞌa ya síin káa ya kándixa na, ta síin kua sínaꞌa ra Pablo. Chi káꞌan ra xaꞌa iin ra náni Jesús ndi̱xiꞌi ra ta ndi̱taku ra, káchi ra Pablo.

Los Hechos 25:26

Ta köo kúndaa ini i ndá kuachi kua taa i xaꞌa ra nuu tutu ya tiꞌvi i ra kuꞌun ra ndaꞌa ra rey ikán. Xaꞌa ya ñaa kua ka̱na i ndóꞌo̱ ndi̱kitaꞌan ndiꞌi ndo ndóo ndo yóꞌó vitin ya kuni soꞌo ndo káꞌan ra, ta yóꞌo̱ Tata rey Agripa, vaꞌa sinaꞌma un ra saa kundaa ini i unkua taa i xaꞌa ra.

ROMANOS 15:19

Ndixaꞌvi ni mií Ndioxi xaꞌa Tachi I̱í ra, saa chi chíndee ya yeꞌe íkan i yatuꞌun nuu na xiꞌin ya vaꞌa ni, ta soꞌva kua síxinu i tuꞌun vaꞌa xaꞌa Jesucristo. Nda ñuu Jerusalén kua xa̱á i káꞌan ndoso i tuꞌun vaꞌa xaꞌa ra, iin saa ndi̱xaa i nda ñuu Ilírico, ndi̱xika ndiꞌi i ndi̱kaꞌan i xiꞌin na xaꞌa tuꞌun vaꞌa ya síkaku mií na.

ROMANOS 8:36

Nda tuꞌun Ndioxi ya ta̱a na xinaꞌa, káchi ya saa: Xaꞌa ya kándixa nde yóꞌo̱, Iva yo Ndioxi, ta kúni na kaꞌni na ndeꞌe ndiꞌi saa kivi. Íkan na saa xiꞌin nde tá kuꞌva íkan na xiꞌin iin kiti levo loꞌo, tá ku̱aꞌan ri nuu kuvi ri, káchi tuꞌun Ndioxi.

1 Corintios 11:32

Sundi tá xáa nduvaꞌa Tata yo xiꞌin yo, ta sínaꞌa ra yoo kuꞌun yo ichí ndaku ya ná sïndoꞌo ra yoo, tá kuꞌva kundoꞌo na ñuu ivi yóꞌó.

1 Corintios 15:31

Ta ya ndixa kua káꞌan i xiꞌin ndo ñani yo, kuꞌva yo, iin iin kivi táku i xíka i, ta ìyo ka vi kuvi i xíka i. Ta ya ndaa ni va ku ya káꞌan i xiꞌin ndo, saa kútai ni ini i xíni i ndóꞌo̱ xaꞌa ya kándixa ndo Tata yo Jesucristo.

1 Corintios 4:9

Chi ndeꞌe xíka chiñu nuu Tata yo Jesús, ta tá íin naꞌa, na ndíkun nda sindiꞌi vaꞌa va, saa íin nde túvi yeꞌe. Chi tá íin naꞌa, na xa ndíta nuu xa kaꞌni ñaꞌa va na, saa íin nde. Xíto ni na ñuu ivi yóꞌó nuu nde xiꞌin na tatun Ndioxi, ndíkanda ni ini ndiꞌi na xíto na nuu nde, ya ndóꞌo nde saa.

2 Corintios 11:6

Án sana köo xíni i ndá kuꞌva ndituꞌun vaꞌa ni i nuu naꞌa, sundi ya xíni i ya ndaa xaꞌa Ndioxi, ta xíni vaꞌa va i, saa íyo ya xa si̱naꞌa i nuu ndo, téꞌe ni va íyo ya si̱naꞌa i ndóꞌo̱.

2 Corintios 4:2

Ta xa si̱ndoo ndaꞌa va nde ndiꞌi ñaꞌa ya kaꞌa̱n ni nuu i̱kan sěꞌe nde tá yachi, ta ni köo naꞌa síndaꞌvi nde xiꞌin ya vata, ni tuꞌun Ndioxi ta köo ndínama nde ya xiꞌin ya vata. Nina xiꞌin ya ndaa kua sínaꞌa nde naꞌa, ta köo ñaꞌa ndi̱tiseꞌe nde nuu na. Mií Ndioxi ku ra ndíkuiin xaꞌa nde ya káꞌan nde nina ya ndaa. Ta xaꞌa ya yóꞌó kua vaꞌa kándixa naꞌa tuꞌun ya káꞌan nde, chi xíni na ya ndaa kua káꞌan nde.

2 Corintios 5:11

Ta xíni nde ya xíniñuꞌu ndiꞌi naꞌa xaa toꞌo na Ndioxi, xaꞌa ya ñaa kua xáꞌa ni nde ndee ya síxinu nde ini na ya ná xi̱nu ini na kundikun na ya ndaa. Chi mií Ndioxi ku ra xíni vaꞌa ndeꞌe, ta saa kúni nde ná kuni vaꞌa ndo ini nde, ndá kúꞌva ku mií ya ndaa íyo nde.