2 Corintios 4:14 - Xochapa Mixteco

¹⁴ Saa chi ndeꞌe, ta xíni nde ya si̱taku Ndioxi Jesús ta saa sitaku tu ra yoo va. Saa tu ndóꞌo̱ va, iin káchi sitaku ra ndiꞌi yo, ta saa kundaka ra yoo kuꞌun yo xiꞌin ra nuu íyo mií ra.

2 Corintios 4:14 ပူးပေါင်းရင်းမြစ်များ

San Lucas 21:36

Xíniñuꞌu ndo koo nduvi ndo, ndinuni kaꞌan ndo xiꞌin Ndioxi ndiꞌi saa tiempo ya ná ndöꞌo ndo saa, ta kuchiñu ndo kaku ndo nuu ndiꞌi tindoꞌo ya vaxi ñuu ivi. Ta saa kuchiñu ndo kundita ndo ndikuiso ndo yeꞌe, Ra xa̱a ñuu ivi yóꞌó ―káchi Jesús xiꞌin na.

Los Hechos 2:24

Sundi tá ndi̱xiꞌi ra ta köo ndi̱taxi Ndioxi ndoo ra ndikaa ra ndaꞌa ya ndíi, chi köo ichí ya ndíi kaꞌnda chiñu ya nuu ra.

Los Hechos 2:32

Ta vitin ndeꞌe ku testigo xaꞌa Jesús ya si̱taku Ndioxi ra tixin ñuꞌú.

ROMANOS 8:11

Ndioxi ku ra si̱taku Jesús tá ndi̱xiꞌi ra. Ta suvi ni mií ra si̱taku Cristo Jesús ku ra taxi kutaku ndo. Saa taxi ra kutaku ikin kuñu ndo ya ndíꞌi xaꞌa. Tixin mií Tachi ra ya íyo xiꞌin ndo kua sitaku ra ndoꞌo̱.

1 Corintios 6:14

Tá kuꞌva si̱taku Ndioxi Tata yo Jesucristo, ta saa sitaku tu ra ikin kuñu yoo va xiꞌin ndee mií ra.

2 Corintios 11:2

Chi yeꞌe, ta ndee ni ndíꞌi ini i xaꞌa ndo, tá kuꞌva ndíꞌi ini Ndioxi xíni ra ndóꞌo̱, saa ndíꞌi ni ini i xíni i ndóꞌo̱. Chi ki̱ndoo i taxi i ndóꞌo̱ ndaꞌa ra, tá kuꞌva íkan taa, táxi ra seꞌe síꞌi ra tíndaꞌa yá xiꞌin iin taa. Ta kuꞌva saa íyo yeꞌe nditaxi i ndóꞌo̱ ndaꞌa Jesucristo tindaꞌa ndo xiꞌin ra. Tá kuꞌva íin ná kuâán taki vali ná täꞌan tindaa nda iin taa, kuꞌva saa kúni i koo ndo nditaxi i ndóꞌo̱ ndaꞌa Jesucristo.

Efesios 5:27

I̱kan ra saa xiꞌin yo ya kuchiñu yo kuu yo na veꞌe ñuꞌu, na ndee ni vaꞌa náꞌa, na luvi ni íin. Chi ndi̱xiꞌi Cristo xaꞌa yo ya kuchiñu yo nduu yo naꞌa, na köo nda loꞌo paꞌa kuachi kúu mií nuu ra, ni tá kúꞌva ndóꞌo toto ya nda loꞌo páꞌa ka yakua köo nuu ya ta ni köo kútii ya. Chi mií ra ta kúni ra ná kuu yo naꞌa, na ií nuu ra.

Colosenses 1:22

xaꞌa ya ndi̱xiꞌi Cristo tá xi̱tikaa ndaa ikin kuñu ra ndaꞌa cruzin kua ndi̱kitaꞌan mani ndo xiꞌin Ndioxi. Saa nda̱sa i̱í Cristo ndóꞌo̱ nuu Ndioxi, ndu̱u ndo naꞌa, na vaꞌa, na köo yakua ka, na köo ka kuachi kúu mií nuu ra.

Colosenses 1:28

Ta ndeꞌe káꞌan ndoso nde xaꞌa ra xiꞌin ndiꞌi naꞌa, ndíkani nde nuu na, saa sínaꞌa nde na xaꞌa ndiꞌi tuꞌun ra ya ndíchi táxi Ndioxi ndaꞌa nde. Chi kúni i sinaꞌa i na yóꞌó nuu Ndioxi ya nduu na naꞌa, na ndǎku ni ini nuu ra, ta xa ku̱ndaa vaꞌa ini na xiꞌin tuꞌun ra.

1 Tesalonicenses 4:14

Chi xaꞌa ya kándixa yo ndi̱xiꞌi Jesús saa kándixa tu yo ya ndi̱taku ra. Ta kuꞌva saa sitaku Ndioxi ndiꞌi yoo kándixa ñaꞌa, sitaku ra yo koo yo xiꞌin Jesús.

Santiago 5:15

Tá ndáa ni ini mií na xikuaꞌa ikán Ndioxi ta sinduvaꞌa ra mií na kúꞌvi, nduvaꞌa na. Saa tá ndá ya väꞌa i̱kan na ta xaa kaꞌnu ini Ndioxi xaꞌa kuachi na.

Judas 1:24

Ná xaa kaꞌnu ni yo Ndioxi chi ndee ni ndee kúu mií ra ya chindee ra yoo ya ná sïndikoo yo ichí ra ya ndaa kándixa yo. Ta vaxi kivi kundita yo nuu ra nuu íyo ndiꞌi ya kaꞌnu luvi ni. Saa ndasa vaꞌa ra yoo nduu yo naꞌa, na köo ka kuachi kúu mií nuu ra, ta yáꞌa ni kusini yo kivi ikán.