2 Corintios 4:10 - Xochapa Mixteco

¹⁰ Nda mií nuu kuaꞌan nde, ta tindoꞌo ya ndóꞌo ikin kuñu nde kua káꞌan xaꞌa nde ya ndóꞌo ni nde, chi saa ndo̱ꞌo ni mií Tata yo Jesucristo ndi̱xiꞌi ra. Ta xiꞌin ya ndóꞌo nde saa kua vaꞌa xíto naꞌa ya táku ra ini nde.

2 Corintios 4:10 ပူးပေါင်းရင်းမြစ်များ

San Juan 14:19

Tixin soo uvi ndaa kivi ta küni ka na ñuu ivi yóꞌó yeꞌe, sundi ndóꞌo̱ ta kuni ndo yeꞌe, saa chi yeꞌe ta táku i, yakan vaꞌa kutaku ndo xiꞌin i.

ROMANOS 6:5

Xíni yo xaꞌa ya iin kuꞌva chi̱chi yo xiꞌin Jesucristo ta kúni kachi ya iin káchi ndi̱xiꞌi yo xiꞌin ra. Xaꞌa ya ikán kua kúndaa ini yo ya iin káchi nditaku yo kivi vaxi, tá kuꞌva ndi̱taku Jesucristo.

ROMANOS 6:8

Xaꞌa ya ndi̱xiꞌi yo xiꞌin Jesucristo, ta saa kándixa tu yo ya koo yo xiꞌin ra ndiꞌi saa kivi ya vaxi va.

ROMANOS 8:36

Nda tuꞌun Ndioxi ya ta̱a na xinaꞌa, káchi ya saa: Xaꞌa ya kándixa nde yóꞌo̱, Iva yo Ndioxi, ta kúni na kaꞌni na ndeꞌe ndiꞌi saa kivi. Íkan na saa xiꞌin nde tá kuꞌva íkan na xiꞌin iin kiti levo loꞌo, tá ku̱aꞌan ri nuu kuvi ri, káchi tuꞌun Ndioxi.

2 Corintios 1:5

Saa chi ndeꞌe, ta ndee ni kuandaa kuachi sata nde, tíxuꞌvi ni nde xaꞌa ya ndíkun nde Tata yo Jesucristo. Yakan tá kuꞌva kuandaa ni kuachi nde, kuꞌva saa kuandaa ni tu ya síndiko ra ini va nde.

2 Corintios 1:9

Ta xa iin chi̱kaa va ini nde kuvi nde, chi siloꞌo yuꞌu kuvi nde, ndikuu. Saa ndo̱ꞌo nde ya ná sikuaꞌa nde kundaa ni ini nde kuni nde Ndioxi, ta ná kündaa ni ini nde kuni ndee mií nde, saa chi iindaa Ndioxi ku ra sítaku na ndíi, na xa ndi̱xiꞌi.

2 Corintios 13:4

Ya ndixa kua vita ni ndi̱xiyo ini ra tá xi̱nuu ra nuu cruzin ndi̱xiꞌi ra, sundi vitin ta táku ra xiꞌin ndee Ndioxi. Ta saa ndeꞌe, tá kuꞌva vita ndi̱xiyo ini Jesucristo, saa vita íyo ini nde. Ta kutaku nde xiꞌin ra xaꞌa ndee Ndioxi, tá kuꞌva táku mií Jesucristo ya kuchiñu nde chindee nde ndóꞌo̱.

2 Corintios 4:11

Ta ndeꞌe táku nde, ta ndiꞌi saa ichí xíka ìyo ni nde nuu ya kuvi nde xaꞌa Jesús. Íkan nde saa ya ná kuni naꞌa ya táku ra xiꞌin nde, vani ya ndíꞌi xaꞌa ku ikin kuñu nde.

Gálatas 6:17

Ñani yo, yóꞌó ku nuu káꞌan i xiꞌin ndo, xíkan ni i ya mani nuu ndo, täva ka ndo kuachi xiꞌin i. Chi yeꞌe, ta ndee ni va kuaꞌa yanda íyo ikin kuñu i nuu ti̱kueꞌe ni i xaꞌa ya ndóꞌo ni i xaꞌa Tata yo Jesucristo.

Colosenses 1:24

Ta yeꞌe, ta kúsini ni va i ya tíxuꞌvi i xaꞌa ndo vitin ñani yo xiꞌin kuꞌva yo na veꞌe ñuꞌu, chi xaꞌa ya tíxuꞌvi i saa kua síxinu ka i ya ti̱xuꞌvi ni Jesucristo xaꞌa ndóꞌo̱ kándixa ra, chi ikin kuñu ra ku ndo.

2 Timoteo 2:11

Ta ya káꞌan i xiꞌin ndo yóꞌó, ta ya ndaa ni kua: tá tu xíꞌi yo xiꞌin ra, ta saa kutaku tu yo xiꞌin va ra.

1 Pedro 4:13

Tá ndóꞌo ndo saa ta kusini ni ndo, chi iin káchi ndóꞌo ndo tá kuꞌva ndo̱ꞌo mií Tata yo Jesucristo. Saa tá ná ndiko koo tuku ra kixi ra ta kuni ndo ndee ya chee luvi ni kúu mií ra, ta kusini ni ndo.

1 Pedro 4:14

Tá ndá naꞌa kánaꞌa xaꞌa ndo ya ndíkun ndo Tata yo Jesucristo, ta vaꞌa ni kée ndo chi íyo Tachi I̱í Ndioxi ya ndee ni xiꞌin ndo, chi naꞌa, na köo xíni Ndioxi ta na kánaꞌa va ku na xaꞌa ra, ta ndóꞌo̱ ta xáa kaꞌnu ni va ndo ra.

El Apocalipsis 1:17

Tá xi̱ni i ra, ta ndakua kuaꞌan nima i, iin saa ndi̱kava i kuaꞌan i xaꞌa ra. Tá káa ra ndi̱xiꞌi saa ndu̱u i. Ñaa chi̱nuu ndaꞌa ra sata i, ta ndi̱kaꞌan ra xiꞌin i, káchi ra saa: ―Ku ïꞌvi un, saa chi yeꞌe, ta táku i nda kivi núnu̱ú, iin saa kutaku i nda kivi sindiꞌi.