2 Corintios 6:18 - Xochapa Mixteco

¹⁸ Ta yeꞌe, nduu i Iva ndo, ta ndóꞌo̱, nduu ndo seꞌe taa i tin seꞌe síꞌi i, káchi Iva yo Ndioxi, ra ndee ni ndee kúu mií.

2 Corintios 6:18 ပူးပေါင်းရင်းမြစ်များ

San Juan 1:12

Sundi tá kúu ndiꞌi na ndíkiꞌin vaꞌa ñaꞌa, ta kándixa na kivi ra. Ta ndaꞌa na ikán kua táxi ra ichí ndúu na seꞌe Ndioxi.

ROMANOS 8:19

Ta vitin ndiꞌi ñaꞌa si̱kuaꞌa Ndioxi ndátun ni ya, ta kúni ya ná tindaa kíi kivi ya sinaꞌa Ndioxi ya kúu yo seꞌe ra.

ROMANOS 8:29

Ta tá täꞌan ka kuaꞌa ñuu ivi yóꞌó, ta xa xíni mií ra unku na ndi̱kaxin ra ya kundikun na ra. Xa saa chi̱tuni mií ra ya nduu na seꞌe ra tá kuꞌva káa Jesucristo Seꞌe ra. I̱kan ra saa ya ná nduu Jesucristo, ra núnu̱ú nuu ndiꞌi ñani ra xiꞌin kuꞌva ra.

Gálatas 3:26

Chi xaꞌa ya kándixa yo Jesucristo kua ndúu ndiꞌi yo seꞌe Ndioxi vitin.

Efesios 1:5

Xaꞌa ya kúꞌvi ni ini ra xíni ra yoo kua ndi̱kaxin ra yoo, saa ndi̱kuiso ndaꞌvi ra yoo ndu̱u yo seꞌe ra tixin Jesucristo. Chi saa chi̱tuni mií ra i̱kan ra xiꞌin yo, ta kúsini ni ra xaꞌa ya i̱kan ra saa xiꞌin yo.

El Apocalipsis 1:8

Ta Tata, Iva yo Ndioxi, ra ndee ni ka chee nuu ndiꞌi ñaꞌa ya íyo ñuu ivi yóꞌó xiꞌin nuu ndivi, káchi ra saa: Yeꞌe náni i “Alfa xiꞌin Omega,” chi yeꞌe ku ra núnu̱ú ta yeꞌe ku ra si̱ndiꞌi. Ta yeꞌe ku ra táku vitin, ra xa íyo nda tá yachi ku i, ta ndiko koo tuku i kixi i ―kachi Tata yo.

El Apocalipsis 21:22

Ta nda iin veꞌe ñuꞌu köo ndi̱xini i mi ñuu i̱í chee ikán, saa chi mií Iva yo Ndioxi ra ndee ni ndee ku ra ku veꞌe ñuꞌu xiꞌin Tata yo Jesucristo ra kúu Levo ku ra íyo xiꞌin ra.

El Apocalipsis 21:7

Ta ndiꞌi naꞌa na kúchiñu nuu ya väꞌa, na köo síndikoo yeꞌe, na yóꞌó ku na ndikuiso ndiꞌi ya vaꞌa taxi i ndaꞌa na. Ta ndiꞌi saa kivi ya vaxi koo i Ndioxi na, ta na ikán nduu na seꞌe mií i.