2 Corintios 6:5 - Xochapa Mixteco

⁵ Ta sava ichí káni ni naꞌa ndeꞌe, táan na ndeꞌe veꞌe kàà xaꞌa tuꞌun ra. Sava naꞌa síkitaꞌan na naꞌa ya kani taꞌan na xiꞌin nde. Ndee ni ndee xáa chiñu nde, sava ichí ta ni köo kíxi nde, ni köo xíxi nde.

2 Corintios 6:5 ပူးပေါင်းရင်းမြစ်များ

San Mateo 14:10

Saa ka̱na koo nda xáa chiñu nuu ra, ndi̱xaꞌan nda ini veꞌe kàà nuu ndíkaa ra Juan, xa̱ꞌnda nda sukun ra.

San Mateo 14:3

Chi suvi mií ra Herodes ikán ku ra xa̱ꞌnda chiñu ya ti̱in na ra Juan, ka̱tun na ra xiꞌin cadena, saa ki̱ꞌin na ra chi̱kaa na veꞌe kàà. Xaꞌa ya ndi̱kaꞌan ra xiꞌin ra Herodes, ya väꞌa íkan ra xiꞌin yá Herodías, yá xanu ra, yá síꞌi ra ñani ra, ra Felipe.

San Mateo 9:15

Saa ndi̱kuiin Jesús, káchi ra saa: ―Tá íyo iin viko tíndaꞌa, ta kúsini ni mií na migo mií ra tíndaꞌa ikán, köo naꞌa kúsuchi ini, chi viko kua. Sundi vaxi kivi tá ná ndikiꞌin na ra tíndaꞌa ikán kuꞌun ra xiꞌin na, saa kua kuxi suꞌun na.

Los Hechos 13:3

Tá ndi̱ꞌi ndi̱kaꞌan nda xiꞌin Ndioxi xaꞌa nda tin xi̱xi suꞌun nda, ta saa chi̱nuu ndaꞌa nda sata ra Bernabé xiꞌin ra Saulo. Saa ndi̱kaꞌan ndioxi nda xiꞌin nda.

Los Hechos 14:19

Ta saa ndi̱xaa sava nda judío ndóo ñuu Antioquía xiꞌin nda ndóo ñuu Iconio, síxinu nda ini na ñuu Listra ikán ya ná kaꞌni na ra Pablo. Saa ndi̱xinu ini na, ñaa xa̱á káni na ra xiꞌin yu̱ú. Xa ndi̱xiꞌi va ra, káꞌán na, saa ndi̱kuñuu ndai na ra ndi̱xaꞌan na si̱kana na ra nda nuu ñuu.

Los Hechos 14:23

Ta iin iin ñuu nuu ndi̱yaꞌa ra Pablo xiꞌin ra Bernabé ta xi̱xi suꞌun nda saa ndi̱kaꞌan ni nda xiꞌin Ndioxi xaꞌa na xikuaꞌa ndi̱kaxin nda ya kundaa chiñu na xiꞌin na ndíkun Jesús. Ñaa ndi̱kaꞌan nda xaꞌa na xikuaꞌa ikán xiꞌin Iva yo, ra chee, ra káñuꞌu na.

Los Hechos 17:5

Xaꞌa ya ikán kua ndi̱saa sava nda naꞌnu nuu na judío, na köo xíin kandixa Jesús. Saa xa̱á kûni ini na xíni na ra Pablo xiꞌin ra Silas. Ñaa ndi̱kaya na nda taa, iku ini, nda xúxan köo chiñu ikan, ta xa̱á nda síkaku nda kuachi xiꞌin na ñuu ikán. Iin ndi̱katin nda sata veꞌe ra Jasón ndúku nda ra Pablo xiꞌin ra Silas ya nditaxi ñaꞌa nda ndaꞌa na ñuu.

Los Hechos 20:31

Yakan kua kuenta ni koo ndo, täxi ndo sindaꞌvi na ndóꞌo̱. Ndikaꞌán ini ndo, uni kuiya ndi̱xiyo i xiꞌin ndo ndi̱kani i nuu ndo, ndi̱kaꞌan i xiꞌin ndo nduvi niuun ya xíniñuꞌu ndo kuenta ni koo ndo. Nda xáku i ndi̱kaꞌan i xiꞌin ndo.

Los Hechos 23:10

Saa xa̱á xáa ndee nda xaꞌa ya, nda yati kani taꞌan nda. Ñaa xa̱á íꞌvi va mií ra ndíso chiñu xiꞌin nda lapa ikán, chi ìyo sikuachi vali nda ikin kuñu ra Pablo káꞌán ra. Xaꞌa ya ikán kua xa̱ꞌnda ra chiñu ya tava nda lapa ra kuꞌun ra xiꞌin nda ini cuartel.

Los Hechos 23:35

saa ndi̱kaꞌan ra xiꞌin ra, káchi ra saa: ―Ná kixi na táxi kuachi xaꞌa un, saa kuni soꞌo i ya kaꞌan un ―káchi ra xiꞌin ra. Saa xa̱ꞌnda ra chiñu nuu nda lapa ya kundaa nda ra nuu koo ra ini veꞌe kaꞌnu ya si̱kuaꞌa ra rey Herodes yachi mi ñuu ikán.

Los Hechos 24:27

Uvi kuiya i̱kan ra saa xiꞌin ra ñaa ndi̱xinu kuiya ku̱u mií ra chiñu ta ke̱ta ra. Saa ndi̱kiꞌin inka ra náni Porcio Festo chiñu nuu ra. Xaꞌa ya kúni ra Félix kindoo vaꞌa ra nuu na judío yakan köo ndi̱tava ra ra Pablo veꞌe kàà.

Los Hechos 26:10

Saa i̱kan i xiꞌin na ndíkun Jesús ndóo ñuu Jerusalén, si̱tixuꞌvi ni i na. Ndu̱ku i tutu nuu nda sutu naꞌnu veꞌe ñuꞌu kaꞌnu ya taxi nda ichí ndaꞌa i tiin i na taan i veꞌe kàà. Ta saa i̱kan i xiꞌin na, kuaꞌa ni na i̱í ta̱an i veꞌe kàà. Saa tu tá xa̱ꞌni na sava nda ikán, ndi̱xiyo yuꞌu i xiꞌin nda xa̱ꞌni ñaꞌa.

Los Hechos 26:29

―¡Án siloꞌo án kuaꞌa sixinu i ini un, Ndioxi ná kachi ta ndikundikun un ichí ra saa tu ndiꞌi na ndóo xíni soꞌo ya káꞌan i, ta ná nduu na tá kuꞌva íyo yeꞌe, sundi süvi tá kuꞌva núꞌni i xiꞌin cadena yóꞌó! ―káchi ra Pablo xiꞌin na.

Los Hechos 28:30

Saa ndi̱xiyo ra Pablo uvi kuiya ñuu Roma, cha̱ꞌvi ra iin veꞌe nuu ndi̱xiyo ra. Ta ndiꞌi na xáꞌan veꞌe ra ndíkiꞌin vaꞌa ndiꞌi ra na.

Los Hechos 5:18

Ñaa ti̱in ñaꞌa nda ki̱ꞌin nda ta̱an nda veꞌe kàà.

1 Corintios 15:10

Ta xaꞌa ya vaꞌa ni Ndioxi xiꞌin i kua kúu i apóstol tá kuꞌva íyo i vitin, saa ni xaꞌa ya vaꞌa ni ra xiꞌin i kua chíndee ra yeꞌe vaꞌa xáa súvi i chiñu nuu ra. Ta yeꞌe, ndee ni ka xáa chiñu i nuu tá kúu ndiꞌi nda taꞌan i, nda xáa chiñu nuu ra. Ta süvi xiꞌin ndee mií i kua xáa chiñu i, chi mií Ndioxi va ku ra chíndee taꞌan xiꞌin i xáa súvi i ya xaꞌa ya kúndaꞌvi ni ini ra xíni ra yeꞌe.

1 Corintios 4:11

Ta nda kivi vitin ta ndee ni káꞌun ini nde kúni kuxi nde ta íchi tu nde tikuii va, ni köo tu toto kundixi va nde, saa xáa nduvaꞌa naꞌa xiꞌin nde, ta ni köo tu veꞌe va nde.

1 Corintios 7:5

Xaꞌa ya ñaa kua küxiꞌnda ndo mií ndo nuu taꞌan ndo, sundi tá tu xa ndi̱kani ini ndo ya tïndaa taꞌan ndo uvi ndaa kivi, xaꞌa ya kúni ndo kaꞌan ndo xiꞌin Ndioxi, ta vaꞌa chitaꞌan tuꞌun ndo xaꞌa ya. Tá xa ndi̱xinu ichí ndi̱kaꞌan ndo xiꞌin Ndioxi ta saa vaꞌa tindaa taꞌan tuku ndo. Saa chi tá tu ná tïndaa taꞌan tuku ndo, ta ìyo ni sindaꞌvi kiti nǎꞌa ndóꞌo̱, ta koyo ndo nuu kuachi.

2 Corintios 11:27

Ndee ni ndee xa̱a chiñu i nda ku̱naa ni i, kuaꞌa ni ñǔu ndi̱xiꞌi i maꞌna, ndo̱ꞌo ni ini i, ta sava ichí kúni kuxi ni i saa ndi̱ndichi ni i tikuii, ta sava ichí ndee ni vixin xíꞌi i, ta ni köo toto kundixi i.

Efesios 3:1

Ta xaꞌa ya vaꞌa ndiꞌi ndóꞌo̱ köo kúu judío kua ndíkaa yeꞌe, Pablo veꞌe kàà yóꞌó ya ndíkun i ichí Jesucristo.

Filipenses 1:13

Chi ndiꞌi nda lapa, nda ndáa veꞌe kàà yóꞌó xiꞌin ndiꞌi ka naꞌa, kúndaa ini na xaꞌa i ya núꞌni i xiꞌin cadena yóꞌó xaꞌa ya xáa chiñu i nuu Jesucristo.

1 Tesalonicenses 2:9

Xa ñúꞌu vaꞌa ini mií ndo ndá kuꞌva xa̱a chiñu ni nde tá ndi̱xiyo nde xiꞌin ndo, nduvi niuu xa̱a chiñu ni nde ya ka̱na xuꞌun kuniñuꞌu nde sata nde ñaꞌa kuxi nde. Ta köo ndi̱sindiꞌi nde ini nda iin ndo ya chindee ndo ndeꞌe xaꞌa ya káꞌan ndoso nde tuꞌun vaꞌa xaꞌa Iva yo Ndioxi xiꞌin ndo.

1 Timoteo 4:10

Xaꞌa ya yóꞌó kua ndíkundee ni yo xáa chiñu yo, saa tíxuꞌvi ni yo ta kánaꞌa ni na xaꞌa yo. Chi saa íkan yo kándixa ni yo Ndioxi ra táku, chi mií ra ku ra síkaku ndiꞌi na ñuu ivi yóꞌó, sundi ndisaa na kándixa ni ñaꞌa ku na káku íkan ra.

2 Timoteo 1:8

Xaꞌa ya ñaa kua kükaꞌán nuu un ndikuiin un kaꞌan un xaꞌa Tata yo Jesucristo. Ni xaꞌa yeꞌe kükaꞌán nuu un xaꞌa ya ndíkaa i veꞌe kàà yóꞌó xaꞌa ra. Ya ndee ni ka xíniñuꞌu un ikan un kua xaꞌa ndee ni ini un ndoꞌo un xiꞌin i xaꞌa tuꞌun vaꞌa xaꞌa ra. Ta mií ra taxi ndee ndaꞌa yo ya kuchiñu yo nuu ndiꞌi tindoꞌo vaxi nuu yo.

2 Timoteo 2:9

Ta suvi xaꞌa tuꞌun vaꞌa ikán kua ndee ni ndóꞌo̱ i ndíkaa i veꞌe kàà yóꞌó, nda tá íyo iin ra ndee ni kaꞌnu kuachi kúu mií, saa íyo i, núꞌni i xiꞌin kàà ndíkaa i. Ta vaꞌa chi tuꞌun Ndioxi ta köo núꞌni vi ya.

2 Timoteo 4:5

Sundi yóꞌo̱, ta kaxin teꞌe ni koo ini un, saa xaꞌa ndee ndiꞌi ini un xiꞌin ya tíxuꞌvi ni un xaꞌa Tata yo Jesucristo, ta ku ïꞌvi un kaꞌan ndoso un tuꞌun vaꞌa xaꞌa ra, saa vívií xaa súvi un chiñu ya ta̱xi Iva yo Ndioxi ndaꞌa un.

HEBREOS 11:36

Ta xaꞌa ya xi̱ndaa ni ini na ikán xi̱ni na Ndioxi kua ndo̱ꞌo ni na ndaꞌa naꞌa, xa̱a siki ni ñaꞌa na, xa̱a chiꞌña ni na xiꞌin na saa ka̱ni ni ñaꞌa na. Ta inka na xi̱nuꞌni xiꞌin cadena xi̱ñuꞌu na veꞌe kàà.

HEBREOS 13:17

Xaa súvi ndo chiñu káꞌan na xáꞌnda chiñu nuu ndo veꞌe ñuꞌu xiꞌin ndo, saa chi na ikán, ta ndíꞌi ni ini na xaꞌa ndo, köo ndíkundee na, chi xíni na vaxi kivi ta taxi na kuenta ndaꞌa Ndioxi xaꞌa ndo. Yakan kuni soꞌo ni ndo ya káꞌan na xiꞌin ndo, ta saa kusini ni na xaa súvi na chiñu ya íkan na, chi tá ná xaa soꞌo ndo nuu na, ta ni köo ñaꞌa niꞌi vi ndo.

HEBREOS 13:23

Ta saa káꞌan i xiꞌin ndo ya ná kundaa ini ndo xaꞌa ra ñani yo ra Timoteo, xa ke̱ta ra veꞌe kàà. Tá tu kama ná xaa ra, ta kundaka i ra xaa ra xiꞌin i koto i ndóꞌo̱.

El Apocalipsis 2:10

Ta ndóꞌo̱ ku ïꞌvi ndo nuu tindoꞌo ya uꞌvi ni vaxi nuu ndo. Saa chi íyo naꞌa, na kúni xaa súvi ya kúni kiti nǎꞌa án kiti Timiaꞌa, kiti Satanás. Tiin na sava ndóꞌo̱ taan na veꞌe kàà, nuu koto ndoso na ndóꞌo̱ án ya ndixa kua kándixa ndo yeꞌe. Ta ndoꞌo ni ndo uxi kivi. Ta káꞌan ni i xiꞌin ndo ya ná síndikoo ndo ichí i, ndinuꞌu ni ini ndo kandixa ndo yeꞌe, nda kivi tá ná kuvi ndo. Saa ndikiꞌin ndo ya vaꞌa taxi i ndaꞌa ndo nuu kutaku ndo xiꞌin i ndiꞌi saa kivi ya vaxi.