2 Corintios 6:16 - Xochapa Mixteco

¹⁶ Köo íyo yuꞌu naꞌa, na kúu veꞌe ñuꞌu Ndioxi xiꞌin naꞌna ndioxi ya ndíi. Ta saa yoo, chi yo veꞌe ñuꞌu Ndioxi ra táku ku yo. Tá kuꞌva ndi̱kaꞌan mií ra, káchi ra saa: Yeꞌe, ta koo i xiꞌin na, saa kaka i xiꞌin na, Ndioxi na kúu i, saa kúu na, na ñuu mií i, káchi Ndioxi.

2 Corintios 6:16 ပူးပေါင်းရင်းမြစ်များ

San Mateo 16:16

Saa ndi̱kuiin ra Simón Pedro, káꞌan ra: ―Yóꞌo̱ ku Cristo, ra ti̱ꞌvi Ndioxi xa̱a sikaku na ñuu ivi yóꞌó, ta kúu un Seꞌe Ndioxi ra táku ―káchi ra.

San Mateo 6:24

Saa ndi̱kaꞌan tuku Jesús, káchi ra saa: ―Nda iin naꞌa ta küvi xaa chiñu na nuu uvi xitoꞌo na. Tá íyo uvi xitoꞌo na, ta kundasi nuu na kuni na iin ra ta inka ra ta vaꞌa ni kuni na xiꞌin ra. Án iin ra koto vaꞌa ra nuu ta inka ra köto vaꞌa ra nuu. Saa ndóꞌo̱, tá táxi ndo xáꞌnda chiñu Ndioxi nuu ndo, ta küvi taxi ndo kaꞌnda chiñu ya kuika nuu ndo. Ta saa tu tá táxi ndo xáꞌnda chiñu ya kuika nuu ndo, ta küvi taxi ndo kaꞌnda chiñu Ndioxi nuu ndo ―káchi Jesús.

San Lucas 5:36

Ñaa ndi̱kaꞌan ka ra uvi tuꞌun ndíchi ya sínaꞌa ra nda, káchi ra saa: ―Nda iin naꞌa köo xáꞌnda na iin ñaꞌñu tikoto xa̱á ya ndikaꞌma na toto yata. Saa chi tá ná kaꞌnda na tikoto xa̱á kiku na xiꞌin ya yata, ta sitivi taꞌan ya chi küchiñu ka na kundixi na ya xa̱á, ta ni ya yata väꞌa kunaꞌa ya xiꞌin ya xa̱á.

San Juan 14:23

Saa ndi̱kuiin Jesús, káꞌan ra: ―Na kúꞌvi ini xíni yeꞌe, ta xáa súvi na ya káꞌan i xiꞌin na ta kuꞌvi ini Iva i kuni ra na, ta saa kixi Iva i tin yeꞌe, kixi nde koo nde xiꞌin na.

San Juan 6:56

Ndiꞌi na xíxi kuñu i ta xíꞌi na níi i, na ikán ku na ítaꞌan vaꞌa ni xiꞌin i, saa tu yeꞌe va íyo i xiꞌin na.

ROMANOS 8:11

Ndioxi ku ra si̱taku Jesús tá ndi̱xiꞌi ra. Ta suvi ni mií ra si̱taku Cristo Jesús ku ra taxi kutaku ndo. Saa taxi ra kutaku ikin kuñu ndo ya ndíꞌi xaꞌa. Tixin mií Tachi ra ya íyo xiꞌin ndo kua sitaku ra ndoꞌo̱.

ROMANOS 8:9

Ta ndóꞌo̱, köo ndíkun ndo ichí ya kúni mií ndo. Chi tá kuꞌva kúni mií Tachi I̱í Ndioxi saa íkan ndo, saa chi íyo Tachi I̱í ra xiꞌin ndo. Ta naꞌa na köo kúu mií Tachi Jesucristo, ta süvi seꞌe ra ku na.

ROMANOS 9:26

Saa ñuu nuu ndi̱kaꞌan i xiꞌin naꞌa: “Süvi na ñuu i ku ndóꞌo̱”, káchi i, ta vaxi kivi kaꞌan naꞌa xiꞌin ndo, ndóꞌo̱ ku seꞌe Ndioxi ra táku, kachi na, káchi ya ta̱a ra Oseas.

1 Corintios 10:21

Saa chi küvi koꞌo ndo vino Tata yo Jesucristo, ta koꞌo tu ndo vino tachi nduvaꞌa. Ni küvi kundoo ndo kuxi ndo nuu mesa Tata yo Jesucristo ta kundoo tu ndo kuxi ndo nuu mesa tachi nduvaꞌa.

1 Corintios 6:19

¿Án köo xíni ndo ya kúu ikin kuñu ndo veꞌe ñuꞌu Tachi I̱í Ndioxi, ya ta̱xi ra ndaꞌa ndo íyo ya xiꞌin ndo? ta mií ra ku ra xáꞌnda chiñu nuu ndo.

Efesios 2:20

Ta ndóꞌo̱ kándixa Jesucristo tá káa iin veꞌe ya síkuaꞌa Ndioxi saa íin ndo. Chi tuꞌun ya sínaꞌa nda profeta ndóꞌo̱, án ya sínaꞌa nda apóstol ndóꞌo̱, ta tá iin xaꞌa veꞌe ya táva na saa íin tuꞌun ya sínaꞌa nda ndóꞌo̱. Ta tá káa iin yu̱ú ya ndíkunduꞌu tutun veꞌe ya ndee ni xíniñuꞌu, saa káa Cristo xiꞌin ndo.

Efesios 2:22

Ta ndixaꞌvi ni mií ra chi ndóꞌo̱ xiꞌin na judío ta tá káa veꞌe ñuꞌu nuu íyo Ndioxi, saa íin ndo, chi íyo Tachi I̱í ra ini ndo.

Efesios 3:17

Saa xíkan ni tu i ya vaꞌa nuu Iva yo Ndioxi ya ná kandixa ni ka ndo Cristo, saa ná kuꞌvi ni ini ndo kuni ñaꞌa ndo, ta nda tá káa iin tioꞌo itun kúnu ni ndíkaa, án veꞌe ya tuun ni ndi̱kuaꞌa xaꞌa, kuꞌva saa ná kuaꞌnu ni ka tuꞌun ra nima ndo.

1 Timoteo 3:15

chi án sana kuachi loꞌo ka i yóꞌó, yakan káꞌan kuee i xiꞌin un ya ná kundaa ini un ndá kuꞌva xíniñuꞌu ndo ikan ndo, xaꞌa ya kúu ndo na veꞌe Iva yo Ndioxi, ra táku. Ta tá kuꞌva tuun ni kuáꞌa xaꞌa veꞌe án tá káa itun ndee ni ndíso xi̱ní veꞌe, saa íin ndo, xaꞌa ya ndaa ku̱ndaa ini ndo xaꞌa tuꞌun ra.

2 Timoteo 1:14

Mií Tachi I̱í Ndioxi ya íyo xiꞌin yo ná chindee yóꞌo̱ ya kuchiñu un kiꞌin ni un kuenta xiꞌin tuꞌun vaꞌa ya si̱kuiso chiñu Ndioxi yóꞌo̱, ta säma un ya.

HEBREOS 3:6

Sundi Jesucristo, xaꞌa ya kúu ra Seꞌe Ndioxi ta xáa súvi ni ra chiñu ya ta̱xi Ndioxi ndaꞌa ra, yakan xáꞌnda chiñu ra veꞌe ra. Saa yoo, ta na veꞌe Ndioxi ku yo, yoo ku yo xáꞌnda chiñu ra nuu, tá tu ndinuꞌu ni ini yo ndáa ni ini yo xíni yo Ndioxi, saa kúsini ni yo ndátun yo niꞌi yo ya taxi Ndioxi ndaꞌa yo.

HEBREOS 8:10

Ta ya yóꞌó ku trato ya kindoo i ikan i xiꞌin na Israel kivi vaxi: Ta soꞌva koo ya ikan i xiꞌin na kivi ikán: Chikaa i ley i koo ya xi̱ní na, saa taa i ya nima na. Ta iindaa mituꞌun yeꞌe kuu Ndioxi ra kañuꞌu na, saa tu mií va na kundikun na yeꞌe.

Santiago 4:5

Ta xaꞌa ya yóꞌó kua káꞌan tuꞌun Ndioxi, ya ta̱a na xinaꞌa, káchi ya saa: “Tachi I̱í Iva yo Ndioxi ya ta̱xi ra íyo nima ndiꞌi yo kándixa ñaꞌa, ta sâa va ya xiꞌin yo xaꞌa ya kúni yo ikan yo ya väꞌa”, káchi ya.

1 Pedro 2:5

Ta saa ndóꞌo̱ tá káa yu̱ú táku ikán saa íin ndo, chi yu̱ú ikán kua ndee ni xíniñuꞌu ra síkuaꞌa ra veꞌe ñuꞌu i̱í ya küvi kuni yo. Ta ndóꞌo̱ ku ndo xáa chiñu ini veꞌe ñuꞌu ikán chi tá íin sutu nda i̱í, saa íin ndo xáa chiñu ndo ini ya, ta tixin Jesucristo kua sóko ndo ya i̱í, ya vaꞌa nuu Ndioxi.

1 Juan 4:12

Nda iin naꞌa köo ndi̱xini xiꞌin nuu Ndioxi. Sundi tá tu kúꞌvi ini yo xíni taꞌan yo, ta kúni kachi ya ítaꞌan vaꞌa Ndioxi xiꞌin yo. Ta saa kuchiñu yo kuꞌvi ini yo tá kuꞌva kúꞌvi ini mií ra xíni ra yoo.

1 Juan 4:15

Ndiꞌi na ndíkuni Jesús ta káꞌan na xaꞌa ra kúu ra Seꞌe Ndioxi, ta na ikán ku na ítaꞌan vaꞌa xiꞌin Ndioxi. Saa íyo na xiꞌin ra.

El Apocalipsis 2:1

Saa ndi̱kaꞌan ka ra xiꞌin i, káchi ra saa: ―Vaꞌa taa un tuꞌun yóꞌó ná kuꞌun ya ndaꞌa tatun Ndioxi ya ndáa na kándixa yeꞌe, nuu ndíkitaꞌan na xáa kaꞌnu na Ndioxi ñuu Éfeso. Yeꞌe ku taa ra ndóso uxa kimi nuu ndaꞌa kuáꞌá, ta yeꞌe ku ra xíka maꞌñu candelero ya oro nuu ndóso ñu̱ꞌu̱ xíxi ya, ta káꞌan i xiꞌin ndóꞌo̱ ndóo ñuu Efeso, ndo kándixa yeꞌe, ta soꞌva káchi i xiꞌin ndo:

El Apocalipsis 21:3

Saa xi̱ni soꞌo i tuꞌun ya ke̱e nuu íin tai toꞌo itun i̱í, ta ndee ka vi ndi̱kaꞌan tachi na, káchi ya saa: ―Na ñuu yóꞌó ku na ku ñuu Ndioxi, saa koo ra xiꞌin na, ta na ñuu ra kuu na. Saa koo ra xiꞌin na, nda iin kivi sindikoo ra na.

El Apocalipsis 21:7

Ta ndiꞌi naꞌa na kúchiñu nuu ya väꞌa, na köo síndikoo yeꞌe, na yóꞌó ku na ndikuiso ndiꞌi ya vaꞌa taxi i ndaꞌa na. Ta ndiꞌi saa kivi ya vaxi koo i Ndioxi na, ta na ikán nduu na seꞌe mií i.