2 Corintios 6:8 - Xochapa Mixteco

⁸ Sava ichí xáa toꞌo na ndeꞌe, ta inka ichí kúndasi nuu na xíni na ndeꞌe, ta sava tu ichí káꞌan vaꞌa ni na xaꞌa nde ta sava tu ichí kánaꞌa ni va na xiꞌin nde, sava na káꞌan ndeꞌe vata ku nde, káchi na xaꞌa nde, ta süvi ya ndaa kua káꞌan na xaꞌa nde, chi ndeꞌe, ta nina ya ndaa ndítuꞌun nde.

2 Corintios 6:8 ပူးပေါင်းရင်းမြစ်များ

San Mateo 10:25

Ta ra síkuaꞌa ta kuchiñu ra nduu ra tá kuꞌva káa maestro ra, ta ra moso kuchiñu ra nduu ra tá kuꞌva káa patrón ra. Ta saa ndóꞌo̱, tá kuꞌva ndóꞌo i saa ndoꞌo ndo, tá káꞌan na xiꞌin i saa kaꞌan na xiꞌin ndo, chi yeꞌe ta ndi̱kaꞌan na xaꞌa i ya náni i Beelzebú, ta ndisaa ka vi ndóꞌo̱ ndíkun sata i, kuaꞌa ni ya kaꞌan na xaꞌa ndo, xaꞌa ya ndíkun ndo yeꞌe ―káchi Jesús xiꞌin nda ítaꞌan xiꞌin ra.

San Mateo 22:16

Ñaa ti̱ꞌvi nda ikán nda taꞌan nda, nda ítaꞌan xiꞌin nda ñúꞌu xiꞌin partido ra Herodes, saa ndi̱xaa nda nuu Jesús ndi̱kaꞌan nda xiꞌin ra, káchi nda saa: ―Tata Maestro, xíni nde ya káꞌan un ya ndaa. Ta ndinuꞌu ni ini un sínaꞌa un naꞌa xiꞌin ya ndaa xaꞌa ichí Ndioxi. Ta köo xáꞌni un mií un ya káꞌan naꞌa xaꞌa ya sínaꞌa un na, saa chi köo kíꞌin un kuꞌva xiꞌin na tá kuꞌva íin na, iin káchi íkan un xiꞌin ndiꞌi va na.

San Mateo 27:63

Ndi̱kaꞌan nda xiꞌin ra, káchi nda saa: ―Tata, ndi̱kaꞌán ini nde ya ndi̱kaꞌan ra Jesús ra síndaꞌvi naꞌa, tá xi̱taku ra ta ndi̱kaꞌan ra ya nditaku ra sindiꞌi tixin kivi uni.

San Marcos 12:14

Saa ndi̱xaa nda ndi̱kaꞌan nda xiꞌin ra, káchi nda saa: ―Tata Maestro, xíni nde yóꞌo̱ ta nina ya ndaa káꞌan un, ta köo kíꞌin un kuenta xaꞌa ya káꞌan naꞌa xaꞌa ya sínaꞌa un, ta ni köo ndíkaxin un naꞌa, iin káchi káꞌan un xiꞌin ndiꞌi na. Ta ya ndixa ni kua káꞌan un, chi káꞌan un xiꞌin na ná ikan na ndisaa ya kúni Ndioxi. Ta kaꞌan un xiꞌin nde, ¿án xíniñuꞌu nde kakuꞌun nde xaꞌa xuꞌun ya kuaꞌan ndaꞌa ra rey César ra chiñu ñuu Roma án täxi nde ya? ¿Án vaꞌa chaꞌvi nde ya án chäꞌvi nde ya? ―káchi nda xiꞌin ra.

San Juan 7:12

Ta káꞌan ni na xiꞌin taꞌan na xaꞌa Jesús, káchi na saa: “Ra vaꞌa va ku ra”, káchi na. Ta sava na káꞌan: “Süvi ra vaꞌa ku ra, ra síndaꞌvi na ñuu ku ra”, káchi na.

Los Hechos 10:22

Saa ndi̱kuiin nda káꞌan nda: ―Ra Cornelio, ra xáꞌnda chiñu nuu iin ciento nda lapa ñuu Roma ku ra ti̱ꞌvi ndeꞌe vaxi nde nuu un. Vaꞌa ni taa ku mií ra ikán, káñuꞌu ni ra Ndioxi ta ndiꞌi na judío vaꞌa ni káꞌan na xaꞌa ra. Ta ndi̱tuvi iin tatun ya i̱í nuu ra ndi̱kaꞌan ya xiꞌin ra ya ná tiꞌvi ra ndeꞌe kixi nde nuu un kaꞌan nde xiꞌin un kuꞌun un veꞌe ra ndituꞌun un xiꞌin ra ta kuni soꞌo ra tuꞌun ya kaꞌan un xiꞌin ra ―káchi nda ikán xiꞌin ra Pedro.

Los Hechos 16:39

Saa ndi̱xaꞌan na chiñu ikán ndi̱xikan na ya mani nuu ra Pablo xiꞌin ra Silas. Ñaa ndi̱xikan na ya mani nuu nda ya ná kee nda ñuu ikán.

Los Hechos 22:12

’Ta íyo iin ra náni Ananías mi ñuu ikán, ta xáa súvi ni ra ikán ya káꞌan ley Ndioxi ta̱a ra Moisés. Saa vaꞌa ni káꞌan ndiꞌi mií na judío taꞌan yo ndóo ñuu ikán xaꞌa ra.

Los Hechos 24:5

Ra Pablo yóꞌó ta süvi ra vaꞌa ku ra, ndi̱taꞌan nde ra xíka ra táꞌvi ra na ñuu nde, ndiꞌi ni kúu ñuu xíka ra táꞌvi ra na. Mií ra ku xiní xiꞌin na vata, na káꞌan na xaꞌa nani nazareno.

Los Hechos 28:22

Ta ndeꞌe kúni nde kundaa ka ini nde ndá kuꞌva íyo ichí ya káꞌan un xaꞌa ñaa. Chi ndiꞌi ni kúu ñaꞌñu xíni soꞌo nde kánaꞌa na xaꞌa ichí ñaa ya kua ichí siki ―káchi nda naꞌnu nuu na judío xiꞌin ra Pablo.

Los Hechos 4:21

Vani si̱ꞌvi ni ñaꞌa na chiñu, sundi köo ya ndi̱kan na xiꞌin nda, sa̱ña ndika na nda kuaꞌan nda. Köo ndi̱kuchiñu na taxi na kuachi xaꞌa nda, saa chi ndiꞌi na ñuu ta káꞌan ni na ya vaꞌa xaꞌa Ndioxi xaꞌa ya xi̱ni na íkan nda.

Los Hechos 5:13

Ta inka naꞌa ta vaꞌa ni káꞌan na xaꞌa na ndíkun Jesús. Sundi köo xáꞌa ndee ini na kutaꞌan na xiꞌin na xaꞌa ya íꞌvi na.

Los Hechos 6:3

Yakan kua vaꞌa ka ndikaxin mií ndo uxa ta̱a, nda ndaa ini, nda íyo Tachi I̱í Ndioxi xiꞌin. Ta nda ñaa taxi ndo chiñu ndaꞌa ná kundiso chiñu nda nditaꞌvi nda ñaꞌa kuxi na taꞌan yo.

ROMANOS 3:8

Saa tu tá ndá naꞌa káꞌan: Vaꞌa, ná ikan ka yo ya väꞌa, saa niꞌi ni yo ya vaꞌa, káchi na. Káꞌan ni naꞌa xaꞌa nde ya si̱naꞌa nde na kaꞌan vata na, ta süvi ya ndaa kua káꞌan na xaꞌa nde, ya siki ku ya. Chi nda iin ichí köo ndi̱sinaꞌa nde na saa. Ta naꞌa na káꞌan saa, ta sindoꞌo ni Ndioxi na.

2 Corintios 1:18

Mií Ndioxi ku ra xíni xaꞌa ya káꞌan nde xiꞌin ndo ya ndaa ni kua káꞌan nde xiꞌin ndo, chi ndeꞌe tá káꞌan nde xiꞌin ndo ta köo iin káchi káꞌan nde: “Vaꞌa va”, án “Küvi vi”, káchi nde xiꞌin ndo.

2 Corintios 11:21

Kúkaꞌán ni nuu i káꞌan i saa xiꞌin ndo, chi ndeꞌe, ta nda loꞌo köo ndíxaa nduvaꞌa nde xiꞌin ndo, tá kuꞌva íkan nda ñaa xiꞌin ndo. Xaꞌa ya ñaa kua vita ni va ndi̱xiyo ini nde xiꞌin ndo, túvi ndo. Tá ndá naꞌa kútoo kaꞌan vaꞌa xaꞌa mií, ta saa tu yeꞌe va, káꞌan vaꞌa i xaꞌa i, vani tá káa iin ra yáꞌa loꞌo ini va saa káa i, ya káꞌan i kuꞌva saa xiꞌin ndo.

2 Corintios 12:16

Ndóꞌo̱, ta xa kúndaa vaꞌa va ini ndo ya köo ndi̱nduku i xuꞌun nuu ndo, ta saa ni káꞌan sava ndo xaꞌa i ya maña ni i, ta síndaꞌvi i sava ndo, káchi ndo xaꞌa i.

2 Corintios 4:2

Ta xa si̱ndoo ndaꞌa va nde ndiꞌi ñaꞌa ya kaꞌa̱n ni nuu i̱kan sěꞌe nde tá yachi, ta ni köo naꞌa síndaꞌvi nde xiꞌin ya vata, ni tuꞌun Ndioxi ta köo ndínama nde ya xiꞌin ya vata. Nina xiꞌin ya ndaa kua sínaꞌa nde naꞌa, ta köo ñaꞌa ndi̱tiseꞌe nde nuu na. Mií Ndioxi ku ra ndíkuiin xaꞌa nde ya káꞌan nde nina ya ndaa. Ta xaꞌa ya yóꞌó kua vaꞌa kándixa naꞌa tuꞌun ya káꞌan nde, chi xíni na ya ndaa kua káꞌan nde.

1 Tesalonicenses 2:3

Saa chi süvi ya sána ini nde ku ya ndi̱kaꞌan ndoso nde xiꞌin ndo, ta ni köo ndi̱xika kiꞌvi ini nde xiꞌin ndo, ni köo ndi̱sindaꞌvi nde nda iin ndo.

1 Timoteo 3:7

Ta vaꞌa ná ikan nda nina ya vaꞌa, ta nda naꞌa, na köo xíni tuꞌun Ndioxi ta kaꞌan vaꞌa na xaꞌa nda. Tá tu íkan nda saa ta ndíkasi nda yuꞌu naꞌa ya köo ya niꞌí na kaꞌan na xaꞌa nda, ta ni kiti nǎꞌa küchiñu ri sikoyo ri nda nuu kuachi.

1 Timoteo 4:10

Xaꞌa ya yóꞌó kua ndíkundee ni yo xáa chiñu yo, saa tíxuꞌvi ni yo ta kánaꞌa ni na xaꞌa yo. Chi saa íkan yo kándixa ni yo Ndioxi ra táku, chi mií ra ku ra síkaku ndiꞌi na ñuu ivi yóꞌó, sundi ndisaa na kándixa ni ñaꞌa ku na káku íkan ra.

HEBREOS 13:13

Saa tu yoo va, ná kundikun yo Jesucristo, ta ná kana koo yo kuꞌun yo xiꞌin ra nuu ñuu, ná kükaꞌán nuu yo ndoꞌo yo xaꞌa ra, tá kuꞌva ndo̱ꞌo ni mií ra.

1 Pedro 4:14

Tá ndá naꞌa kánaꞌa xaꞌa ndo ya ndíkun ndo Tata yo Jesucristo, ta vaꞌa ni kée ndo chi íyo Tachi I̱í Ndioxi ya ndee ni xiꞌin ndo, chi naꞌa, na köo xíni Ndioxi ta na kánaꞌa va ku na xaꞌa ra, ta ndóꞌo̱ ta xáa kaꞌnu ni va ndo ra.

3 Juan 1:12

Ta ra Demetrio ta vaꞌa ni va ínuu tuꞌun ra nuu naꞌa, ínuu vaꞌa ni tuꞌun ra saa chi tá kuꞌva káꞌan tuꞌun Ndioxi, saa íyo ra. Ta saa tu ndeꞌe va, xíni nde ya ndixa kua káꞌan na xaꞌa ra, ta ni mií un xíni un ya ndaa kua káꞌan nde xaꞌa ra.

El Apocalipsis 3:9

Kúni i kundaa ini ndo unkua ikan i xiꞌin naꞌa, na vata na xáa súvi ya sínaꞌa kiti nǎꞌa, ti Satanás. Na vata ku na chi káꞌan na kúu na judío na ndíkun ichí Ndioxi, ta süvi ya ndaa kua káꞌan na. Ta vaxi kivi kuꞌun na sikusiti na nuu ndo, ta saa kundaa ini na ya kúꞌvi ni ini i xíni i ndóꞌo̱.