2 Corintios 5:20 - Xochapa Mixteco

²⁰ Ta ndeꞌe, tá káa ra xikuaꞌa xíka nuu, saa íin nde, chi ka̱na Ndioxi ndeꞌe ya xíka nuu nde nuu ra ndítuꞌun nde xiꞌin naꞌa. Ta yuꞌu mií Jesucristo kua káꞌan nde xiꞌin ndo, tá káꞌan nde xiꞌin ndo saa, ta tá íin ndeꞌe xáku ndaꞌvi nuu ndo saa íin nde, chi kána Ndioxi ndóꞌo̱ tixin ndeꞌe ya ná ndikitaꞌan mani ndo xiꞌin ra.

2 Corintios 5:20 ပူးပေါင်းရင်းမြစ်များ

San Lucas 10:16

Ta saa ndi̱kaꞌan ra xiꞌin uni xiko uxi saa nda ikán, káchi ra saa: ―Ndiꞌi na ndíkiꞌin tuꞌun ya káꞌan ndóꞌo̱, tuꞌun yeꞌe kua ndíkiꞌin na. Ta ndiꞌi na kúndasi ndóꞌo̱, yeꞌe ku i kúndasi na. Ndiꞌi na kúndasi yeꞌe, Ndioxi ku ra kúndasi na ikán, saa chi Ndioxi ku ra ti̱ꞌvi yeꞌe vaxi i ñuu ivi yóꞌó ―káchi Jesús xiꞌin nda.

San Lucas 14:23

Saa ndi̱kuiin xitoꞌo ra káꞌan ra: “Tá tu núna ka, ta kuáꞌan ndiꞌi ni kúu ichí naꞌnu tin ichí vali ndikuiso un na ná kixi na xiꞌin un. Tá köo xíin na kixi na xiꞌin un ta sixinu un ini na ná kixi na xiꞌin un. Ta saa chutu ndaa na veꞌe i.

San Juan 20:21

Saa ndi̱kaꞌan tuku Jesús xiꞌin nda, káchi ra saa: ―Ná koo vaꞌa ni ini ndo. Tá kuꞌva ti̱ꞌvi Iva i yeꞌe, saa tíꞌvi i ndóꞌo̱ kuꞌun ndo vitin ―káchi ra xiꞌin nda.

ROMANOS 5:10

Chi yachi tá íin yo ka̱nitaꞌan xiꞌin Ndioxi saa ndi̱xiyo yo, xaꞌa ya köo ndi̱xaa súvi yo ya káꞌan ra xiꞌin yo. Vani saa i̱kan yo, ta saa ni si̱kitaꞌan mani ra yoo xiꞌin mií ra, xaꞌa ya ti̱ꞌvi ra Seꞌe ra Jesucristo ki̱xi ra ndi̱xiꞌi ra xaꞌa yo. Ta ndisaa ka ví vitin sikaku ra yoo, chi xa ndi̱kitaꞌan mani yo xiꞌin ra.

2 Corintios 12:10

Yakan vitin ta kúsini ni va i tá kúvita ini i, saa tu tá káꞌan kini naꞌa xiꞌin i xaꞌa Cristo, saa tu tá kúmani ndá ka ñaꞌa nuu i ya xíniñuꞌu i, án tá xáa nduvaꞌa na xiꞌin i. Saa chi tá kúvita ni ini i ta saa kua ndúndaku vaꞌa ka ini i, ndúu ndee ka i.

2 Corintios 3:6

Iindaa mií Ndioxi ku ra ta̱xi ndee ndaꞌa nde ya kuchiñu nde xaa súvi nde tuꞌun ya xa̱á ki̱ndoo ra ikan ra xiꞌin na ñuu ra. Ta tuꞌun ya xa̱á ki̱ndoo ra xiꞌin yo, ta köo ndi̱kaꞌi ya nuu yu̱ú tá kuꞌva ndi̱xiyo ley Ndioxi ya ta̱xi ra ndaꞌa ra Moisés xinaꞌa, chi ley ikán ta ta̱xi ya kuachi xaꞌa naꞌa ndi̱xiꞌi na, sundi Tachi I̱í Ndioxi ta ya táxi kutaku yo ku ya.

2 Corintios 5:11

Ta xíni nde ya xíniñuꞌu ndiꞌi naꞌa xaa toꞌo na Ndioxi, xaꞌa ya ñaa kua xáꞌa ni nde ndee ya síxinu nde ini na ya ná xi̱nu ini na kundikun na ya ndaa. Chi mií Ndioxi ku ra xíni vaꞌa ndeꞌe, ta saa kúni nde ná kuni vaꞌa ndo ini nde, ndá kúꞌva ku mií ya ndaa íyo nde.

2 Corintios 6:1

Ndóꞌo̱ xiꞌin ndeꞌe, ta iin káchi xáa chiñu yo nuu Ndioxi, yakan xíkan ni nde ya mani nuu ndo ya ná kundàà vií ni ndo ya vaꞌa ndi̱niꞌi ndo nuu Tata yo.

Efesios 6:20

Ta mií Iva yo Ndioxi ku ra ta̱xi chiñu ndaꞌa i ya kaꞌan ndoso i tuꞌun ra, ta xaꞌa ya ñaa kua ndíkaa i veꞌe kàà yóꞌó. Ta kaꞌan ni ndo xaꞌa i xiꞌin Ndioxi ya ná taxi ra ndee ndaꞌa i kaꞌan i xiꞌin naꞌa, ta ná ku ïꞌvi i kaꞌan i xiꞌin na.

Colosenses 1:20

Ta tixin ya i̱kan ra nuu cruzin kua si̱kitaꞌan mani ra ndiꞌi ni kúu yo ñuu ivi yóꞌó xiꞌin mií ra tin ndiꞌi ñaꞌa ya si̱kuaꞌa ra xiꞌin ya íyo nuu ndivi tin ya íyo ñuu ivi yóꞌó. Ta tixin nií Jesucristo nduta ndi̱xita nuu cruzin tá ndi̱xiꞌi ra kua ta̱xi ra ichí ndaꞌa yo ndi̱kundoo vaꞌa yo xiꞌin Ndioxi.

1 Tesalonicenses 4:8

Ta ndiꞌi naꞌa, na köo xíin xaa súvi ya yóꞌó, ta süvi ya káꞌan ndeꞌe kua köo xíin na xaa súvi na, chi ya káꞌan mií Iva yo Ndioxi kua köo xíin na xaa súvi na, chi mií ra ku ra táxi Tachi I̱í ra ndaꞌa yo íyo ya xiꞌin yo.