2 Corintios 5:5 - Xochapa Mixteco

⁵ Ta mií Ndioxi ku ra i̱kan saa xiꞌin yo, nda̱sa vaꞌa ra yoo ya kuchiñu ndinama ra yoo kivi vaxi, ta xiꞌna Tachi I̱í ra kua ta̱xi ra ndaꞌa yo, ya ndíkuiin ya xaꞌa tuꞌun ra ya ndi̱kaꞌan ra sixinu ra ya ki̱ndoo ra taxi ra ndaꞌa yo.

2 Corintios 5:5 ပူးပေါင်းရင်းမြစ်များ

ROMANOS 8:23

Ta süvi ndisaa ñaꞌa si̱kuaꞌa Ndioxi tíxuꞌvi, nda mií yo kándixa Jesucristo tíxuꞌvi ni. Saa chi tá táku ka yo ñuu ivi yóꞌó, ta xa ta̱xi Ndioxi Tachi I̱í ra ndaꞌa yo. Xiꞌin ya yóꞌó káꞌan ra xiꞌin yo niꞌi ka yo ñaꞌa ya ndi̱kaꞌan ra taxi ra ndaꞌa yo. Ta vitin ndátun yo tin xáku yaa mií yo, saa ndátun ni yo ya ndikuiso mani ra yoo nduu yo seꞌe ra ta saa ndasa xa̱á ra ikin kuñu yo.

2 Corintios 1:22

Saa chi̱nuu ra tuni ra mií yo ta ya yóꞌó kúu Tachi I̱í ra ya ta̱xi ra ndaꞌa yo íyo xiꞌin yo. Ya yóꞌó kua xiꞌna ta̱xi ra ndaꞌa yo chi kúni ra ná kundaa ini yo ya ndixa kua sixinu ra ya ndi̱kaꞌan ra taxi ra ndaꞌa yo.

2 Corintios 4:17

Chi tindoꞌo ya ndee ni ndóꞌo nde vitin tíxuvi nde, ta ni süvi ya ndee ni kua, ya yáꞌa va kua, ni köo ítaꞌan ya xiꞌin ñaꞌa ya ndee ni luvi táxi Ndioxi ndaꞌa nde níꞌi nde nuu ra, ta ya táxi ra ndaꞌa nde ta köo ndíꞌi xaꞌa nda iin ichí.

Efesios 2:10

Chi mií Ndioxi ku ra si̱kuaꞌa yoo. Tixin Jesucristo kua i̱kan ra saa xiꞌin yo ya ná ikan yo ya vaꞌa, ya xa chi̱tuni mií ra ikan ra xiꞌin yo. Ta saa kuchiñu yo xaa súvi yo ndiꞌi ya.

Efesios 4:30

Ta ïkan ndo ya väꞌa, ya táxi ndo kusuchi ini Tachi I̱í Ndioxi, chi Tachi I̱í ra kua xiꞌna ndi̱niꞌi ndo nuu ra, ya yóꞌó ta tá káa tuni mií ra saa káa ya nuu ki̱ndoo ra xiꞌin ndo ya sikaku ra ndóꞌo̱ kivi vaxi.

1 Juan 3:24

Ta ndiꞌi na xáa súvi ya xáꞌnda chiñu ra, ta ítaꞌan na xiꞌin ra, saa ítaꞌan ra xiꞌin na. Xíni yo íyo ra xiꞌin yo chi ta̱xi ra Tachi ra íyo ya xiꞌin yo.