2 Corintios 6:10 - Xochapa Mixteco

¹⁰ Tá íin nde kúsuchi ni ini saa íin nde túvi na, ta süvi ya ndaa kua chi ndiꞌi saa va ichí kúsini ni nde. Tá íin ndeꞌe ndáꞌvi ni saa íin nde túvi na, ta süvi ya ndaa kua, chi ndiꞌi saa va ichí táxi nde ya kuika, ya vaꞌa vaxi nuu ndivi ndaꞌa kuaꞌa ni naꞌa. Tá íin ndeꞌe köo nda loꞌo ñaꞌa nuu, saa íin nde túvi na, ta süvi saa íyo ya chi íyo ndiꞌi va ñaꞌa táxi Ndioxi ndaꞌa nde.

2 Corintios 6:10 ပူးပေါင်းရင်းမြစ်များ

San Mateo 5:12

’Tá ndóꞌo̱ ndo saa, tíxuꞌvi ndo, ta ná koo vaꞌa ni ini ndo, kusini ni ndo, saa chi chee ni koo ya vaꞌa taxi Ndioxi ndaꞌa ndo nuu ndivi. Saa ndo̱ꞌo nda ndi̱kaꞌan ndoso tuꞌun yuꞌu Ndioxi xi̱ndoo xi̱naꞌa, ndi̱xuꞌvi ni nda ―káchi Jesús xiꞌin na.

San Mateo 5:4

’Vaꞌa ni kée ndo tá tu xáku ni ndo, saa chi vaxi kivi ta sindiko Ndioxi ini ndo.

San Lucas 6:21

’Vaꞌa ni kée ndo tá tu vitin xíꞌi ni ndo soko saa chi vaxi kivi ta ndoo ndoso ñaꞌa yuꞌu ndo. ’Vaꞌa ni kée ndo tá tu xáku ni ndo vitin, ta kusini ni ndo, saa chi vaxi kivi ta küaku ka ndo, vaꞌa ni kua̱ku̱ ndo.

San Juan 16:22

Ta saa ndóꞌo̱, vitin ta kúsuchi ni ini ndo, sundi ndiko koo tuku i koto i ndóꞌo̱, ta saa kusini ni ndo ndiꞌi saa ichí, ta nda iin naꞌa küchiñu kindaa ya kúsini ndo.

Los Hechos 16:25

Ta sava ñǔu xa̱á ra Pablo xiꞌin ra Silas káꞌan nda xiꞌin Ndioxi ta xíta nda yaa nuu ra. Saa xíni soꞌo inka nda ñúꞌu veꞌe kàà ikán ndóo nda.

Los Hechos 3:6

Ta saa ndi̱kaꞌan ra Pedro xiꞌin ra, káchi ra saa: ―Köo xuꞌun ndíso nde taxi nde ndaꞌa un, sundi ya kúu mií nde ta taxi nde ya ndaꞌa un. Kuandikoo kundichi kaka un tixin kivi Jesucristo, ra ñuu Nazaret, káꞌan i xiꞌin un ―káchi ra Pedro xiꞌin ra.

Los Hechos 5:41

Tá ka̱na koo nda kuaꞌan nda ta kúsini ni nda kuaꞌan nda, chi ta̱xi Ndioxi ichí ndo̱ꞌo nda xaꞌa ya ndítuꞌun nda xiꞌin naꞌa xaꞌa kivi Jesús.

ROMANOS 11:12

Kuachi na judío kua köo ndi̱xiin na kuni soꞌo na ya ndi̱kaꞌan Ndioxi xiꞌin na. Yakan vitin ta ndiꞌi ni kúu na ñuu ivi ndi̱niꞌi ya vaꞌa i̱kan Ndioxi, nda na köo kúu judío vaꞌa ni ke̱e. Sundi tá ná kuni soꞌo na judío ya káꞌan Ndioxi xiꞌin na, ta vaꞌa ni ka kee na.

ROMANOS 12:15

Kusini ni ndo xiꞌin naꞌa, na kúsini, ta kuaku ndo xiꞌin naꞌa, na xáku.

ROMANOS 15:13

Ta vitin káꞌan i xiꞌin mií Ndioxi ra chíkaa ndee ini ndo ya kundatun ndo ya vaꞌa ikan ra xiꞌin ndo. Ná taxi ni ra ya kúsini ni ndo, saa ná koo vaꞌa ni ini ndo. Ta saa ná ndundee ni ka ya kándixa ndo ya ndátun ndo niꞌi ndo tixin ndee Tachi I̱í ra.

ROMANOS 8:32

Chi Ndioxi ta yáꞌa ni vaꞌa ini ra, nda ta̱xi ra Seꞌe ra, ra iindaa mituꞌun nuu ra, ta ndi̱xiꞌi ra xaꞌa kuachi ndiꞌi yo. Ta köo ndíkuxiꞌnda ñaꞌa ra, ta maa täxi vi ra ñaꞌa ya xíniñuꞌu yo ndaꞌa yo.

ROMANOS 9:2

Yeꞌe, ta ndee ni kúsuchi ini i, ta ndiꞌi saa kivi táꞌvi ka vi nima i xíni i na ñuu i na Israel.

1 Corintios 1:5

Saa chi tixin Jesucristo kua ta̱xi ni Ndioxi ya vaꞌa ndaꞌa ndo ya kuchiñu ndo ndituꞌun ndo ya vaꞌa xiꞌin na ivi, saa ta̱xi ra ya ndíchi ni ndaꞌa ndo.

2 Corintios 2:4

Tá kivi ta̱a i tutu ikán xaa ya nuu ndo, ta ndee ni kúsuchi ini i, saa ndíꞌi ka vi ini i, xáku ka vi i, ta ya ndi̱kaꞌan i xiꞌin ndo saa, ta süvi ya xaa suchi i ini ndo kua, chi yeꞌe, ta ku̱ni i ná kundaa ini ndo ya ndee ni kúꞌvi ini i xíni i ndóꞌo̱.

2 Corintios 4:15

Ta ndiꞌi ya yóꞌó kua ndóꞌo nde ya ná nduu kuaꞌa ni naꞌa niꞌi ya vaꞌa nuu Ndioxi. Ta xaꞌa ya kuaꞌa ni na xi̱ni soꞌo tuꞌun Ndioxi ya ndi̱kaꞌan ndoso nde xiꞌin na yakan ndu̱u kuaꞌa ni na taxi tixaꞌvi ndaꞌa ra, saa xaa kaꞌnu ni na ra.

2 Corintios 4:7

Tuꞌun vaꞌa xaꞌa Jesucristo ta tá káa íin ya kuika saa íin ya. Ta ndiꞌi yo kándixa tuꞌun yóꞌó tá íin kisi ñuꞌú ya ñúꞌu ya kuika ikán saa íin yo. Yakan vaꞌa xíto inka naꞌa ndee ya íyo xiꞌin yo ta nuu Ndioxi vaxi ya, süvi nuu mií yo vaxi ya.

2 Corintios 8:9

Chi xa xíni mií ndo ya kúꞌvi ni ini mií Tata yo Jesucristo xíni ra yoo kua nda̱sa ndaꞌvi ra mií ra, vani kuika ni ndi̱xiyo ra ta saa nda̱sa ndaꞌvi ra mií ra xaꞌa ndóꞌo̱, ya ná ndukuika ndo.

Efesios 3:16

Xíkan ni i ya mani nuu ra ya ná taxi ra Tachi I̱í ra koo ya xiꞌin ndo, saa taxi ra ndee ndaꞌa ndo ya vaꞌa nduxuxa nima ndo xiꞌin tuꞌun ra, ta vaꞌa ikan Ndioxi saa xiꞌin ndo, chi ndee ya kúu mií ra ta chee ni ya ta ni köo ndíꞌi tu xaꞌa va ya.

Efesios 3:8

Vani köo ndáa yaꞌvi ni va i nuu ndiꞌi na ñani yo, na kúu ñuu Ndioxi, ta ta̱xi ra ichí ndaꞌa i ya kaꞌan ndoso i tuꞌun vaꞌa xaꞌa ra xiꞌin naꞌa, na köo kúu judío. Ta tuꞌun vaꞌa ni ikán, ta tá káa ya kuika ni saa káa ya, chi köo ndíꞌi xaꞌa ya.

Filipenses 2:17

Tá tu xíniñuꞌu kuvi i xaꞌa Cristo, ta xa íyo ndúvi va i ikan i saa, ta kúsini ni i chi kuvi i nuu Ndioxi ya soko i mií i nuu ra, ta nduu i tá kuꞌva káa nduta, rá sóko na nuu ra, nuu chindee taꞌan i xiꞌin ndo sixinu i ya sóko ndo nuu ra xaꞌa ya ndee ni kándixa ndo ra. Xaꞌa ya ñaa kua kúsini ni i ikan i ndá ka ñaꞌa xaꞌa ndo.

Filipenses 4:4

Ndiꞌi saa kivi ná kusini ni ndo xaꞌa Tata yo Jesucristo. Saa káꞌan tuku i xiꞌin ndo: Kusini ni ndo.

Colosenses 1:24

Ta yeꞌe, ta kúsini ni va i ya tíxuꞌvi i xaꞌa ndo vitin ñani yo xiꞌin kuꞌva yo na veꞌe ñuꞌu, chi xaꞌa ya tíxuꞌvi i saa kua síxinu ka i ya ti̱xuꞌvi ni Jesucristo xaꞌa ndóꞌo̱ kándixa ra, chi ikin kuñu ra ku ndo.

Colosenses 3:16

Ta taxi ndo ndee ni ná koo mií tuꞌun Tata yo Jesucristo nima ndo. Saa sinaꞌa taꞌan ndo ta ndikani ndo nuu taꞌan ndo sixinu ndo ini taꞌan ndo ya ná ikan ndo ya vaꞌa kúni Ndioxi. Saa ná kusini ndo ta kata ndo salmo xiꞌin yaa i̱í nuu Ndioxi ya táxi ndo tixaꞌvi ndaꞌa ra xaꞌa ya íyo vaꞌa ni ini ndo xiꞌin ra.

1 Tesalonicenses 1:6

Saa ta ndi̱nama ini ndo xa̱á ndo íkan ndo tá kuꞌva i̱kan nde, chi ndeꞌe ta i̱kan nde tá kuꞌva íkan mií Tata yo Jesucristo kivi xi̱ndoo nde xiꞌin ndo. Vani ndee ni ndi̱xiyo tindoꞌo nuu ndo xaꞌa tuꞌun ra, ta saa ni ndi̱kiꞌin ndo tuꞌun ra ya ndi̱kaꞌan nde xiꞌin ndo, saa ndu̱u sií ni ini ndo i̱kan mií Tachi I̱í ra.

1 Tesalonicenses 5:16

Ta ndiꞌi saa kivi koo vaꞌa ni ini ndo, kusini ni ndo.

1 Timoteo 4:8

Ta ya vaꞌa ni kua ikan loꞌo yo ejercicio nuu ndúndee ikin kuñu yo, sundi ya ndee ni ka xíniñuꞌu yo ikan yo kua koo vií ni yo nuu Ndioxi, chi tá íkan yo saa kua niꞌi ni yo ya vaꞌa nuu ra tiempo táku yo vitin xiꞌin tiempo ya vaxi.

1 Timoteo 6:18

Vaꞌa kaꞌan un xiꞌin nda ñani yo, nda ndúkuika ni, ya xíniñuꞌu nda ikan ni nda ya vaꞌa. Ta ná küxiꞌnda nda, ná kusini ni nda nditaꞌvi nda ñaꞌa nda xiꞌin inka naꞌa.

HEBREOS 10:34

Saa ku̱ndaꞌvi ni ini ndo xi̱ni ndo na tá ñúꞌu na veꞌe kàà. Ta nda kúsini ndo tá xíto ndo kíndaa na ñaꞌa ndo ndaꞌa ndo. Saa chi ndóꞌo̱, ra xíni ndo, vaꞌa ni ka ñaꞌa kúu mií ndo nuu ndivi, ya taxi Ndioxi ndaꞌa ndo, saa chi ya ikán ta nda iin ichí ndïꞌi xaꞌa ya.

Santiago 2:5

Ñani mani xiꞌin kuꞌva yo, ndóꞌo̱ ku ndo kúꞌvi ni ini i xíni i, ta kuni soꞌo ndo ya kaꞌan i xiꞌin ndo: Ndioxi ku ra ndi̱kaxin na ndaꞌvi ndóo ñuu ivi ya ná nduu na naꞌa, na ndinuꞌu ni ini ndáa ini xíni ra xiꞌin ndiꞌi nima na, ta saa ndikiꞌin na ya ndi̱kaꞌan ra taxi ndaꞌa na kúꞌvi ini xíni ra, saa koo na kaꞌnda chiñu na xiꞌin ra.

1 Pedro 4:13

Tá ndóꞌo ndo saa ta kusini ni ndo, chi iin káchi ndóꞌo ndo tá kuꞌva ndo̱ꞌo mií Tata yo Jesucristo. Saa tá ná ndiko koo tuku ra kixi ra ta kuni ndo ndee ya chee luvi ni kúu mií ra, ta kusini ni ndo.

El Apocalipsis 2:9

Xíni ndiꞌi i ya ndee ni ndóꞌo ini ndo, ta saa xíni i ya kúndaꞌvi ni ndo. Vani saa va, sundi ndóꞌo̱ ta tá íin ndo kuika ni va saa íin ndo. Saa ni xíni i ya káꞌan kini ni naꞌa xaꞌa ndo. Na ikán káꞌan na kúu na judío, ta süvi ya ndaa ku ya káꞌan na, chi na ikán ta na xáa kaꞌnu kiti nǎꞌa, kiti náni Satanás va ku na.

El Apocalipsis 21:7

Ta ndiꞌi naꞌa na kúchiñu nuu ya väꞌa, na köo síndikoo yeꞌe, na yóꞌó ku na ndikuiso ndiꞌi ya vaꞌa taxi i ndaꞌa na. Ta ndiꞌi saa kivi ya vaxi koo i Ndioxi na, ta na ikán nduu na seꞌe mií i.