2 Corintios 5:10 - Xochapa Mixteco

¹⁰ Saa chi xa kúndaa ini yo vaxi kivi ta kundita ndiꞌi yo nuu Tata yo Jesucristo, nuu índuꞌu ra xáa nani ra kuachi. Ta saa kundita yo nuu ra ya xaa nani ra kuachi xiꞌin iin iin yo nuu chaꞌvi ra yoo xaꞌa chiñu i̱kan yo, án ya vaꞌa i̱kan yo, án ya väꞌa i̱kan yo kivi xi̱taku yo ini ikin kuñu yo ñuu ivi yóꞌó.

2 Corintios 5:10 ပူးပေါင်းရင်းမြစ်များ

San Mateo 16:27

Ta yeꞌe, Taa ra xa̱a ñuu ivi yóꞌó, vaxi kivi ndiko koo i ñuu ivi yóꞌó xiꞌin ndee ya vaꞌa Iva i Ndioxi, ta kixi na tatun ra xiꞌin i, ta saa chaꞌvi i iin iin na xaꞌa ya vaꞌa án ya väꞌa i̱kan na ñuu ivi yóꞌó.

Los Hechos 10:42

Ta ti̱ꞌvi ra ndeꞌe kaꞌan ndoso nde tuꞌun Ndioxi tin ndituꞌun nde xiꞌin na xaꞌa Jesús chi ndaꞌa ra ikán kua ta̱xi Ndioxi ichí ya taxi ra kuachi xaꞌa na íyo kuachi ta saña ra na köo kuachi, saa ikán ra xiꞌin na táku tin na ndíi.

Los Hechos 17:31

Chi Ndioxi ta xa ndi̱kaxin ra Jesús, Seꞌe ra ya kixi ra iin kivi ya xaa nani ra kuachi xiꞌin ndiꞌi na ñuu ivi, ta nina xiꞌin ya ndaa ikan ra saa xiꞌin na. Chi Ndioxi ta̱xi ra xi̱ni ndiꞌi na ñuu ivi tá kivi si̱taku ra Jesús tañu na ndíi ―káchi ra Pablo xiꞌin na.

ROMANOS 2:16

Ndiꞌi ya yóꞌó kuu tá ná tindaa kivi taxi Ndioxi ichí ndaꞌa Jesucristo ya xaa nani ra kuachi ndiꞌi naꞌa. Nda kuachi ya íkan sěꞌe na xaa nani ra ya xiꞌin na. Ya ikan Ndioxi saa, iin ku ya xiꞌin tuꞌun ya káꞌan ndoso i xiꞌin ndiꞌi naꞌa.

ROMANOS 6:19

Xiꞌin tuꞌun ya vaꞌa kundaa ini ndo xiꞌin ku ya káꞌan i xiꞌin ndo xaꞌa naꞌa na sa̱ta iin ra xáa chiñu na nuu ra. Chi xaꞌa ya kúu ndo na ñuu ivi yóꞌó ta ndíchi ni saa kundaa ini ndo xiꞌin ya. Sundi yachi tá täꞌan kandixa ndo Jesucristo, ta ta̱xi xiꞌin mií ndo ndaꞌa ya väꞌa i̱kan ni ndo ya kini, yakan vitin ta xíniñuꞌu ndo nditaxi ni ndo mií ndo ndaꞌa Ndioxi ya kuchiñu xaa súvi ndo ya vaꞌa, ya ndaa kúni mií ra.

1 Corintios 4:5

Xaꞌa ya ñaa kua káꞌan i xiꞌin ndo, táxi i nuu ndo. Käꞌan kama ni ndo xaꞌa naꞌa ya xaa nani ndo kuachi xiꞌin na. Kundatun ndo nda ná xinu mií tiempo ya ndiko koo Tata yo Jesucristo, chi mií ra ku ra sindiyeꞌe ndiꞌi saa kúu. Ta saa kua ndituvi ndiꞌi ñaꞌa ya íyo sěꞌe vitin. Ta saa kua ndituvi nda ñaꞌa ya íyo sěꞌe nima naꞌa, ndá kuꞌva ku ya ndíkani ini na. Ta suvi mií tiempo ikán kua xaa kaꞌnu Ndioxi naꞌa, tá kuꞌva íyo ya i̱kan na, saa koo ya ikan ra xiꞌin na.

2 Corintios 7:3

Ya káꞌan i soꞌva xiꞌin ndo ta köo káꞌan i saa xiꞌin ndo ya táxi i kuachi xaꞌa ndo, saa chi ndee ni kúꞌvi ini nde xíni nde ndóꞌo̱, tá íyo ya xa ndi̱kaꞌan nde xiꞌin ndo, saa íyo ya. Ta nda iin ñaꞌa täꞌvi yoo xiꞌin taꞌan yo, ni ya táku yo vitin ni ya ná kuvi yo, köo ñaꞌa taꞌvi mií yo.

Efesios 6:8

Ta vaꞌa ná kundaa ini ndo chi vaxi kivi ta chaꞌvi mií Tata yo Jesucristo iin iin yo xaꞌa chiñu vaꞌa i̱kan yo, án yo xáa chiñu xiꞌin ya nduxa ku yo, án yo íyo ndíka ku yo, ta iin káchi chaꞌvi ra ndiꞌi yo.

HEBREOS 9:27

Tá ndo̱ꞌo Tata yo Jesucristo ndi̱xiꞌi ra iindaa ichí, ta saa kundoꞌo ndiꞌi yo, iindaa ichí va kuvi yo, ta sindiꞌi saa xaa nani Ndioxi kuachi yo.

1 Pedro 4:5

Ta kündiꞌi ini ndo xaꞌa na, chi vaxi kivi ta ndikuaꞌa ndiꞌi na kuenta nuu Iva yo Ndioxi xaꞌa ya väꞌa íkan na, chi mií ra ku ra íyo ichí ndaꞌa, ta xa íyo ndúvi ra ya xaa nani ra kuachi xiꞌin ndiꞌi naꞌa, nuu taxi ra kuachi xaꞌa na táku tin na xa ndi̱xiꞌi.

El Apocalipsis 2:23

Ta naꞌa, na kúu seꞌe yá, ta taxi i kueꞌe kuvi ndiꞌi na. Saa kundaa ini ndiꞌi naꞌa, na kándixa yeꞌe ya xíni ndiꞌi i ya íyo nima na xiꞌin ya ndíkani ini na. Ta saa chaꞌvi i iin iin na, tá kuꞌva íyo ya i̱kan na, saa koo yaꞌvi na.

El Apocalipsis 22:12

Ta saa ndi̱kaꞌan Tata yo Jesucristo, káchi ra saa: ―¡Koo tuꞌva ndo, chi kama ni ndiko koo tuku i! Ta saa kuniꞌi i ya chaꞌvi i iin iin naꞌa, tá íyo chiñu i̱kan na saa koo ya chaꞌvi i na.