2 Corintios 4:5 - Xochapa Mixteco

⁵ Tá káꞌan ndoso nde tuꞌun vaꞌa xaꞌa Jesucristo xiꞌin naꞌa, ta süvi xaꞌa mií nde kua káꞌan nde xiꞌin na, chi xaꞌa mií Jesucristo kua káꞌan nde xiꞌin na, ya kúu ra Tata yo. Ta ndeꞌe, tá íin moso ndo, na xáa chiñu nuu ndo, saa íin nde. Ta xaꞌa Tata yo Jesucristo kua íkan nde saa.

2 Corintios 4:5 ပူးပေါင်းရင်းမြစ်များ

San Mateo 23:8

’Sundi ndóꞌo̱ ta ïkan ndo saa, täxi ndo kaꞌan naꞌa xiꞌin ndo “maestro”, saa chi iindaa Cristo ku maestro nuu ndo, ta ndiꞌi ndo ta iin káchi íin ndo nuu taꞌan ndo.

San Mateo 3:11

Yeꞌe, ta síkuchi i ndóꞌo̱ xiꞌin tikuii, ya sínaꞌa ndo mií ndo nuu naꞌa ya ndi̱nama ndo kuꞌva íyo ndo. Sundi íyo inka ra vaxi sindiꞌi, ta ndee ni ra ikán nuu yeꞌe. Ra ikán ku ra sikuchi ndóꞌo̱ xiꞌin Tachi I̱í Ndioxi xiꞌin ñu̱ꞌu̱ ya xíxi. Xaꞌa ya ndee ni ra ta nda nduxan ra küvi loꞌo kundiso i.

San Juan 7:18

Iin taa, ra káꞌan xaꞌa ichí kúu mií ra, ta íkan ra saa chinuu vaꞌa ra tuꞌun ra ya ná xaa toꞌo ñaꞌa inka naꞌa. Sundi tá íyo iin ra köo chínuu vaꞌa ra tuꞌun mií ra, ta ndíkundee ra ndúku ra ya ná chinuu vaꞌa naꞌa tuꞌun ra ti̱ꞌvi ñaꞌa, ta saa kúndaa ini yo ra ndaa ku ra, ta köo ya síki íyo ini ra.

Los Hechos 10:36

Ta ndi̱kaꞌan Ndioxi xiꞌin ndeꞌe judío, tá ti̱ꞌvi ra Tata yo Jesucristo ki̱xi ra ndi̱kaꞌan ndoso ra tuꞌun vaꞌa ya táxi koo vaꞌa ni ini yo, chi ra ikán ku ra xáꞌnda chiñu nuu ndiꞌi yo ―káchi ra Pedro xiꞌin na.

Los Hechos 2:36

Ta xaꞌa ya ñaa kua xíniñuꞌu kundaa ini ndiꞌi ndóꞌo̱ na taꞌan yo Israel chi suvi mií Jesús ra chi̱nuu ndo nuu cruzin ku ra kúu Cristo ra sikaku yoo ―káchi ra Pedro xiꞌin nda.

Los Hechos 5:31

Ta Ndioxi ta̱xi ra chiñu ndee ni ndaꞌa Jesús, ta̱xi ra ichí ndaꞌa ra ndu̱u ra iin ra chee ni ndi̱kunduꞌu ra ñaꞌñu kuáꞌá Ndioxi. Ta̱xi tu ra ichí ndaꞌa ra ya sikaku ra naꞌa ya ná kuchiñu na ndinama ini na, ta saa xaa kaꞌnu ini Ndioxi xaꞌa kuachi na.

1 Corintios 1:23

Sundi ndeꞌe, ta xaꞌa Jesucristo, ra ndi̱xiꞌi nuu cruzin xaꞌa kuachi va yo kua káꞌan ndoso nde xiꞌin na. Ta tuꞌun yóꞌó nda tá káa yu̱ú nuu káchiꞌi xaꞌa na kóyo na, saa káa ya nuu na judío. Ta na griego ndíkani ini na, tá káa ya kíꞌvi va, saa káa ya nuu na.

1 Corintios 10:33

Vaꞌa ka ikan ndo tá kuꞌva íkan yeꞌe: ndiꞌi saa kivi xáꞌa i ndee xiꞌin na, síndiko i ini na. Nina xaꞌa inka na ndíkani ini i, ni köo ndíkani ka ini i ndisaa xaꞌa mií i, ya ná kuchiñu chindee taꞌan i xiꞌin na ya kuchiñu na kaku na.

1 Corintios 12:3

Xaꞌa ya ñaa kua káꞌan i xiꞌin ndo, nda iin naꞌa, küvi tavi chiꞌña na Jesús tá tu kúu mií na Tachi I̱í Ndioxi. Ta saa tu nda iin na küvi kaꞌan: “Jesús kúu Tata nde ra chee ni nuu nde”, kachi na, tá tu köo Tachi I̱í Ndioxi kúu mií na.

1 Corintios 15:47

Chi taa ra núnu̱ú, ta xiꞌin ñuꞌú ndi̱kuaꞌa ra, ta ra ivi yóꞌó ku ra, sundi taa ra uvi, ra ku Tata yo Jesucristo, ta ra ke̱e nuu ndivi ku ra ikán.

1 Corintios 2:2

Saa tá ndi̱xiyo i xiꞌin ndo, ta chi̱kaa ini i kaꞌan i xiꞌin ndo ndisaa xaꞌa Cristo, ta köo ndi̱xiin i kaꞌan i xiꞌin ndo ndá ka ñaꞌa, ndisaa xaꞌa ya ndi̱xiꞌi ra nuu cruzin kua ndi̱kaꞌan i xiꞌin ndo.

1 Corintios 4:15

Vani nda uxi mil ná koo nda sínaꞌa ndóꞌo̱ xaꞌa Tata yo Jesucristo, sundi iindaa va ku iva ndo. Ta yeꞌe, tá káa iva ndo, saa káa i. Chi yeꞌe ku ra núnu̱ú ndi̱tuꞌun xiꞌin ndo tuꞌun vaꞌa xaꞌa Jesucristo, ta saa ndi̱kitaꞌan vaꞌa ndo xiꞌin ra.

1 Corintios 8:6

Sundi nuu mií yo, ta iindaa mituꞌun va ku Iva yo Ndioxi mií ra ndaa ni, ta ndaꞌa mií ra kua vaxi ndiꞌi ñaꞌa ya xíniñuꞌu yo, xaꞌa mií ra kua táku yo. Ta saa íyo iindaa Tata yo Jesucristo ta tixin mií ra kua ndi̱kuaꞌa ndiꞌi ñaꞌa, ta si̱kuaꞌa tu ra mií va yo.

2 Corintios 1:19

Saa chi ra ñani yo ra Silvano xiꞌin ra Timoteo tin yeꞌe, ta ndi̱kaꞌan ndoso nde xiꞌin ndo xaꞌa Tata yo Jesucristo, ra kúu Seꞌe Ndioxi. Ta köo uvi yuꞌu ra, nina ya ndaa káꞌan ra ndiꞌi saa kivi, ta ndixa síxinu ra tuꞌun káꞌan ra.

2 Corintios 1:24

Ta ya ñaa ta köo kúni kachi ya, xáꞌnda ni nde nuu ndo xaꞌa kuꞌva ya ndáa ini ndo xíni ndo Ndioxi, chi ndóꞌo̱ ta xa ndee ni va ndáa ini ndo xíni ndo ra, ta ndisaa ya kúni ndeꞌe kua, iin káchi xaa chiñu nde xiꞌin ndo nuu chindee taꞌan nde xiꞌin va ndo ya ná kusini ni ndo.

Gálatas 5:13

Ñani yo, Ndioxi ta ka̱na ra ndóꞌo̱ ya koo ndo tá íin naꞌa, na íyo ndika, sundi täxi ndo xaa súvi ikin kuñu ndo ndá ka ñaꞌa väꞌa, ya kúni mií ndo. Vaꞌa ka ndiꞌi saa ichí chindee taꞌan ni ndo xiꞌin taꞌan ndo, xaꞌa ya kúꞌvi ni ini ndo xíni taꞌan ndo.

Filipenses 1:15

Sundi sava na ta káꞌan ndoso na xaꞌa ra xiꞌin ya uní ini, chi kúni na keꞌe taꞌan na xiꞌin i ya sikáku na kuachi xiꞌin i. Sundi sava na ta ndinuꞌu ni va ini na káꞌan ndoso na xaꞌa tuꞌun ra.

Filipenses 2:11

Ta ndiꞌi ni kúu naꞌa ndikuni ra ta kaꞌan na xaꞌa ra, kachi na saa: “Jesucristo ku ra Chee ni xáꞌnda chiñu nuu ndiꞌi yo”, kachi na. Ta saa kua ndikunuu sukun ni ya toꞌo Iva yo Ndioxi nduu chee ni ya.

2 Timoteo 2:10

Ta xaꞌa ya ikán kua xáꞌa ndee ndiꞌi ini i ndóꞌo̱ ni i xaꞌa naꞌa, na ndi̱kaxin Ndioxi ya ná niꞌi na ya vaꞌa kaku na tixin Tata yo Jesucristo, ta saa kuchiñu na koo na xiꞌin ra ndiꞌi saa kivi nuu luvi ni káa nuu ndee ni yéꞌe̱.

Tito 1:11

Ta nda íkan saa ta síndiꞌi xaꞌa nda naꞌa, ínii veꞌe síndiꞌi xaꞌa nda xiꞌin tuꞌun ya sínaꞌa nda na, ta saa ndátun nda chaꞌvi naꞌa nda xaꞌa ya väꞌa sínaꞌa nda na. Ta ndiꞌi nda íkan saa, ta vaꞌa ndikasi un yuꞌu nda, täxi un sinaꞌa ka nda naꞌa xaꞌa ya íkan nda saa.

2 Pedro 2:3

Chi nda ikán ta ya ndee ni kúni nda ku xuꞌun ndo xaꞌa ya sínaꞌa nda ndóꞌo̱ tuꞌun vata. Ta vaꞌa ná kundatun naꞌa nda chi xa ta̱xi Ndioxi kuachi xaꞌa nda, xa xinaꞌa vi íyo ya xaꞌa nda ta kama ni kuu saa xiꞌin nda, ni käku ka vi nda ndakua ndiꞌi xaꞌa nda ikan Ndioxi.