2 Corintios 5:14 - Xochapa Mixteco

¹⁴ Ya kúꞌvi ni ini Jesucristo xíni ra ndeꞌe kua chíndaꞌa ndeꞌe xaa súvi nde chiñu nuu ra, chi ndeꞌe ta kúndaa teꞌe ini nde, iindaa mií ra ku ra ndi̱xiꞌi xaꞌa kuachi ndiꞌi yo ñuu ivi, ta saa ndo̱ꞌo ndiꞌi yo tá íin na ndi̱xiꞌi saa ndu̱u ndiꞌi yo.

2 Corintios 5:14 ပူးပေါင်းရင်းမြစ်များ

San Mateo 20:28

Tá kuꞌva íkan yeꞌe Taa ra xa̱a ñuu ivi yóꞌó, chi yeꞌe ta köo vaxi i ya kaꞌnda i chiñu nuu naꞌa, sundi yeꞌe ta vaxi i ya koto vií i xiꞌin na saa xaa súvi i chiñu nuu na, ta saa kua kuchiñu na saña ndika na xaꞌa kuachi na ―káchi Jesús.

San Lucas 15:24

Chi ndi̱ko koo ra loꞌo seꞌe i yóꞌó. Tá káa ra ndi̱xiꞌi saa ndi̱xiyo ra sundi vitin ta ndi̱taku ra. Nda̱ñuꞌu ra ndi̱xaꞌan ra ta vitin nde̱ta ra”, káchi iva ra. Ñaa xa̱á kúsini ni na.

San Lucas 15:32

Sundi vitin ná ikan yo viko, ná kusini yo saa chi ndi̱ko koo ñani un. Tá káa ra ndi̱xiꞌi saa ndi̱xiyo ra, ta ndi̱taku ra, nda̱ñuꞌu ra ta vitin nde̱ta ra xa̱a ra”, káchi iva ra xiꞌin ra. Soꞌva káchi tuꞌun ndíchi yóꞌó ―káchi Jesús xiꞌin na.

San Lucas 24:29

Ta saa xa̱ku ndaꞌvi nda nuu ra káchi nda saa: ―Yóꞌó ndoo un xiꞌin nde, saa chi xa xikuaa ni kua, ta xa kama ni va kuñuu ―káchi nda xiꞌin ra. Saa ndi̱ndoo ra xiꞌin nda.

San Juan 1:29

Ta ndi̱tuvi inka kivi saa xi̱ni ra Juan Jesús vaxi ra nuu ra, saa ndi̱kaꞌan ra xiꞌin naꞌa, káchi ra saa: ―¡Koto ndo vii! Ra káa ku ra síniꞌi Ndioxi kuvi ra xaꞌa kuachi yo ñuu ivi. Tá íyo levo síniꞌi naꞌa nuu Ndioxi ya síndiꞌi xaꞌa ra kuachi na, ta saa íyo ra káa.

San Juan 11:25

Saa ndi̱kaꞌan Jesús xiꞌin yá, káchi ra saa: ―Yeꞌe ku ra sínditaku naꞌa, ta yeꞌe ku ra táxi kutaku na. Ndiꞌi na kándixa yeꞌe vani xa ndi̱xiꞌi na, ta taxi i kutaku na.

San Juan 5:25

Ta ya ndaa káꞌan i xiꞌin ndo, vitin ti̱ndaa kivi ta kuni soꞌo na ndíi tachi Ra kúu Seꞌe Ndioxi. Ta na xíni soꞌo ya káꞌan ra ta kutaku na.

Los Hechos 18:5

Saa tá ndi̱xaa ra Silas xiꞌin ra Timoteo ñuu macedonia ta chiñu nuu ra Pablo kua xíka ra káꞌan ndoso ra tuꞌun Ndioxi. Vitin taan káꞌan ra xiꞌin na judío xaꞌa Jesús ya kúu ra Cristo.

ROMANOS 2:2

Xa xíni yo mií Ndioxi ku juez, ta mií ra ku ra sindoꞌo ndiꞌi naꞌa, na íkan saa.

ROMANOS 5:15

Chi ni köo iin káchi íin ya vaꞌa i̱kan Ndioxi xiꞌin ya väꞌa i̱kan ra Adán. Chi ndiꞌi naꞌa ndi̱xiꞌi xaꞌa kuachi ra Adán. Sundi chee ni ka ya vaꞌa i̱kan iin taa, ra kúu Jesucristo xiꞌin yo. Ndi̱xaꞌvi ni Ndioxi kuaꞌa ni naꞌa ndi̱niꞌi ya vaꞌa nuu ra, ya táxi koo vaꞌa yo xiꞌin ra, xaꞌa ya kúꞌvi ni ini ra xíni ra yoo.

ROMANOS 6:13

Nda iin ñaꞌñu ikin kuñu ndo täxi ndo ikan ya ndá ka ñaꞌa ya väꞌa. Ndinuꞌu ni ka ini ndo nditaxi ndo mií ndo ndaꞌa Ndioxi xaꞌa ya ikan ndo ya vaꞌa, ya ndaa nuu ra. Chi vitin kúu ndo naꞌa, na táku nuu ra, ta yachi tá iin na ndíi saa ndi̱xiyo ndo nuu ra. Yakan nditaxi ndiꞌi ndo mií ndo ndaꞌa ra, tá káa iin ndaꞌa chiñu ya xáa chiñu ndaku nuu Ndioxi, saa ná koo ndo xiꞌin ra.

ROMANOS 6:6

Saa chi tá ndi̱xiꞌi Jesucristo ndaꞌa cruzin, ta nda tá íin mií yo ndi̱xiꞌi saa ndi̱xiyo yo xiꞌin ra ndaꞌa nu. Ndaꞌa nu ikán ku nuu ndi̱ꞌi xaꞌa ya yata, ya ku̱u mií yo, ya ndee ni si̱keꞌe ini yo ikan yo ya väꞌa nuu Ndioxi.

1 Corintios 16:22

Tá ndá naꞌa köo kúꞌvi ini xíni Tata yo Jesucristo, ta vaꞌa ná nduu na, naꞌa na íyo chiꞌña xiꞌin. Chi xa kama ni va ndiko koo Tata yo Jesucristo.

1 Corintios 2:14

Ta naꞌa, na köo íyo Tachi I̱í Ndioxi xiꞌin ta köo kúchiñu na kundaa ini na xaꞌa ya vaꞌa ke̱e nuu ndivi, chi tá káa tuꞌun ya kíꞌvi va saa káa ya nuu na. Köo kúchiñu na kundaa ini na xaꞌa ya, saa chi ndisaa naꞌa, na kúu mií Tachi I̱í Ndioxi ku na kúchiñu kúndaa ini xiꞌin ya.

2 Corintios 3:7

Saa chi ley Ndioxi ya ta̱a ra nuu yu̱ú ikán ta̱xi ra ndaꞌa ra Moisés, ta ndi̱kaꞌan Ndioxi nuu ley ikán xaꞌa naꞌa, na köo xáa súvi ndiꞌi ya káꞌan ya ta xíniñuꞌu na kuvi na, káchi ya xaꞌa na. Yakan tá ndi̱kiꞌin ra Moisés ley ikán ta luvi ka vi ndi̱yeꞌe nuu ra ni köo ndi̱kuchiñu na Israel koto na nuu ra xaꞌa ya ndee ni ndi̱yeꞌe nuu ra. Ni saa va ta köo ndi̱kuchiñu ley ikán koo ya ndiꞌi saa tiempo.

2 Corintios 3:9

Tá tu ndee ni ndi̱yeꞌe ya luvi ni ku̱u mií ley Ndioxi ndi̱kiꞌin ra Moisés, vani káꞌan ya xaꞌa naꞌa ya ndiꞌi xaꞌa na xaꞌa kuachi na, ta yáꞌa ni ka va kaꞌnu ya vaꞌa, ya luvi ni, ya xa̱á, ya káꞌan ndá kuꞌva kua ndíkuiso vaꞌa Ndioxi yo nuu ra, ndúu yo tá íin naꞌa, na köo ka kuachi kúu mií nuu ra.

Gálatas 2:20

Ta yeꞌe, nda tá káa ra ínuu nuu cruzin xiꞌin Tata yo Jesucristo saa káa i, ta köo táku ka i xaꞌa mií i, chi ndisaa xaꞌa mií ra kua táku i. Kivi táku i ini ikin kuñu i ya kúu mií i, ta ndisaa xaꞌa ya ndáa ni ini i xíni i Tata yo Jesucristo ra kúu Seꞌe Ndioxi kua táku i, chi mií ra ku ra kúꞌvi ni ini xíni yeꞌe, saa ta̱xi ra mií ra ndi̱xiꞌi ra xaꞌa i.

Efesios 6:24

Ta mií Ndioxi ná chikaa ni ya vaꞌa ndiꞌi ndóꞌo̱ yáꞌa ni kúꞌvi ini xíni Tata yo Jesucristo. Saa ná koo.

Colosenses 2:13

Chi yachi tá íin ndóꞌo̱ ndíi saa ndi̱xiyo ndo xaꞌa kuachi ndo, ta ni tuni Ndioxi köo ndi̱xiyo ndóꞌo̱. Sundi vitin ta xa ta̱xi Ndioxi iin káchi táku ndo xiꞌin Tata yo Jesucristo, saa xa̱a kaꞌnu ini ra xaꞌa kuachi ndo.

Colosenses 3:3

Chi ndóꞌo̱, ta xa ndi̱xiꞌi va ndo xaꞌa kuꞌva yata ya ndi̱xiyo ndo yachi, ta vitin chi̱vaꞌa Jesucristo ndóꞌo̱ íyo ndo ndaꞌa Iva yo Ndioxi ra ndáa ni ndóꞌo̱.

1 Timoteo 2:6

Saa ta̱xi ra mií ra ndi̱xiꞌi ra xaꞌa kuachi ndiꞌi yo. Ta xaꞌa ya i̱kan ra saa kua cha̱ꞌvi ra xaꞌa yo, ya vaꞌa ku̱chiñu yo ndi̱saña ndika yo nuu kuachi yo. Ta ya yóꞌó ku tuꞌun vaꞌa ya ta̱xi Iva yo Ndioxi ndaꞌa na ñuu ivi yóꞌó, tá kivi chi̱tuni mií ra.

1 Timoteo 5:6

Ta ná kuâán ná ndi̱xiꞌi ndaa, ná xíka sií, ta xáa sií ná ini mií va ná, ni táku ná, ta tá íin ná xa ndi̱xiꞌi va, saa íin ná.

Tito 3:3

Chi saa ndi̱xiyo yo yachi tá täꞌan ndikundikun yo ichí Tata yo Jesucristo: kíꞌvi ni ndi̱xiyo ini yo, ikú ni ndi̱xiyo yo, tá íin yo nda̱ñuꞌu saa ndi̱xiyo yo nuu Ndioxi, ta xi̱nuꞌni yo ndaꞌa ndiꞌi kuachi ya ku̱too ni ikin kuñu yo ikan ya, kuaꞌa ni nuu ya väꞌa i̱kan yo, saa kûni ni ini yo xi̱ni yo naꞌa. Ta ndiꞌi naꞌa ndi̱saa ini xi̱ni yoo, ta saa tu yoo va, ndi̱saa ni ini yo xi̱ni yo na.

HEBREOS 2:9

Sundi xíto yo ya nda̱sa ni̱nu̱ Ndioxi Jesús uvi ndaa kivi nuu na tatun ra. Ta vitin ndi̱niꞌi ni ra ya vaꞌa ndi̱kunuu sunkun ni ya toꞌo ra, xaꞌa ya ndo̱ꞌo ni ra ndi̱xiꞌi ra, chi kúꞌvi ni ini Ndioxi xíni ra yoo yakan ta̱xi ra ndi̱xiꞌi Jesús xaꞌa ya vaꞌa ndiꞌi yo.

HEBREOS 6:10

Saa chi Ndioxi, ta vaꞌa ni ra, ndaa ni ini ra yakan ndïndoso ini ra xaꞌa chiñu ya íkan ndo, saa ndikaꞌán ini ra xaꞌa ndiꞌi ka ñaꞌa ya i̱kan ndo. Chi sínaꞌa ndo mií ndo ya kúꞌvi ni ini ndo xíni ndo ra, xaꞌa ya chíndee ndo naꞌa, na kándixa ñaꞌa. Ta nda vitin ta chíndee ka ndo na.

1 Pedro 1:8

Vani täꞌan kuni xiꞌin nuu ndo Tata yo Jesucristo, ta kúꞌvi ni ini ndo xíni ndo ra. Saa kándixa ni ndo ra ta täꞌan kuni ndo ra. Ta ndee ni kúsini ndo, ni köo níꞌi ndo kuꞌva ndikani ndo ya ndóꞌo ndo kúsini ni ndo xiꞌin ra.

1 Juan 5:19

Xíni yo seꞌe Ndioxi ku yoo ta ndáa ra yoo. Ta ndiꞌi ka naꞌa, na köo ndíkun ñaꞌa, ta kiti nǎꞌa ku ri xáꞌnda chiñu nuu na.