2 Corintios 5:11 - Xochapa Mixteco

¹¹ Ta xíni nde ya xíniñuꞌu ndiꞌi naꞌa xaa toꞌo na Ndioxi, xaꞌa ya ñaa kua xáꞌa ni nde ndee ya síxinu nde ini na ya ná xi̱nu ini na kundikun na ya ndaa. Chi mií Ndioxi ku ra xíni vaꞌa ndeꞌe, ta saa kúni nde ná kuni vaꞌa ndo ini nde, ndá kúꞌva ku mií ya ndaa íyo nde.

2 Corintios 5:11 ပူးပေါင်းရင်းမြစ်များ

San Mateo 10:28

Ku ïꞌvi ndo nuu naꞌa, na kúni kaꞌni ndóꞌo̱, chi küchiñu na kaꞌni na ya vaꞌa ndo. Sundi ku íꞌvi ndo nuu Ndioxi ra kuchiñu sindiꞌi xaꞌa ikin kuñu ndo xiꞌin ya vaꞌa ndo kuꞌun ya ndaya.

San Mateo 25:46

Ta saa kuꞌun na nuu tixuꞌvi ni na ndiꞌi saa kivi ya vaxi, ta na vaꞌa, na xáa súvi ya kúni Ndioxi ta kuꞌun na nuu kutaku na xiꞌin Ndioxi ndiꞌi saa kivi ya vaxi ―káchi Jesús xiꞌin na.

San Lucas 12:5

Ta vaꞌa ná kaꞌan i xiꞌin ndo ya kundaa ini ndo unku na xíniñuꞌu ndo ku íꞌvi ndo nuu: Ndioxi ku ra xíniñuꞌu ndo ku íꞌvi ndo nuu, saa chi kúu mií ra ichí kaꞌni ra ndóꞌo̱ ta saa taan ra ndóꞌo̱ ndaya. Ra ikán ku ra ku íꞌvi ndo kuni ndo ―káchi Jesús xiꞌin na.

San Lucas 16:31

Ñaa ndi̱kaꞌan ra Abraham, káchi ra saa: “Tá tu köo xíin nda kuni soꞌo nda nda ya ta̱a ra Moisés ni ya ta̱a nda ndi̱kaꞌan ndoso tuꞌun yuꞌu Ndioxi ta ni ná nditaku na ndíi kuꞌun na kaꞌan na xiꞌin nda ta küaꞌa vi nda kuni soꞌo nda”, káchi ra Abraham xiꞌin ra kuika ikán. Soꞌva káchi tuꞌun ndíchi ikán ―káchi Jesús xiꞌin na.

Los Hechos 13:43

Saa tá ndi̱ꞌi junta ikán ta kuaꞌa ni nda judío xiꞌin nda köo kúu judío nda káñuꞌu ni Ndioxi, ndi̱kundikun nda ra Pablo xiꞌin ra Bernabé. Saa káꞌan ra Pablo xiꞌin ra Bernabé xiꞌin nda ya ná kandixa ni ka nda Ndioxi vitin taan, ta saa niꞌi ka nda ya vaꞌa nuu ra, chi vaꞌa ni ini ra, káchi nda xiꞌin nda ikán.

Los Hechos 18:13

Ta̱xi na kuachi ndaꞌa na xaꞌa ra, káchi na saa: ―Ra xíka sáka xiní naꞌa ya ná käñuꞌu na Ndioxi tá kuꞌva káꞌan ley nde ku ra ―káchi na xiꞌin ra.

Los Hechos 18:4

Ta ndiꞌi kivi ndíkundee na judío xáꞌan ra Pablo veꞌe ñuꞌu sinagoga káꞌan ra xiꞌin na judío tin na köo kúu judío. Ndinuꞌu ini ra káꞌan ra xiꞌin na síxinu ra ini na ya ná ndikundikun na Jesús.

Los Hechos 19:26

Ta xi̱ni soꞌo mií ndo saa xíto ndo unkua íkan ra káꞌan na xiꞌin Pablo. Xíka ra síndaꞌvi ra naꞌa, káꞌan ra xiꞌin na süvi ndioxi ku naꞌna ya síkuaꞌa ndaꞌa yo, káchi ra. Ta xa kuaꞌa ni na sáka ra xiní xaꞌa ya káꞌan ra. Süvi iindaa ñuu Éfeso yóꞌó ndi̱kan ra saa ndiꞌi ni kúu ñuu estado Asia yóꞌó xíka ra íkan ra saa.

Los Hechos 26:26

Yóꞌó íin ra rey Agripa ta kúndaa vaꞌa ini ra xaꞌa ya káꞌan i. Chi köo íyo sêꞌe ya káꞌan i xaꞌa xiꞌin ndo, yakan vaꞌa ndinuꞌu ni ini i káꞌan i xiꞌin ndo ―káchi ra Pablo xiꞌin ra Festo.

Los Hechos 28:23

Ñaa ki̱ndoo na kivi ndá kivi kua ndi̱kaya na kuni soꞌo na kaꞌan ra. Ta kuaꞌa ka vi na ndi̱xaa nuu ra kivi ya ki̱ndoo na. Ñaa xa̱á ra ndítuꞌun ra xiꞌin na nuu ndíkuiin ra xaꞌa ichí ya xáꞌnda chiñu Ndioxi. Nda xitaan xa̱á ra káꞌan ra iin saa nda xikuaa. Síxinu ra ini na ya kundaa ini na xaꞌa Jesús, chi suvi xaꞌa ra kua ta̱a ra Moisés tin ya ta̱a nda ndi̱kaꞌan ndoso tuꞌun yuꞌu Ndioxi xinaꞌa.

2 Corintios 2:17

Ndeꞌe, ta köo kíꞌin nde yaꞌvi nde xaꞌa ya ndítuꞌun nde tuꞌun Ndioxi xiꞌin naꞌa, tá kuꞌva íkan sava na, chi síndaꞌvi na ivi. Sundi ndeꞌe, ta ndaa ni ndítuꞌun nde xiꞌin na. Nuu Ndioxi káꞌan nde xiꞌin na, chi mií ra ku ra ti̱ꞌvi ndeꞌe kaꞌan ndoso nde xaꞌa ra, xaꞌa ya xa iin ndi̱kitaꞌan nde xiꞌin Jesucristo.

2 Corintios 5:20

Ta ndeꞌe, tá káa ra xikuaꞌa xíka nuu, saa íin nde, chi ka̱na Ndioxi ndeꞌe ya xíka nuu nde nuu ra ndítuꞌun nde xiꞌin naꞌa. Ta yuꞌu mií Jesucristo kua káꞌan nde xiꞌin ndo, tá káꞌan nde xiꞌin ndo saa, ta tá íin ndeꞌe xáku ndaꞌvi nuu ndo saa íin nde, chi kána Ndioxi ndóꞌo̱ tixin ndeꞌe ya ná ndikitaꞌan mani ndo xiꞌin ra.

2 Corintios 6:1

Ndóꞌo̱ xiꞌin ndeꞌe, ta iin káchi xáa chiñu yo nuu Ndioxi, yakan xíkan ni nde ya mani nuu ndo ya ná kundàà vií ni ndo ya vaꞌa ndi̱niꞌi ndo nuu Tata yo.

Gálatas 1:10

Xaꞌa ya ndi̱tuꞌun i xiꞌin ndo, ta ¿án ndíkani ini ndo ya kúni i ná kaꞌan vaꞌa naꞌa xaꞌa i kua, túvi ndo? ¿án ya kaꞌan vaꞌa Ndioxi xaꞌa i kua túvi ndo? Chi tá tu kúni i kindoo vaꞌa i nuu naꞌa, ta süvi ra xáa chiñu nuu Jesucristo vi kuu i, ndikuu.

Efesios 5:21

Xíniñuꞌu ndo xaa ni̱nu̱ ndo mií ndo ya chindee taꞌan ndo xiꞌin taꞌan ndo xaꞌa ya xáa toꞌo ndo Jesucristo.

HEBREOS 10:31

¡Ta yáꞌa ni ndee tindoꞌo kixi nuu yo ikan Iva yo Ndioxi, ra táku, tá ná nditaꞌan ra yoo íkan yo ya väꞌa!

HEBREOS 12:29

Saa chi mií Iva yo Ndioxi ta tá káa ñu̱ꞌu̱ ya ndee ni xáꞌmi ndiꞌi ñaꞌa, saa káa ra.

Judas 1:23

Ta chindee taꞌan ndo xiꞌin na ná kaku na, ndixita ndo na täxi ndo kuꞌun na nuu koko na, saa kundaꞌvi ni ini ndo kuni ndo inka na, ta xíniñuꞌu kuenta ni koo ndo xiꞌin mií ndo, saa ná kundási nuu ndo chiñu väꞌa ya kini ni íkan na.

El Apocalipsis 20:15

Ta ndiꞌi na köo ndóso kivi nuu tutu Ndioxi ya koo na xiꞌin ra, ta ki̱ꞌin tatun Ndioxi na ta̱an ya ini xitun nuu ndee ni xíxi ñu̱ꞌu̱.