2 Corintios 4:18 - Xochapa Mixteco

¹⁸ Xaꞌa ya ñaa kua köo xíka ini nde xaꞌa ñaꞌa ya vaꞌa xíto xiꞌin nuu yo, chi ya küvi kuni yo ku ya ndáa yaꞌvi ni ka nuu nde. Saa chi ñaꞌa ya xíni xiꞌin nuu yo ta kama ni va ndíꞌi xaꞌa ya, sundi ñaꞌa ya köo xíni xiꞌin nuu yo ta ndiꞌi saa va ichí íyo ya.

2 Corintios 4:18 ပူးပေါင်းရင်းမြစ်များ

San Mateo 25:46

Ta saa kuꞌun na nuu tixuꞌvi ni na ndiꞌi saa kivi ya vaxi, ta na vaꞌa, na xáa súvi ya kúni Ndioxi ta kuꞌun na nuu kutaku na xiꞌin Ndioxi ndiꞌi saa kivi ya vaxi ―káchi Jesús xiꞌin na.

2 Corintios 5:7

Ta vitin táku yo ta ndáa ni ini yo xíni yo ra, ta süvi xaꞌa ya xa xi̱ni xiꞌin nuu yo ra kua ndáa ini yo xíni yo ra.

2 Tesalonicenses 2:16

Ta mií Tata yo Jesucristo xiꞌin mií Iva yo Ndioxi ku ra kúꞌvi ni ini xíni yoo, saa si̱ndiko ra ini yo ndiꞌi saa kúu ichí, ta ndixaꞌa ni ra ndee xiꞌin yo ya ndee ni tuun kundikun yo ra, xaꞌa ya vaꞌa ni ini ra xiꞌin yo.

HEBREOS 11:1

Xaꞌa ya ndinuꞌu ni ini yo ndáa ini yo Ndioxi yakan kúndaa teꞌe ini yo ya taxi ra ñaꞌa ndátun yo ndaꞌa yo. Vani täꞌan kuni yo ya, ta xíni yo taxi ra ya ndaꞌa yo.

HEBREOS 11:13

Ta ndiꞌi na káꞌan yo xaꞌa yóꞌó ta xi̱ndaa ni ini na xi̱ni na Ndioxi, saa ndi̱xiꞌi ndiꞌi na, ta köo ndi̱kiꞌin na ñuꞌú ya ndi̱kaꞌan Ndioxi taxi ra ndaꞌa na. Sundi xaꞌa ya xi̱ndaa ni ini na xi̱ni na ya ndi̱kaꞌan Ndioxi taxi ra ya ndaꞌa na, vani xi̱ni xika na ya, ta saa ku̱sini ni na ndikiꞌin na ya. Saa ndi̱kani ini na süvi ñuu na ku ñuu ivi yóꞌó, na xi̱ndoo tóo va ku na nuu ya, ta saa yáꞌa na kuaꞌan va na.

HEBREOS 9:11

Sundi Jesucristo ta xa ki̱xi ra ñuu ivi yóꞌó, ta vitin ra ikán ku ra kúu sutu ra chee ni nuu yo. Chi ki̱xi ra ya taxi ra ndiꞌi ya vaꞌa kúu mií Ndioxi ndaꞌa yo. Ta vitin íyo ra xáa chiñu ra veꞌe ñuꞌu ya chee, ya luvi ni íyo nuu ndivi, ya ndee ni ka vaꞌa ku ya ikán nuu ya íyo ñuu ivi yóꞌó, saa chi süvi na ivi yóꞌó ku na ndi̱sikuaꞌa ya, Ndioxi ku ra si̱kuaꞌa ya.

1 Juan 2:25

Saa chi Tata yo Jesucristo ki̱ndoo ra taxi ra ya ndi̱kaꞌan ra taxi ra ndaꞌa yo, ta ya ikán kua yóꞌó: taxi ra koo yo xiꞌin ra ndiꞌi saa tiempo.