2 Corintios 5:18 - Xochapa Mixteco

¹⁸ Ta mií Ndioxi ku ra i̱kan saa xiꞌin yo, nda̱sa xa̱á ra yóo, chi si̱kitaꞌan vaꞌa ra yóo xiꞌin mií ra tixin Jesucristo. Ta ñaa ta̱xi ra chiñu ndaꞌa ndeꞌe ya chindee nde naꞌa, ndikitaꞌan mani na xiꞌin ra.

2 Corintios 5:18 ပူးပေါင်းရင်းမြစ်များ

San Lucas 10:5

Tá ndi̱xaa ndo ndá veꞌe nuu kuaꞌan ndo, ta chindee ndo na kaꞌan ndo xiꞌin na: “Ná koo vaꞌa ni ini ndóꞌo̱ ndóo veꞌe yóꞌó”, kachi ndo xiꞌin na.

San Lucas 24:47

Ta naꞌa na ndíkun sata ra tixin kivi ra taxi ra ndee ndaꞌa na kuꞌun na ndituꞌun na xiꞌin ndiꞌi kúu na ñuu ivi. Xiꞌna ñuu Jerusalén xáa na kaꞌan na xiꞌin naꞌa, ya ná ndiko koo ini na xaꞌa kuachi na, saa xaa kaꞌnu ini Ndioxi xaꞌa kuachi na”, káchi ya ta̱a na.

San Juan 3:16

’Saa chi yáꞌa ni kúꞌvi ini Ndioxi xíni ra na ñuu ivi, xaꞌa ya ikán kua ta̱xi ra Seꞌe ra, ra iindaa mituꞌun nuu ra, yakan ndiꞌi na kándixa ra ta ndïꞌi xaꞌa na, sundi taxi ra kutaku na xiꞌin ra ndiꞌi saa kivi.

San Juan 3:27

Ta saa ndi̱kuiin ra Juan káchi ra saa: ―Nda iin ñaꞌa küvi ikan naꞌa tá tu süvi Ndioxi ku ra táxi ndee ndaꞌa na.

Los Hechos 10:36

Ta ndi̱kaꞌan Ndioxi xiꞌin ndeꞌe judío, tá ti̱ꞌvi ra Tata yo Jesucristo ki̱xi ra ndi̱kaꞌan ndoso ra tuꞌun vaꞌa ya táxi koo vaꞌa ni ini yo, chi ra ikán ku ra xáꞌnda chiñu nuu ndiꞌi yo ―káchi ra Pedro xiꞌin na.

ROMANOS 11:36

Mií Ndioxi ku ra si̱kuaꞌa ndiꞌi ni kúu ñaꞌa ya íyo, xaꞌa mií ra si̱kuaꞌa ra ndiꞌi ya, ta ndiꞌi ya ndi̱kuaꞌa íyo ya xaa súvi ya kúni mií ra. ¡Yakan kua ná kunuu vaꞌa ni ya toꞌo ra ndiꞌi saa tiempo! Saa ná koo.

ROMANOS 5:1

Xaꞌa ya kándixa yo Tata yo Jesucristo, ta Ndioxi ndása ra mií yo ndúu yo naꞌa, na vaꞌa, na íin tá íin naꞌa na köo ka kuachi kúu mií nuu ra, chi Tata yo Jesucristo ku ra si̱kitaꞌan mani yoo xiꞌin Ndioxi, ndi̱kundoo vaꞌa yo xiꞌin ra.

1 Corintios 1:30

Ta Ndioxi i̱kan ra saa, si̱kitaꞌan ra ndóꞌo̱ xiꞌin Tata yo Jesucristo. Ta mií Tata yo Jesucristo ku ra táxi ya ndíchi ndaꞌa yo, saa ndása tu ra yoo ndúu yo naꞌa, na köo ka kuachi kúu mií nuu ra, ta ndása i̱í ra yoo, saa ndáxin ra yoo ndaꞌa kuachi nuu núꞌni yo.

1 Corintios 11:12

Ya ndixa kua ndi̱kuaꞌa ná ñaꞌa xiꞌin leke kandika taa, ta saa tu nda taa va káku nda tixin ná síꞌi. Ta ndiꞌi ya yóꞌó ta nuu Ndioxi vaxi ndiꞌi ya.

1 Corintios 12:6

Saa íyo kuaꞌa ni kuꞌva ya xáa chiñu yo nuu Ndioxi, ta suvi xiꞌin ndee iindaa mií ra kua táxi ra íkan iin iin yo saa.

1 Corintios 3:5

Ndikani vaꞌa ini ndo, ¿án chee ni yeꞌe, Pablo, túvi ndo? ¿Án ra Apolos ku ra chee ni túvi ndo? Süvi saa íyo ya. Moso va ku nde xáa chiñu nde nuu Ndioxi, ta chíndee nde ndóꞌo̱ ya ná kandixa ni ndo Ndioxi va. Íkan iin iin nde chiñu ya ta̱xi Ndioxi ndaꞌa va nde.

1 Corintios 8:6

Sundi nuu mií yo, ta iindaa mituꞌun va ku Iva yo Ndioxi mií ra ndaa ni, ta ndaꞌa mií ra kua vaxi ndiꞌi ñaꞌa ya xíniñuꞌu yo, xaꞌa mií ra kua táku yo. Ta saa íyo iindaa Tata yo Jesucristo ta tixin mií ra kua ndi̱kuaꞌa ndiꞌi ñaꞌa, ta si̱kuaꞌa tu ra mií va yo.

Colosenses 1:22

xaꞌa ya ndi̱xiꞌi Cristo tá xi̱tikaa ndaa ikin kuñu ra ndaꞌa cruzin kua ndi̱kitaꞌan mani ndo xiꞌin Ndioxi. Saa nda̱sa i̱í Cristo ndóꞌo̱ nuu Ndioxi, ndu̱u ndo naꞌa, na vaꞌa, na köo yakua ka, na köo ka kuachi kúu mií nuu ra.

HEBREOS 2:17

Xaꞌa ya ndu̱u ra iin káchi tá kuꞌva íin mií yo na ivi yóꞌó, na kúu ñani ra. Xaꞌa ya ikán kua vaꞌa ndi̱xinu ra ndu̱u ra sutu, ra ndee ni ndinuꞌu xáa súvi ndiꞌi ñaꞌa, ta saa kúndaꞌvi ni ini ra xíni ra naꞌa. Xaꞌa ya ndi̱taxi ra mií ra ndi̱xiꞌi ra, yakan vaꞌa ku̱chiñu ra ndi̱soko ra mií ra nuu Ndioxi ya xaa kaꞌnu ini ra xaꞌa kuachi yoo, na kúu ñuu Ndioxi.

Santiago 1:17

Chi ndiꞌi ñaꞌa ya vaꞌa xiꞌin ya ndaa níꞌi yo, ta chí ni̱nù vaxi ndiꞌi ya, nuu mií Iva yo ra si̱kuaꞌa kiti kimi xiꞌin ndiꞌi ñaꞌa ya íyo nuu ndivi ni̱nù nuu íyo ra, nuu yéꞌe̱ ndiꞌi saa kivi, ta köo ndínama nuu íyo ra, ni köo kúnaá, ta nuu mií ra kua vaxi ndiꞌi ya.

1 Juan 2:2

Chi Jesucristo ku ra ndi̱soko mií, ndi̱xiꞌi ra xaꞌa kuachi ndiꞌi yo yakan vaꞌa xa̱a kaꞌnu ini Ndioxi xaꞌa yo. Ta süvi iindaa xaꞌa kuachi yoo ndi̱xiꞌi ra. Ndi̱xiꞌi ra xaꞌa kuachi ndiꞌi ni kúu na ñuu ivi.

1 Juan 4:10

Káꞌan i xiꞌin ndo unkua káchi mií ya ndaa ni kúꞌvi ini Ndioxi xíni ra yoo, saa chi süvi yoo ku yo xiꞌna ndi̱kuꞌvi ini kuni Ndioxi, xiꞌna mií ra ku ra xa̱á kúꞌvi ni ini xi̱ni yoo ta xaꞌa ya ikán kua ti̱ꞌvi ra Seꞌe ra, ra kúu Jesucristo. Ta ra ikán ndi̱soko ra mií ra ndi̱xiꞌi ra xaꞌa yo, cha̱ꞌvi ra xaꞌa kuachi yo nuu Ndioxi.